၂၄ နာရီ ဟိုလ်တာနှလုံးစောင့်ကြည့်ကိရိယာ(24-Hour-Holter Monitor)ဆိုတာ ဘာလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် မေ 31, 2020 . 2 mins read
Share now

နှလုံးစမ်းသပ်စစ်ဆေးတဲ့ နည်းအမျိုးမျိုးထဲက ၂၄ နာရီတပ်ဆင်အသုံးပြုရတဲ့ Holter Monitor အကြောင်းပြောပြချင်ပါတယ်။

Holter Monitor စက်ကို နှလုံးခုန်မမှန်ခြင်းနဲ့ တခြားနှလုံးလက္ခဏာတွေ ရှာဖွေဖို့အသုံးပြုနိုင်ပြီး ရိုးရိုးနှလုံး အီးစီဂျီ  ဆွဲရုံနဲ့ သိသာတဲ့အချက်အလက်တွေ မရရှိတဲ့အခါမျိုး (ဒါမှမဟုတ်) သင့်မှာတခြား နှလုံးပြဿနာ တစ်ခုခုရှိနေမနေကို သေချာသိရဖို့ လိုအပ်တဲ့ အခါမျိုးမှာ Holter monitor တပ်ဆင်အသုံးပြုဖို့လိုအပ်နိုင်ပါတယ်။ Holter monitor ကိရိယာက ဘက်ထရီအားသုံး စက်တစ်မျိုးဖြစ်ပြီး အရွယ်အစားက ပိုက်ဆံအိတ်အသေး (ဒါမှမဟုတ်) ဖုန်းတစ်လုံးသာသာလောက်ပဲ ရှိပါတယ်။

ဘယ်လိုအချိန်မျိုးမှာ Holter monitor တပ်ရနိုင်သလဲ

နှလုံးခုန်မမှန်တာလိုမျိုး နှလုံးနဲ့ပတ်သက်ပြီး မသင်္ကာစရာအခြေအနေမျိုးရှိရင် အီးစီဂျီ အရင်ဆုံးဆွဲပြီး နှလုံး အခြေအနေကို လေ့လာပါတယ်။ ဒါပေမဲ့ အီးစီဂျီ  တစ်မျိုးတည်းနဲ့ နှလုံးပြဿနာရှိမရှိ သေချာမသိနိုင်တဲ့အခါမျိုးမှာတော့ Holter monitor တပ်ပြီး စမ်းသပ်ကြည့်ရှုဖို့ လိုလာပါတယ်။ ၂၄ နာရီလုံးတပ်ဆင်ထားရတာမို့ Holter monitor စက်က အီးစီဂျီမှာ လွတ်သွားနိုင်တဲ့ နှလုံးပြဿနာတချို့ကိုရှာဖွေဖို့ အထောက်အကူပေးနိုင်ပါတယ်။ လူနာအခြေအနေပေါ်မူတည်ပြီး တခါတရံ ၁၂နာရီ၊ ၂၄နာရီ၊ ၄၈နာရီ စသည်ဖြင့် အချိန်အမျိုးမျိုး တပ်ဆင်ရနိုင်ပါတယ်။

Holter monitor စက်ဘယ်လိုအလုပ်လုပ်သလဲ

Holter monitor စက်အလုပ်လုပ်ပုံက ရိုးရှင်းပါတယ်။ စက်အရွယ်အစားကလည်း လက်ထဲထည့်ထားလို့ ရအောင်သေးငယ်ပြီး စက်ကိုလည်ပင်းမှာချိတ်ဆွဲထား (ဒါမှမဟုတ်) လက်မောင်းမှာ တပ်ဆင်ထားလို့ ရပါတယ်။ အီးစီဂျီဆွဲရင် တပ်တဲ့ electrode လေးတွေကို အသုံးပြုမယ့်သူရင်ဘတ်မှာ တပ်ထားဖို့လိုပြီး electrode လေးတွေက ဖမ်းယူရရှိတဲ့ နှလုံးအချက်အလက်တွေကို Holter monitor စက်ဆီ ပြန်ပို့ပေးပါတယ်။

