သိုင်းရွိုက်ပြဿနာလား သွေးဆုံးခြင်းလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

သိုင်းရွိုက်အလုပ်လုပ်အားနည်းရင် သိုင်းရွိုက်ဟော်မုန်းများထွက်ခြင်းလည်း လျော့ကျသွားပါတယ်။ သိုင်းရွိုက် အလုပ်လုပ်အားနည်းခြင်းကို Hypothyroidism လို့ခေါ်ပါတယ်။ သိုင်းရွိုက်အလုပ်လုပ် အားနည်းခြင်းနဲ့ အမျိုးသမီးများ သွေးဆုံးခြင်းဟာ လက္ခဏာတွေ ဆင်တူတတ်ပါတယ်။ သိုင်းရွိုက်အားနည်းခြင်းကို များသောအားဖြင့် သက်လတ်ပိုင်းအရွယ် အမျိုးသမီးတွေမှာ တွေ့ရတတ်ပါတယ်။ အဆိုပါအချိန်ဟာ အမျိုးသမီးများ သွေးဆုံးတဲ့အချိန်လည်း ဖြစ်ပါတယ်။
ယခုဆက်လက်ဖော်ပြသွားမှာကတော့ သွေးဆုံးခြင်းနဲ့ သိုင်းရွိုက်ဂလင်းအကြား ဆက်နွယ်မှု ဘယ်လိုရှိသလဲဆိုတာနဲ့ သွေးဆုံးခြင်းလက္ခဏာနဲ့ နောက်ဆက်တွဲပြဿနာတွေကို သိုင်းရွိုက်အားနည်းခြင်းက ဘယ်လိုအကျိုးသက်ရောက်စေသလဲ ဆိုတာပါပဲ။

အီစထရိုဂျင်ဟော်မုန်းနှင့် သိုင်းရွိုက်ဂလင်းလုပ်ငန်းတာဝန်

သွေးဆုံးချိန်မှာ အီစထရိုဂျင်ဟော်မုန်းပမာဏ သိသိသာသာ ကျဆင်းသွားပါတယ်။ ဒါကြောင့် သွေးဆုံးခြင်းနဲ့ ပတ်သက်တဲ့ လက္ခဏာများ ပေါ်လာတတ်ပါတယ်။ အီစထရိုဂျင်ပမာဏဟာ သိုင်းရွိုက်ဂလင်းနဲ့ လုပ်ငန်းတာဝန်တွေကိုလည်း သက်ရောက်မှုရှိပါတယ်။

၂၀၁၁ ခုနှစ်မှာ ပြုလုပ်ခဲ့တဲ့ သုတေသနအရ အီစထရီုဂျင်ပမာဏကျဆင်းလာခြင်းဟာ သိုင်းရွိုက်ရဲ့ အလုပ်လုပ်နိုင်အားကိုလည်း ကျဆင်းစေပြီး သိုင်းရွိုက်ဟော်မုန်းကျဆင်းမှုကိုလည်း ဖြစ်ပေါ်စေပါတယ်။ ဒီဟော်မုန်းနှစ်ခုကြားက ဆက်နွယ်မှုကို ပိုမိသိရှိနိုင်ဖို့ သုတေသနတွေ ထပ်မံလုပ်ဆောင်ဖို့တော့ လိုအပ်ပါသေးတယ်။

သိုင်းရွိုက်အလုပ်လုပ်အားနည်းခြင်းဟာ သွေးဆုံးချိန်လက္ခဏာတွေအပေါ် သက်ရောက်မှု ဖြစ်စေသလား

သိုင်းရွိုက်အားနည်းခြင်းဟာ သွေးဆုံးချိန်လက္ခဏာတွေကို ပိုမိုဆိုးရွားစေနိုင်ပါတယ်။ ၂၀၀၇ ခုနှစ်မှာ ပြုလုပ်ခဲ့တဲ့ သုတေသနအရ သိုင်းရွိုက်ပြဿနာနဲ့ သွေးဆုံးခြင်းကို တွေ့ကြုံရသူ အမျိုးသမီးတွေဟာ သိုင်းရွိုက်အတွက် ကုသမှုခံယူလိုက်ရင် သွေးဆုံးချိန်ဖြစ်ပေါ်တဲ့ လက္ခဏာတွေပါ သက်သာသွားကြောင်း တွေ့ရပါတယ်။

သိုင်းရွိုက်အားနည်းခြင်း၏ လက္ခဏာများ

သိုင်းရွိုက်အားနည်းခြင်းဟာ ဘယ်အချိန်မှာမဆို ဖြစ်ပွားတတ်ပေမယ့် သက်လတ်ပိုင်းအရွယ် အမျိုးသမီးတွေမှာ အဖြစ်များပါတယ်။ အောက်ပါလက္ခဏာတွေ တွေ့ရတတ်ပါတယ်။

– အအေးဒဏ်မခံနိုင်ခြင်း

သွေးတွင်းအဆီဓာတ်များနေခြင်း (triglyceride နှင့် ကိုလက်စထရော)

