အာလူးအခွံကို လွှင့်ပစ်နေတာကို အခုပဲ ရပ်တန့်လိုက်ပါ!

အာလူး စားမယ်ဆိုရင် အာလူး အခွံတွေကို စင်နေအောင် ခွာနော်၊ ပါးအာတယ် ဆိုတာကို လူတိုင်း ကြားဖူးမှာပါ။ ဒါကြောင့် အာလူး စားတဲ့အခါ အာလူးခွံတွေကို မစားဘဲ လွှင့်ပစ်ကြတာ များတယ်နော်။ တကယ်ကတော့ အာလူးခွံက စားလို့ရသလို ကျန်းမာရေးအာနိသင်လည်း ရှိပါတယ်။ ဒါကြောင့် ပြောချင်တာက အာလူးအခွံကို လွှင့်ပစ်နေတာကို အခုပဲ ရပ်တန့်လိုက်ပါ! ဆိုတာပါ။ ဘာကြောင့် ဒီလိုပြောရတာလဲဆိုတာကို အတူတူ ကြည့်လိုက်ရအောင်နော်။

အာလူးခွံမှာ ဘယ်လို အာဟာရတွေ ပါဝင်နေလဲ!

အာလူးခွံမှာ အခုလို အာဟာရလေးတွေ ပါဝင်နေ ပါတယ်။ ဘယ်လို အာဟာရတွေလဲ ဆိုတော့ – 

အာလူးအခွံကို လွှင့်ပစ်နေတာကို အခုပဲ ရပ်တန့်လိုက်ပါ!

အာလူးအခွံကို လွှင့်ပစ်နေတာကို အခုပဲ ရပ်တန့်လိုက်ပါ! ဘာကြောင့် ဒီလို ပြောရတာလဲ ဆိုတော့ အာလူးခွံက – 

• အပူလောင်နာကို သက်သာစေတယ်

အာလူးခွံက နေလောင်တာကို သက်သာစေနိုင် သလို အပူလောင်တာကိုလည်း သက်သာစေနိုင်တဲ့ အာနိသင် ရှိပါတယ်။ အပူလောင်တဲ့နေရာကို အာလူးခွံလေးနဲ့ ကပ်ပေးတာက အရေပြားကို အေးစေပြီး အပူလောင်တာကို သက်သာစေမှာပါ။ သိပ်မပြင်းထန်တဲ့ အပူလောင်နာတွေအတွက် သုံးလို့ ရပါတယ်။ 

• ကိုယ်ခံအား ကောင်းစေတယ်

အာလူးခွံမှာ ဗီတာမင် C ပါဝင်နေတာကြောင့် ကိုယ်ခံအား ကောင်းစေဖို့ ထောက်ကူပေးသလို ဓာတ်တိုးဆန့်ကျင်ပစ္စည်း ပါဝင်နေတာကလည်း ဓာတ်တိုးပစ္စည်းတွေကြောင့် ခန္ဓာကိုယ်မှာ ထိခိုက်တာမျိုး မဖြစ်စေဖို့ ထောက်ကူပေးနိုင်ပါတယ်။ 

• ကင်ဆာဖြစ်နိုင်ခြေကို လျှော့ချပေးနိုင်တယ်

အာလူးခွံမှာ ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်နေပြီး ကင်ဆာဖြစ်နိုင်ခြေကို လျှော့ချပေးနိုင်ပါတယ်။ ဒါကြောင့် ကင်ဆာဖြစ်နိုင်ခြေကို လျှော့ချဖို့ဆိုရင် အာလူးခွံကို အသုံးပြုပေးလို့ ရပါတယ်။ 

• သွေးတွင်းကိုလက်စထရော ကျဆင်းစေတယ်

အမျှင်ဓာတ်ရော ဓာတ်တိုးဆန့်ကျင် ပစ္စည်းတွေပါ ကြွယ်ဝစွာ ပါဝင်နေတဲ့ အာလူးခွံက သွေးတွင်း ကိုလက်စထရောကို ကျဆင်းစေပြီး ကိုယ်တွင်းအဆီများတာကို သက်သာစေဖို့ ထောက်ကူပေးနိုင်ပါတယ်။ 