Holter monitor တပ်ပြီဆို ဘာတွေလိုက်နာရမလဲ

Holter monitor တပ်ဆင်ပြီဆို အီးစီဂျီ ဆွဲသလိုပဲ ရင်ဘတ်မှာ electrode တွေတပ်ဆင်ရပါတယ်။ ၂၄ နာရီ တပ်ဆင်ရမှာဖြစ်တာကြောင့် ဖြုတ်လို့လည်းမရပါဘူး။ Electrode တွေကို ရေမထိဖို့လည်း လိုအပ်တာကြောင့် Holter monitor တပ်ထားတဲ့ တစ်ရက်လုံးတော့ ရေချိုးလို့မရသလို ရင်ဘတ်ကို ရေမထိအောင်လည်း နေဖို့လိုအပ်ပါတယ်။

နောက်ပြီး Holter monitor တပ်ဆင်ထားချိန်မှာ ကိုယ်ရဲ့သွားလာလှုပ်ရှားမှုတိုင်းကို စာအုပ်နဲ့ဖြစ်ဖြစ် ဖုန်းနဲ့ဖြစ်ဖြစ် မှတ်တမ်းတင်ထားဖို့လိုပါတယ်။ နှလုံးခုန်မြန်တာ ရင်ဘတ်အောင့်တာ၊ ရင်တုန်တာ၊ အသက်ရှူမဝတာ၊ ခေါင်းမူးတာ စတဲ့လက္ခဏာတွေအားလုံးကိုလည်း အချိန်နဲ့ တိတိကျကျမှတ်သားထားပါ။ ဒီလက္ခဏာတွေပြချိန်မှာ အောက်ဖော်ပြပါ အခြေအနေတစ်ခုခု ကြုံနေရလားဆိုတာကိုလည်း မှတ်သားထားသင့်ပါတယ်

– ဘာလုပ်နေလဲ

– ဘာအစားအစာစားနေလဲ

– စိတ်ဖိစီးစရာကိစ္စတစ်ခုခုကြုံနေရလို့လား

– ပင်ပင်ပန်းပန်းအလုပ်လုပ်နေရလို့လား

ရင်ဘတ်မှာတပ်ထားတဲ့ electrode တွေ သေချာအလုပ်လုပ်နေမှလည်း ထွက်လာတဲ့အချက်အလက် တွေကမှန်ကန်မှာဖြစ်လို့ ရင်ဘတ်က electrode တွေပြုတ်နေတာ၊ လျော့ရဲနေတာမျိုးမရှိအောင် သတိထားဖို့လိုပါတယ်။

Holter monitor တပ်ဆင်ထားရင် ပုံမှန်အတိုင်းနေလို့ရလား

Holter စက်တပ်ထားလို့ အနေအထိုင်ကျဉ်းကျပ်သွားမှာမဟုတ်ပါဘူး။ အဓိကက အပေါ်မှာပြောခဲ့သလိုပဲ ရေမထိမိဖို့ပဲလိုအပ်ပါတယ်။ Holter monitor တွေကပုံမှန်ဆိုရင်တော့ တခြားလျှပ်စစ်ပစ္စည်းတွေနဲ့ သက်ရောက်မှုမရှိပါဘူး။ ဒါပေမဲ့ သတ္တုရှာကိရိယာ၊ သံလိုက်ဓာတ်မှန်၊ သံလိုက်ပစ္စည်း၊ မိုက်ခရိုဝေ့ဖ်မီးဖို၊  လျှပ်စစ်စောင်၊ လျှပ်စစ်မုတ်ဆိတ်ရိတ် စက် စတဲ့ပစ္စည်းတွေက electrode ကနေ Holter monitor ကိုပို့ပေးတဲ့အချက်အလက်တွေကို လွဲချော်စေနိုင်တဲ့အတွက် holter monitor တပ်ထားချိန်မှာ အသုံးမပြုသင့်ပါဘူး။ ဆဲလ်ဖုန်း နဲ့ တက်ဘလက် တွေကိုလည်း စက်နဲ့အနည်းဆုံး ၆ လက်မအကွာမှာထားပြီး သုံးစွဲဖို့ သတိပြုပါ။

