သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

အိမ်မွေးတိရစ္ဆာန်ရှိသူလေးတွေသာရနိုင်တဲ့ ကောင်းကျိုးတွေ

အိမ်မွေးတိရစ္ဆာန်ရှိသူလေးတွေသာရနိုင်တဲ့ ကောင်းကျိုးတွေ

အပြင်ကနေ အိမ်ပြန်ရောက်လို့ ဘယ်သူစောင့်စောင့်၊ မစောင့်စောင့် သူတို့ကတော့စောင့်တယ်နော်။ ဘာတွေပဲဖြစ်နေဖြစ်နေ ဝမ်းပန်းတသာနဲ့ကြိုတတ်တာက သူတို့လေးတွေပါပဲ။ ဘယ်အခြေအနေမှာဖြစ်ဖြစ် မလျှော့တဲ့အချစ်တွေနဲ့ ချစ်တတ်သူတွေပေါ့။ အပျင်းပြေရုံတင်မဟုတ် သူတို့ကြောင့်ပါ ခွန်အားတွေရသေးတယ်နော်။ အိမ်နားရောက်တာနဲ့ ကြိုဖို့ အသင့်ဖြစ်နေတဲ့ အသည်းကျော်လေးတွေ ပိုင်ဆိုင်ထားတာကလည်း ဘဝရဲ့ပျော်စရာတွေထဲကတစ်ခုပါ။

စိန်ခေါ်မှုများစွာနဲ့ ဘဝကိုအကောင်းဆုံးကျော်ဖြတ်နေရချိန်မှာ ပင်ပန်းမှုတွေကို အသေးအဖွဲပါလို့တွေးမိတဲ့အထိ အင်အားပေးတတ်သူလေးတွေက အခြားသူတွေမဟုတ်ပါဘူး။ဘေဘီဆွီတီရယ်လို့ ခေါ်မိလောက်တဲ့အထိ ချစ်စရာကောင်းတဲ့ အိမ်မွေးတိရစ္ဆာန်လေးတွေပါနော်။ သူတို့ရဲ့ တီတီတာတာချှွဲနွဲ့မှုတွေက ပင်ပန်းမှုတွေ စိတ်ဖိစီးမှုတွေကိုပြေပျောက်စေပါတယ်။

အိမ်မွေးတိရစ္ဆာန်လေးရှိနေတာက အခုလိုအကျိုးကျေးဇူးတွေရရှိစေနိုင်ပါတယ်

အလုပ်ကနေအိမ်ပြန်ရချိန်မှာ ပင်ပန်းနွမ်းနယ်နေပေမယ့် လက်ထဲမှာပါလာတဲ့ အထုပ်ကို သယ်မလို့ဆိုပြီးပြေးလာကြိုတဲ့ခွေးလေးရဲ့နှုတ်ဆက်မှုက ဝမ်းသာကြည်နူးမှုကိုဖြစ်စေတယ်ဟုတ်။ ဒီခံစားမှုကပြောပြတာထက် လက်တွေ့ကြုံဖူးသူတွေက ပိုသိမှာပါ။ ဒီအချိန် စိတ်မှာရလိုက်တဲ့ ခံစားမှုက အရမ်းကိုကောင်းတာပါ။ ဒီပျော်ရွှင်မှုကနေ့တိုင်းရနေရင်တောင် ရိုးမသွားနိုင်ဘူးနော်။

ဒီလိုရိုးမသွားတဲ့ပျော်ရွှင်မှုလေးတွေက စိတ်ရောကိုယ်ပါကျန်းမာစေနိုင်ပါတယ်

ဓါတ်မတည့်မှုကင်းဝေးစေတယ်

အိမ်မွေးတိရစ္ဆာန်လေးတွေရှိနေသူတွေက အခြားသူတွေထက် ဓါတ်မတည့်မှုဖြစ်နိုင်ခြေပိုနည်းပါတယ်။ သူတို့ရဲ့ အမွှေးတွေနဲ့ထိတွေ့နေရတာကြောင့်တော်ရုံဓါတ်မတည့်မှုလောက်ကို အသာလေးကျော်သွားနိုင်ပြီပေါ့။

သွေးတိုးကျစေနိုင်တယ်

တိရစ္ဆာန်လေးတွေနဲ့ ထိတွေ့မှုကသွေးတိုးကျစေဖို့ အထောက်အကူပြုပေးတယ်၊လို့လေ့လာမှုတွေအရသိရပါတယ်။ ဒါကြောင့်သွေးတိုးရှိသူတွေအနေနဲ့ အိမ်မွေးတိရစ္ဆာန်လေးတစ်ကောင်လောက်မွေးထားတာက အဆင်ပြေဆုံးဖြစ်မှာပါ။

သွေးတွင်းကိုလက်စထရောကျစေတယ်

အိမ်မှာခွေးလေးတစ်ကောင်လောက်ပဲမွေးထားကြည့်လိုက် သူ့အတွက်စားရေးသောက်ရေးနေရေးထိုင်ရေးစီစဉ်ပေးတာ၊ သူနဲ့အတူဆော့ကစားပေးရတာနဲ့တင် ခန္ဓါကိုယ်အတွက်လေ့ကျင့်ခန်းအထွေအထူးလုပ်နေစရာမလိုတော့ဘဲ လှုပ်ရှားပြီးသားဖြစ်နေရော။ ဒီလိုလှုပ်ရှားမှုတွေကသွေးတွင်းကိုလက်စထရောတွေကို ကျစေမှာပြောနေစရာမလိုအောင်ပါ။

