အထိုင်များသူတို့အတွက် လေ့ကျင့်ခန်း

တစ်နေ့တာမှာ လုပ်ဆောင်ရတဲ့ အလုပ်တွေက ထိုင်ရာကမထတမ်း လုပ်နေရတာလား ….. တစ်နေ့တာရဲ့ အချိန်တော်တော်များများကို ထိုင်နေရပြီဆိုရင်တော့ ဒီအကျင့်ကိုပြင်ဖို့ လိုနေပါပြီ။ ဒီလို အထိုင်များတာက တိုးတက်လာတဲ့ လူနေမှုပုံစံရဲ့ တစ်စိတ်တစ်ပိုင်းဆိုပေမယ့် စိတ်ရောကိုယ်ပါ ကျန်းမာမှုကို ထိခိုက်စေနိုင်ပါတယ်။ ဒီတစ်ခေါက်တော့ အထိုင်များသူတို့အတွက် လေ့ကျင့်ခန်း တွေက ဘာတွေဖြစ်မလဲဆိုတာကို ပြောပြပေးချင်ပါတယ်။ အထိုင်များတာကြောင့် ကျန်းမာရေး မထိခိုက်စေဖို့အတွက် အတူတူ ဖတ်ကြည့်လိုက်ရအောင်လား။

အထိုင်များတာက ကျန်းမာရေးကို ထိခိုက်စေနိုင်ပါတယ်

အထိုင်များလေလေ အသက်တိုနိုင်လေလေပါ။ တစ်နေ့တာမှာ မတ်တတ်ရပ်ရချိန်၊ လှုပ်ရှားသွားလာရချိန် များတာက အသက်ရှည်စေဖို့ ထောက်ကူပေးနိုင်ပါတယ်။ တစ်နေ့ကို ၄ နာရီနဲ့အထက် ဆက်တိုက်ထိုင်ရမယ်ဆိုရင်တော့ အထိုင်များနေပါပြီ။

ဒီလို အထိုင်များတာက ကျန်းမာရေးကို အခုလို ထိခိုက်စေနိုင်ပါတယ်။

• ကြွက်သားတွေ အားနည်းလာမယ်
• ခြေလက်ကြွက်သားတွေ အားနည်းပြီး ချော်ကျတာလိုမျိုး ပြဿနာတွေ အဖြစ်များလာမယ်
• အဝလွန်မယ်
• တင်ပါးဆုံ နဲ့ နောက်ကျောတွေ နာမယ်
• ခါးနာမယ်
• ကင်ဆာရောဂါဖြစ်နိုင်ခြေ များလာမယ်
• သွေးတိုးမယ်
• ဆီးချို ဖြစ်နိုင်ခြေ များမယ်
• စိတ်ဖိစီးမယ်
• ပခုံး နဲ့ ဇက်ကြောတွေ တောင့်တင်းမယ်
• နှလုံးရောဂါ ဖြစ်မယ်
• နာတာရှည် သွေးပြန်ကြောရောဂါ ဖြစ်မယ်
• စိတ်ဖိစီးမယ်
• စိတ်ဓာတ်ကျမယ်။

အထိုင်များသူတို့အတွက် လေ့ကျင့်ခန်း

အထိုင်များတာကြောင့် ကျန်းမာရေး မထိခိုက်စေဖို့ဆိုရင် လေ့ကျင့်ခန်း လုပ်ပေးလို့ ရပါတယ်။ အချိန်ကုန် သက်သာစေပြီး စိတ်ရောကိုယ်ပါ ကျန်းမာလို့ အထိုင်များတာကြောင့် ကျန်းမာရေး မထိခိုက်စေမယ့် လေ့ကျင့်ခန်းတွေက ဘာတွေလဲဆိုတာကို အတူတူ ဆက်ကြည့်လိုက်ရအောင်နော်။

လမ်းလျှောက်ပါ

လမ်းလျှောက်တာက စိတ်ရောကိုယ်ပါ ကျန်းမာစေမယ့် အလွယ်ကူဆုံး လေ့ကျင့်ခန်းပါ။ အထိုင်များသူတွေအတွက် အတော်လေး သင့်တော်ပါတယ်။ တစ်နေ့ကို မိနစ် ၃၀ ကနေ ၆၀ လောက်အထိ လမ်းလျှောက်ပေးပါ။ လမ်းလျှောက်ပေးတာက ခန္ဓာကိုယ်မှာ သွေးစီးဆင်းရောက်ရှိမှု ကောင်းစေပြီး ကြွက်သားတွေ ပြေလျော့စေဖို့လည်း ထောက်ကူပေးနိုင်ပါတယ်။

သီးသန့်အချိန်မပေးနိုင်ရင်‌တောင် ထိုင်ရာကနေ မကြာခဏထပြီး အနီးအနားကို သွားတာဖြစ်ဖြစ်၊ အိမ်သာသွားတာဖြစ်ဖြစ် လမ်းထလျှောက်ပေးပါ။

Plank ထောက်ပါ

Chest opener

ဒီလေ့ကျင့်ခန်းက နောက်ကျော နဲ့ ပခုံးက ကြွက်သားတွေကို ပြေလျော့စေနိုင်ပါတယ်။ အရင်ဆုံး ခါးကို မတ်မတ်လေးထားပြီး ထိုင်ပါ။ ပြီးရင် ပခုံးကို တင်ပါးအကျယ်အတိုင်း ဆန့်ဆန့်လေးနေပါ။

ပြီးရင် လက်တစ်ဖက်ကို ခေါင်းပေါ်ကနေ ကျော်ပြီး ကျောနောက်ဖက်ကို ကပ်ပါ။ လက်ဖဝါးနဲ့ နောက်ကျောကို ထိထားပြီး ကပ်ပါ။ ပြီးရင် နောက်လက်တစ်ဖက်နဲ့ ကျောနောက်ဘက်ကို ကပ်ထားတဲ့လက်ရဲ့ တံတောင်ဆစ်ကို ဆွဲယူပါ။ ပုခုံးကြောလေးတွေတင်းလာတဲ့အထိ ဆွဲပါ။ တစ်ဖက်ကို ၁၅ စက္ကန့်စီလောက် တစ်ဖက်ပြီး တစ်ဖက် လုပ်ပါ။

Bird dog

• Gym ဆော့တာ
• ပြေးတာ
• စက်ဘီးစီးတာ
• Zumba ကတာတွေလည်း လုပ်ပေးလို့ ရပါတယ်။