ရေးသားသူ – Dr. Htoo Tint

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဦးခေါင်းနှင့်လည်ပင်းပိုင်းတွင်ဖြစ်သော ကင်ဆာ (Head & Neck Cancer)

Head & Neck Cancer (ဦးခေါင်းနှင့်လည်ပင်းပိုင်းတွင်ဖြစ်သော ကင်ဆာ) ဆိုတာက ပါးစပ်၊ လည်ချောင်း၊ နှာခေါင်း၊ တံထွေးဂလင်းတွေမှာဖြစ်တဲ့ ကင်ဆာတွေပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အရိုးကင်ဆာ (Bone Cancer)

အရိုးကင်ဆာက ခန္ဓာကိုယ်ရဲ့ ဘယ်နေရာမှာမဆိုဖြစ်နိုင်ပါတယ်။ များသောအားဖြင့်ကတော့ တင်ပဆုံရိုးနဲ့ လက်မောင်းရိုးနဲ့ ခြေထောက်ရိုးတွေမှာ အဖြစ်များပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သွေးအားနည်းရောဂါ (Anemia)

သွေးအားနည်းရောဂါဆိုတာက ကမ္ဘာ့လူဦးရေ သုံးပုံတစ်ပုံလောက် ခံစားနေရတဲ့ ကျန်းမာရေးပြဿနာတစ်ခုပါ။ အဖြစ်များတဲ့ သွေးရောဂါတစ်မျိုးပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ခါးနာတာကို ခပ်ပေါ့ပေါ့ မတွေးသင့်တဲ့ အခြေအနေများ

ခါးနာလာတဲ့အခါ ၃ ရက်နဲ့ မသက်သာဘူးဆိုရင် ပြင်းထန်တဲ့ ရောဂါတွေကို မခံစားရခင် မြန်မြန်သိ မြန်မြန် ကုသနိုင်စေဖို့ လိုအပ်တဲ့ စစ်ဆေးမှုတွေကို ခံယူပေးပါ။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

Platelet disorders ( သွေးတိတ်စေတဲ့ သွေးဆဲလ်) ပြဿနာ

Platelet disorders ( သွေးတိတ်စေတဲ့ သွေးဆဲလ်) ပြဿနာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 22, 2021 . 3 mins read

ဆီးလမ်းကြောင်း ပိုးဝင်ခြင်းရဲ့ ရောဂါလက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 21, 2021 . 2 mins read
ကိုဗစ်ကာကွယ်ဆေး ထိုးပြီးတဲ့အခါ ဘာတွေ ခံစားရနိုင်လဲ

ကိုဗစ်ကာကွယ်ဆေး ထိုးပြီးတဲ့အခါ ဘာတွေ ခံစားရနိုင်လဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
အစားအသောက် မှီဝဲမှုနဲ့ Lupus ကို ထိမ်းချုပ်လို့တော့ ရပါတယ်။ လေ့လာချက်တွေအရဆိုရင် ချင်းဟာ Lupus ကို ထိမ်းချုပ်ကုသရာမှာ အလွန်အသုံးတည့်တယ်လို့ဆိုပါတယ်။ မစ်ချီဂန်တက္ကသိုလ်ရဲ့ လေ့လာချက်အရ ချင်းမှာပါဝင်တဲ့ 6-gingerol လို့ခေါ်တဲ့ bioactive compound တစ်မျိုးဟာ Lupus ရဲ့ ရောဂါလက္ခဏာတွေကို လျှော့ချပေးရာမှာ အလွန်ထိရောက်တယ်လို့ ဆိုပါတယ်။

Lupus ရှိရင် ချင်း (ဂျင်း) စားပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 16, 2021 . 2 mins read