• နှလုံးရောဂါဖြစ်နိုင်ခြေကို လျှော့ချပေးတယ်

အာလူးခွံမှာ ပိုတက်ဆီယမ် ပါဝင် နေတာက သွေးပေါင်ချိန်ကို ထိန်းညှိပေးပြီး ရုတ်တရက် နှလုံးရပ်တာ၊ လေဖြတ်တာမျိုးတွေ ဖြစ်နိုင်ခြေကိုလည်း လျှော့ချပေးနိုင် ပါတယ်။ သွေးပေါင်ချိန်ကို ထိန်းညှိပေးတာက နှလုံးရောဂါ ဖြစ်နိုင်ခြေကို လျှော့ချပေးနိုင်ပါတယ်။ 

• သွေးတွင်းသကြားဓာတ် ထိန်းပေးတယ်

အာလူးခွံမှာ ပါတဲ့ အမျှင်ဓာတ်က သွေးတွင်းသကြားဓာတ် ရုတ်တရက် မြင့်တက်တာမျိုး မဖြစ်အောင် ကာကွယ်ပေးသလို သွေးတွင်းသကြားဓာတ်ကို ထိန်းညှိပေးပါတယ်။ ဒါကြောင့် သွေးတွင်းသကြားဓာတ်ကို ထိန်းညှိချင်တယ် ဆိုရင်တော့ အာလူးခွံကို အသုံးပြုလို့ ရပါတယ်။ 

• အသားအရေ ကျန်းမာစေတယ်

အာလူးက ဗီတာမင် C နဲ့ ဓာတ်တိုးဆန့်ကျင် ပစ္စည်း ကြွယ်ဝတာက အသားအရေကို ကျန်းမာစေပြီး ဝက်ခြံ နဲ့ ဝက်ခြံ အမာရွတ်တွေကို သက်သာစေနိုင်ပါတယ်။ 

• အမည်းစက်တွေကို သက်သာစေတယ်

မျက်ကွင်းညိုတာ နဲ့ မျက်နှာပေါ်က အမည်းစက်တွေကို သက်သာစေဖို့လည်း အာလူးခွံကို အသုံးပြုပေးလို့ ရပါတယ်။ 

သတိထားရမယ့် အချက်များ

အာလူးခွံက ကျန်းမာရေးအတွက် ကောင်းတယ်ဆိုပေမယ့် မဖြစ်မနေ စားရမယ်လို့တော့ မဟုတ်ပါဘူး။ အထူးသဖြင့် စိမ်းနေတဲ့ အာလူးခွံတွေ၊ အညှောင့်ထွက်နေတဲ့ အာလူးခွံတွေ၊ ပိုးပေါက်ပါနေတာတွေဆို မစားသုံးသင့်ပါဘူး။ အာလူးကို အခွံပါ ထည့်ချက်မယ်ဆိုရင်လည်း ရေစင်အောင် ဆေးပြီး သေချာကျက်အောင် ချက်စားဖို့ လိုပါတယ်။ ချက်ပြီးတာတောင် ခါးနေသေးတယ်ဆိုရင်လည်း မစားသင့်ပါဘူး။

အရေပြားမှာ အသုံးပြုမယ်ဆိုရင်လည်း အစေးမလောင်အောင် သတိထားပါ။ ဓာတ်မတည့်ဖြစ်တတ်သူတွေ၊ ထိခိုက်မခံတဲ့ အသားအရေရှိသူတွေကတော့ အသုံးမပြုတာ ပိုကောင်းပါတယ်။

အာလူးခွံက အကျိုးကျေးဇူးတွေ ရှိတယ်ဆိုပေမယ့် သတိထားပြီး အသုံးပြုတာ အကောင်းဆုံးပါ။