– နှလုံးခုန်နှေးခြင်း

– မှတ်ဉာဏ်နည်းခြင်း

– ပင်ပန်းနွမ်းနယ်ခြင်း

– ကိုယ်ခန္ဓာအဆီများခြင်း

– ကြွက်သားများ အရိုးအဆစ်များ အားနည်းခြင်း

ဆံပင်ကျဲပါးလာခြင်း

– စိတ်ကျခြင်း၊ ဝမ်းနည်းခြင်း

– အသံသြခြင်း

– အသားအရေခြောက်ခြင်း

သွေးဆုံးခြင်းလက္ခဏာများ

သွေးဆုံးခြင်းလက္ခဏာတွေကတော့ အောက်ပါအတိုင်း ဖြစ်ပါတယ်။

– အသားပူခြင်း၊ ညချွေးထွက်ခြင်း

ဆီးမကြာခဏသွားခြင်း၊ ညဆီးပိုသွားခြင်း

– အိပ်ရေးပျက်ခြင်း

– အာရုံစိုက်ရန် သင်ကြားရန် ခက်ခဲခြင်း

စွမ်းအင်ကုန်ခမ်းခြင်း၊ ပင်ပန်းနွမ်းနယ်ခြင်း

– ကိုယ်အလေးချိန်ပြောင်းလဲခြင်း၊ ရုတ်တရက် ကိုယ်အလေးချိန်တိုးလာခြင်း

– မွေးလမ်းကြောင်းကျုံ့သွားခြင်း၊ ခြောက်သွေ့ခြင်း

– စိတ်အပြောင်းအလဲမြန်ခြင်း

သိုင်းရွိုက်အားနည်းခြင်းဟာ သွေးဆုံးချိန် နောက်ဆက်တွဲပြဿနာတွေကို တိုးလာစေသလား

သိုင်းရွိုက်ရောဂါဟာ သွေးဆုံးခြင်းရဲ့ နောက်ဆက်တွဲပြဿနာတွေကို ရေရှည်ဖြစ်ပေါ်စေပါတယ်။ အဖြစ်အများဆုံးကတော့ အရိုးပွခြင်း ဖြစ်ပါတယ်။ သိုင်းရွိုက်အလုပ်လုပ်အားနည်းခြင်းဟာလည်း အရိုးပွစေပါတယ်။ နောက်ဖြစ်တတ်တာကတော့ နှလုံးနဲ့သွေးကြောရောဂါတွေ ဖြစ်ပါတယ်။ သိုင်းရွိုက်ဟော်မုန်း အားနည်းခြင်းကလည်း နှလုံးရောဂါတွေကို ဦးတည်စေပါတယ်။

ဘယ်အချိန်မှာ ဆရာဝန်ပြမလဲ

သိုင်းရွိုက်ရောဂါလို့ သံသယရှိရင်၊ သွေးဆုံးချိန်လက္ခဏာတွေ ကြုံနေရရင် ဆရာဝန်နဲ့ ပြသသင့်ပါတယ်။ အကြောင်းအရင်း မယ်မယ်ရရမရှိဘဲ ပင်ပန်းနွမ်းနယ်နေရင်၊ အားနည်းနေရင်၊ ကိုယ်အလေးချိန် အပြောင်းအလဲဖြစ်ရင် ဆရာဝန်ပြသင့်ပါတယ်။ လိုအပ်ရင် ဟော်မုန်းဆိုင်ရာ အထူးပြုဆရာဝန်တွေနဲ့ ပြသရပါလိမ့်မယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အူအတက်ခွဲစိတ်ကုသခြင်း

အူအတက်ခွဲစိတ်ကုသခြင်း (Appendectomy) ဆိုတာဟာ ရောင်ရမ်းလာတဲ့ အူအတက်ကို ခွဲစိတ်ဖယ်ရှားခြင်း ဖြစ်ပါတယ်။ အရေးပေါ် ခွဲစိတ်ကုသမှုတမျိုး ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အရိုးအဆစ်ရောင်ခြင်း၏ နောက်ဆက်တွဲပြဿနာများ

အရိုးအဆစ်ရောင်ခြင်းဆိုတာဟာ ခန္ဓာကိုယ်ရဲ့အရိုးတွေအဆုံး တခုနဲ့တခု အဆစ်အနေနဲ့စုဆုံရာမှာရှိတဲ့ အရိုးနုတွေ ပျက်စီးလာတဲ့ အခြေအနေပဲ ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဒူးခွဲစိတ်မှု နောက်ပိုင်း မဖြစ်မနေ သတိထားသင့်တဲ့ (၁၄) ချက်

ဒူးခွဲစိတ်မှု နောက်ပိုင်း ပြန်လည်ကျန်းမာစေဖို့ နဲ့ နောက်ဆက်တွဲပြဿနာတွေ မဖြစ်စေဖို့ ဆောင်ရန် ရှောင်ရန် သတိထားသင့်တဲ့ အချက်လေးတွေကို ဖော်ပြပေးထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

အသက်အရွယ်အလိုက် သိထားသင့်တဲ့ မိန်းမကိုယ်ကျန်းမာရေး

အသက်အရွယ် မိန်းမကိုယ် ကျန်းမာရေး ယောနိ မဟော်မုန်း လိင်ဆက်ဆံခြင်း ဆီးလမ်းကြောင်း အနံ့ဆိုး သန့်စင်ဆေးရည် သန့်ရှင်းမှု အရေပြား လေ့ကျင့်ခန်း သွေးဆုံးခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

နားပေါက်ဖောက်ရာမှ ပိုးဝင်ခြင်း

နားပေါက်ဖောက်ရာမှ ပိုးဝင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
အဆစ်အတွင်း သွေးယိုခြင်း

အဆစ်အတွင်း သွေးယိုခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 18, 2020 . 2 mins read
အနာကြီးရောဂါအကြောင်း

အနာကြီးရောဂါအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 12, 2020 . 2 mins read
သိုင်းရွိုက်ဂလင်းခွဲစိတ်ခြင်းအကြောင်း

သိုင်းရွိုက်ဂလင်းခွဲစိတ်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read