စိတ်ဖိစီးမှုကင်းစေတယ်

တစ်နေ့တာ စိတ်ဖိစီးမှုက အိမ်ပြန်ရောက်လို့ သူတို့လေးတွေ မျက်နှာမြင်လိုက်ရင် အလိုလိုပျောက်သွားတာပါနော်။ လုံးဝမေ့မသွားရင်တောင် ခဏတဖြုတ်တော့ သက်သာရာရသွားတာပါပဲ။ စိတ်ဖိစီးမှုဖြစ်စေတဲ့ဟော်မုန်းတွေကိုလျော့ကျစေဖို့ အကောင်းဆုံးသောဖြေဆေးက သူတို့လေးတွေပါ။

စိတ်ကျန်းမာစေနိုင်တယ်

လေ့လာတွေ့ရှိချက်တွေအရ သိရတာက တိရစ္ဆာန်လေးတွေကို ချစ်တတ်သူတွေက အခြားသူတွေထက်ပိုပြီး စိတ်ကျန်းမာကြတယ်ဆိုတာပါ။နေ့စဉ်ပျော်ရွှင်မှုတွေကိုခံစားနေရသူတွေအဖို့ စိတ်ကျန်းမာမယ်ဆိုတာကပြောနေစရာမလိုအောင်ပါ။ စိတ်ပိုင်းဆိုင်ရာကြံ့ခိုင်ကျန်းမာသူတွေမှာ သူတို့အချစ်တော်လေးတွေရှိတတ်ကြစမြဲပါနော်။

နှလုံးကျန်းမာစေနိုင်တယ်

အိမ်မွေးတိရစ္ဆာန်လေးတွေက သူတို့ပိုင်ရှင်တွေကို နှလုံးကျန်းမာစေနိုင်ပါတယ်။ အကြောင်းရင်းကတော့ သူတို့လေးတွေနဲ့ လမ်းလျှောက်ထွက်တာ၊ အတူဆော့ပေးရတာတွေကြောင့်ပါ။ ဒါတွေတင်လားဆိုတော့ မဟုတ်ပါဘူး။ အိမ်မွေးတိရစ္ဆာန်ရှိသူတွေက အဝလွန်နိုင်ခြေနည်းကြသလိုသွေးတိုး နဲ့သွေးတွင်းကိုလက်စထရောများတာတွေပါ ကင်းကြပါတယ်။ စိတ်ဖိစီးမှုတွေပါကင်းလို့ စိတ်ဖိစီးမှုကြောင့်ဖြစ်တဲ့ရောဂါတွေပါကင်းဦးမှာပါ။

အမြဲတက်ကြွလန်းဆန်းပြီး စိတ်ခံစားမှုကောင်းကောင်းနဲ့ အရာရာကိုကျော်ဖြတ်ချင်တယ်ဆိုရင်တော့ အမြဲတမ်းသစ္စာရှိရှိနဲ့ကိုယ့်ကို ချစ်မယ့် အသည်းကျော်လေးတစ်ကောင်လောက်တော့ဘေးမှာရှိမှဖြစ်မှာပါနော်။ သူတို့လေးတွေရော ကိုယ်ပါ ကျန်းမာအောင် အမြဲမပြတ် ကျန်းမာရေးစောင့်ရှောက်မှုတွေလုပ်ဖို့တော့ မမေ့ပါနဲ့။

ဒီအချက်လေးတွေတော့ သတိထားပါ

  • ကုတ်ခံရတာ၊ ကိုက်ခံရတာတွေမဖြစ်အောင် ဂရုစိုက်ပါ။
  • ကာကွယ်ဆေးပုံမှန်ထိုးပေးပါ။
  • ၆ လတစ်ကြိမ် သန်ချပါ။
  • ကုတ်ခံ၊ ကိုက်ခံရရင် ချက်ချင်းကုသမှုခံယူပါ။
  • အညစ်အကြေးတွေကို တိုက်ရိုက်ထိတွေ့တာမျိုးရှောင်ပါ။
  • ဆော့ကစားပြီးတိုင်း လက်ကို ဆပ်ပြာနဲ့ဆေးကြောပါ။
  • ပါးစပ်၊ အနာနဲ့ အရေပြားပွန်းပဲ့ရာတွေကို လျှာနဲ့ ပေးမလျက်ပါနဲ့။
  • ပုံမှန်သန့်ရှင်းရေးလုပ်ပေးပါ။
  • ပုံမှန် ကျန်းမာရေးစစ်ဆေးမှုလုပ်ပေးပါ။

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

5 Ways Pets Can Improve Your Healthhttps://www.webmd.com/hypertension-high-blood-pressure/features/health-benefits-of-pets#3 Accessed Date 7 May 2019

7 Health Benefits of Owning a Pethttps://chopra.com/articles/7-health-benefits-of-owning-a-pet Accessed Date 7 May 2019

The health benefits and risks of pet ownershiphttps://www.health.harvard.edu/staying-healthy/the-health-benefits-and-risks-of-pet-ownership Accessed Date 7 May 2019

The Health Benefits of Owning Petshttps://www.cancer.org/latest-news/the-health-benefits-of-owning-pets.html Accessed Date 7 May 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 14/06/2022 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။