နှာခေါင်းသွေးလျှံခြင်းကို ဖြစ်စေတဲ့ အကြောင်းအရင်းများ ။ ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

ခုလို ပူအိုက်တဲ ရာသီမျိုးဆို နှာခေါင်းသွေးလျှ့တဲ့ ပြဿာနာတွေ မကြာခဏ ကြုံတွေ့ရတတ်ပါတယ်။ တစ်ချို့ နှာခေါင်းသွေးလျှံတာတွေက ပြဿနာ ကြီးကြီးမားမားမရှိဘဲ ပြန်ပျောက်သွားတာများပါတယ်။  တစ်ချို့ကျတော့ နားနှာခေါင်း လည်ချောင်းမှာ ပြဿနာတစ်ခုခုရှိတာကြောင့် နှာခေါင်းသွေးလျှံရတာဖြစ်ပါတယ်။ ဒါဆို နှာခေါင်းသွေး လျှံခြင်းကို ဖြစ်စေတဲ့ အကြောင်းအရင်းတွေ က ဘာများလဲ ။  ။

နှာခေါင်းသွေးဘယ်လိုလျှံရတာလဲ ။ ။

နှာခေါင်းဆိုတာ သွေးကြောများစွာနဲ့ ဖွဲ့စည်းထားတဲ့အရာတစ်ခုပါ။  ဖွဲ့စည်းထားတဲ့ သွေးကြောမျှင်လေးတွေဟာ အင်မတန်ပါးပြီး ပေါက်ကွဲလွယ်ပါတယ်။  ဒါ့ကြောင့် လက်ကလေးနဲ့ နှာချေးကလော်လိုက်ရုံနဲ့ အခန့်မသင့်ရင် သွေးတွေ ထွက်လာတတ်တာဖြစ်ပါတယ်။

နှာခေါင်းသွေးလျှံတာကို နေရာ ၂ ပိုင်းခွဲလို့ရပါတယ်။

  • anterior nosebleed – နှာခေါင်း အရှေ့ပိုင်းက သွေးကြောလေးတွေ ကွဲတာ၊ ပျက်စီးသွားတာကြောင့် နှာခေါင်းသွေးလျှံခြင်းနဲ့
  • posterior nosebleed – နှာခေါင်း အနောက်ပိုင်းက သွေးကြောတွေပေါက်ပြီးေ သွးထွက်တတ်တဲ့ ကိစ္စပါ။ နှာခေါင်းအနောက်ပိုင်းထွက်တဲ့သွေးတွေကျတော့ အပြင်ကို ထွက်မလာဘဲ လည်ချောင်းထဲပြန်စီးဝင်သွားတတ်ပါတယ်။ ဒီနှာခေါင်း အနောက်ပိုင်း သွေးထွက်တဲပြဿနာဖြစ်ရင်တော့ စိုးရိမ်ရတတ်ပါတယ်။

နှာခေါင်းသွေးလျှံခြင်းကို ဖြစ်စေတဲ့ အကြောင်းအရင်းများ ။ ။

နှာခေါင်းသွေးလျှံခြင်းကို ဖြစ်စေတဲ အကြောင်းအရင်းများစွာရှိပါတယ်။ ရံဖန်ရံခါ ရုတ်တရက်နှာခေါင်းသွေးလျှံတာမျိုးက စိုးရိမ်စရာမရှိပေမယ့် ခဏခဏ နှာခေါင်းသွေးလျှံနေတာမျိုးဆို စိုးရိမ်စရာ ရှိလာပါပြီ။

