သိုင်းရွိုက်ဂလင်းရဲ့ ပုံမှန်လုပ်ငန်းတာဝန်တွေကို ထမ်းဆောင်နိုင်ဖို့၊ သိုင်းရွိုက်ဟော်မုန်းတွေ ထုတ်လုပ်နိုင်ဖို့ အိုင်အိုဒင်းကို လိုအပ်ပါတယ်။ သိုင်းရွိုက်ဟော်မုန်းဟာ ကိုယ်ခန္ဓာဖွံ့ဖြိုးကြီးထွားမှု၊ ဦးနှောက်ဖွံ့ဖြိုးမှု၊ အရိုးများကျန်းမာရေးကို ထိန်းသိမ်းမှု စတာတွေအတွက် အရေးကြီးပါတယ်။ သိုင်းရွိုက်ဟော်မုန်းချို့တဲ့ရင် သိုင်းရွိုက်ဂလင်းကြီးလာခြင်း (သို့) လည်ပင်းကြီးခြင်း ဖြစ်တတ်ပါတယ်။ နှလုံးခုန်မြန်ခြင်း၊ အသက်ရှူမြန်ခြင်း၊ ကိုယ်အလေးချိန်တက်ခြင်း စတာတွေလည်း ဖြစ်တတ်ပါတယ်။ ကလေးငယ်များမှာဖြစ်ရင် ဉာဏ်ရည်ချို့တဲ့ခြင်း၊ ရုပ်ပိုင်းဆိုင်ရာ ပုံမှန်မဖွံ့ဖြိုးခြင်း စတာတွေ ဖြစ်တတ်ပါတယ်။
အိုင်အိုဒင်းချို့တဲ့ခြင်းအတွက် အိုင်အိုဒင်းဆားကို စားသုံးနိုင်ပါတယ်။ ဒါ့အပြင် ပင်လယ်ရေညှိ၊ ငါးအမျိုးမျိုး၊ နို့ထွက်ပစ္စည်းများ၊ ဥအမျိုးမျိုး စတာတွေမှာလည်း အိုင်အိုဒင်း ပါဝင်ပါတယ်။
လူ့ခန္ဓာကိုယ်အရေပြားပေါ် နေရောင်ခြည်ထိပြီးရင် ဗီတာမင်ဒီ ထွက်လာပါတယ်။ ဒါကြောင့် အီကွေတာနဲ့ဝေးတဲ့ ဒေသမှာ နေထိုင်သူများဟာ အစားအသောက်ထဲမှာ ဗီတာမင်ဒီ မလုံလောက်ရင် ဗီတာမင်ဒီချို့တဲ့ခြင်း သေချာပေါက်ဖြစ်ပွားနိုင်ပါတယ်။ ဗီတာမင်ဒီ ချို့တဲ့ရင် ကြွက်သားများအားနည်းခြင်း၊ အရိုးများပျက်စီးခြင်း၊ အရိုးများ ကျိုးပဲ့လွယ်ခြင်း စတာတွေ ဖြစ်နိုင်ပါတယ်။ ကလေးတွေမှာဆိုရင် ဖွံ့ဖြိုးမှုနောက်ကျခြင်း၊ အရိုးပျော့ခြင်း စတာတွေ ဖြစ်နိုင်ပါတယ်။ ဗီတာမင်ဒီကို နေရောင်ခြည်ခံယူခြင်းကနေ ရရှိနိုင်ပါတယ်။ ငါးကြီးဆီ၊ ဥအမျိုးမျိုးရဲ့ အနှစ် စတာတွေကနေလည်း ရပါတယ်။ ဆယ်လ်မွန်၊ ငါးကွန်းရှပ်၊ ငါးသေတ္တာ၊ ထရောက်ငါး စတာတွေမှာလည်း ရရှိပါတယ်။
ဗီတာမင် B12 ဟာ သွေးဖြစ်ပေါ်ခြင်းအတွက် အရေးပါပါတယ်။ ဦးနှောက်နဲ့ အာရုံကြောအတွက်လည်း အရေးကြီးပါတယ်။ ဗီတာမင် B12 ကို တိရစ္ဆာန်အသားများမှ အဓိကရပါတယ်။ ဒါကြောင့် အသားမစားသူများဟာ ဗီတာမင် B12 ချို့တဲ့ခြင်း ဖြစ်နိုင်ခြေ များပါတယ်။ ဗီတာမင် B12 ရရှိနိုင်ဖို့ အခွံမာ ရေသတ္တဝါများ၊ ကလီစာများ၊ အသားများ၊ ဥအမျိုးမျိုး၊ နို့ထွက်ပစ္စည်းများ စတာတွေကို စားသုံးနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။