  • ခြောက်သွေ့နေတဲ့ လေဟာ နှာခေါင်းသွေးလျှံခြင်းကို အများဆုံးဖြစ်စေတဲ့ အကြောင်းအရာတစ်ခုပါ။ ဒါ့ကြောင့် ပူပြင်းခြောက်သွေ့တဲ့ ရာသီဥတုနဲ့ အိမ်တွင်းအပူပေးစက်တွေဟာ နှာခေါင်း အတွင်းသား ခြောက်သွေ့ခြင်းကို ဖြစ်စေပါတယ်။ ဒီလိုခြောက်သွေ့လာတဲ့ နှာခေါင်းအတွင်းသားလေးတွေ ကွဲအက်လာပြီး ယားသလိုလိုဖြစ်လာတဲ့အခါ ကုတ်မိလိုက်တာနဲ့တင် နှာခေါင်းသွေးထွက်ခြင်းကို ဖြစ်စေပါတယ်။
  • နှာစေးနှာပိတ်ရင်သောက်တဲ့ဆေးတွေဖြစ်တဲ့ antihistaminesနဲ့ decongestants တို့ဟာ လည်း နှာခေါင်းအတွင်းသားတွေကို ခြောက်သွေ့စေတတ်ပြီး နှာခေါင်းသွေးထွက်ခြင်းကို ဖြစ်စေတတ်ပါတယ်။
  • နှပ်ခဏခဏ ညှစ်ခြင်းဟာလည်း နှာခေါင်းသွေးလျှံခြင်းကို ဖြစ်စေတဲ့အကြောင်းအရင်းတွေထဲက တစ်ခုပါ။

နှာခေါင်းသွေးလျှံခြင်းကိုဖြစ်စေတဲ့ အခြား အဖြစ်များတဲ့ အကြောင်းအရင်းတွေကတော့

  • ပြင်ပက ပစ္စည်းတစ်ခုခုဝင်သွားတာ
  • ဓာတုပစ္စည်းတွေနဲ့ထိမိတာ
  • ဓာတ်မတည့်ဘဲ နှာစေးတာ
  • နှာခေါင်းမှာ တစ်ခုခုထိခိုက်မိတာ
  • ခဏခဏ နှာချေတာ
  • နှာချေးကလော်တာနဲ့
  • ခြောက်သွေ့ပြီး စိုထိုင်းဆနည်းတဲ့လေတွေကြောင့်  နှာခေါင်းအတွင်းသားတွေ ခြောက်သွေ့ပြီးကွဲအက်တာ
  • အသက်ရှူလမ်းကြောင်းပိုးဝင်တာ
  • aspirin ဆေး ပမာဏ အများကြီးသောက်မိလို့ သွေးဆဲလ်တွေ ထိခိုက်မိပြီး သွေးယိုစိမ့်တာတွေကြောင့် အပြင်

အခြား ကျန်းမာရေး ပြဿနာတွေဖြစ်တဲ့

  • သွေးတိုးရောဂါ
  • သွေးကင်ဆာ
  • သွေးမတိတ်တဲ့ရောဂါ
  • ကင်ဆာရောဂါ တွေဟာလည်း နှာခေါင်းသွေးလျှံခြင်းကို ဖြစ်စေတဲ့ အကြောင်းအရာတွေဖြစ်ပါတယ်။

နှာခေါင်းသွေးလျှံတာ တော်တော်များများက ဆေးကုသမှု မလုပ်ရဘဲ သူ့ဘာသာပြန်ပျောက်သွားလေ့ရှိပါတယ်။

ဘယ်အချိန်ဆိုဆေးခန်းသွားပြီး ဆေးကုသမှု ခံယူဖို့လိုအပ်မလဲ။  ။

  • နှာခေါင်းသွေးလျှံတာ မိနစ် ၂၀ ကျော်နေပြီ ခုထိ မရပ်သေးဘူး
  • နှာခေါင်းကို ထိခိုက်မိပြီး နှာခေါင်းသွေးထွက်တာမျိုး (ချော်လဲတာ၊ ကားတိုက်တာ၊ မျက်နှာကို အ ထိုးခံရတာ) တဲ့အခါမျိုးဆို နှာခေါင်းရိုးကျိုးတာ၊ ဦးခေါင်းခွဲကွဲတာနဲ့ အတွင်းပိုင်းသွေးထွက်ခြင်းတွေကြောင့် နှာခေါင်းသွေးလျှံတတ်ပါတယ်။ ဒီလို အချိန်မျိုးဆို နှာခေါင်း အနောက်ပိုင်းအခြမ်းက သွေးထွက်တာဖြစ်နို်င်တဲ့အတွက် ဆေးကုသမှုခံယူဖို့လိုပါတယ်။

Hello Health Group  သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Read also:

မျှဝေမည်

တည်းဖြတ်သည့်နေ့ ဧပွီ 13, 2019 | နောက်ဆုံးတည်းဖြတ်ခြင်း ဧပွီ 13, 2019

ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
သင်ဒါလည်း နှစ်သက်နိုင်ပါတယ်။