backup og meta

သင့် အသားအရေ ကို ထိန်းသိမ်းပေးနိုင်တဲ့ သဘာဝပစ္စည်းများ

အချို့သောအစားအစာတွေ (ဥပမာလက်ဖက်စိမ်း၊ပန်းသီး၊ခရမ်းချဉ်သီးစသဖြင့်) ဟာကျန်းမာရေးအတွက်များစွာအကျိုးဖြစ်ထွန်းစေပါတယ်။ သူတို့ဟာအရသာရှိရုံသာမကကျန်းမာရေးအတွက်ရောအလှအပရေးရာအတွက်ပါကောင်းမွန်ပါတယ်။ ဒါကြောင့်သူတို့ကိုသဘာဝအတိုင်း အသားအရေ ကိုထိန်းပေးနိုင်တဲ့အလှကုန်တွေအဖြစ်အသုံးပြုလာနေကြပြီ ဖြစ်ပါတယ်။

သဘာဝပစ္စည်းများ

အသားအရေကိုထိန်းသိမ်းပေးနိုင်တဲ့သဘာဝပစ္စည်းတွေကိုဝေးဝေးလံလံလိုက်ရှာနေစရာမလိုပါဘူး။ သင်စားနေကျအစားအစာတွေထဲမှာပဲပါဝင်လို့နေပါတယ်။ ဒါပေမယ့်သူတို့ကိုပုံမှန်အတိုင်းအာဟာရအဖြစ်စားတာနဲ့အသားအရေထိန်းသိမ်းပေးနိုင်တဲ့အလှအပရေးရာပစ္စည်းအဖြစ်သုံးစွဲတာဟာနည်းနည်းတော့ကွဲပြားတဲ့အတွက်သင့်အနေနဲ့သတိထားရပါမယ်။

သင့် အသားအရေ ကိုကျန်းမာလှပစေတဲ့သဘာဝပစ္စည်းအချို့ကိုအောက်မှာဖော်ပြပေးထားပါတယ်။

ပဲပုပ်

ပဲပုပ်ဟာအသားအရေကို ဖြူစင်ဝင်းပစေပြီးနီရဲရောင်ရမ်းမှုတွေကိုလျော့နည်းစေကာအမဲစက်များကိုပျောက်ကွယ်မှေးမှိန်သွားစေတဲ့အပြင် collagen ဓါတ်ထုတ်လုပ်မှုကိုလည်းအားပေးပါတယ်။ ပဲပုပ်ဟာ anti-oxidant လို့ခေါ်တဲ့ဓါတ်တိုးဆန့်ကျင်ပစ္စည်းတမျိုးလည်းဖြစ်ပါသေးတယ်။ ဒါ့အပြင်အသားအရေညိုမည်းမှုကို ဖြစ်စေတဲ့ melanin ဓါတ်တွေအရေပြားမှာ ဖြစ်ပေါ်လာမှုကိုလည်းပဲပုပ်ကကာကွယ်ပေးနိုင်ပါတယ်။

Maitake(မိုင်းတိက်ခ် မှို)

MaitakeမှိုကိုMaitake, Shelf fungi ဒါမှမဟုတ် dancing mushroom လို့အမည်အမျိုးမျိုးနဲ့ခေါ်ဝေါ်လေ့ရှိကြပြီးအာရှတိုက်မှာတွေ့ရလေ့ရှိပါတယ်။Maitakeမှိုဟာအစာအာဟာရအဖြစ်သာမကဆေးဝါးအဖြစ်ပါသုံးစွဲနိုင်ပါတယ်။ အလှအပရေးရာအတွက်လည်းအကျိုးရှိတဲ့မှိုပဲ ဖြစ်ပါတယ်။Maitakeမှိုဟာထိခိုက်လွယ်တဲ့အသားအရေတွေမှာနီရဲရောင်ရမ်းမှုကိုသက်သာပျောက်ကင်းစေနိုင်တဲ့သတ္တိရှိပါတယ်။ အရေပြားအစိုဓါတ်ကိုထိန်းသိမ်းပေးနိုင်တဲ့အပြင်ဝက်ခြံကုသရာမှာလည်းအကျိုးရှိပါတယ်။Maitakeမှိုဟာအသားအရေကိုဝင်းပဖြူစင်စေပြီးအသားအရေကိုနုပျိုကျန်းမာစေပါတယ်။

ရိုဒီယိုလာပင် (Rhodiola)

ရိုဒီယိုလာပင်ရဲ့အမြစ်ကိုဆေးဝါးအဖြစ်သုံးစွဲနိုင်ပါတယ်။ ရိုဒီယိုလာပင်ဟာအားအင်တွေပေးနိုင်တဲ့အပြင်စိတ်ကျန်းမာရေးအတွက်လည်းအထောက်အကူဖြစ်စေပါတယ်။ ကင်ဆာနဲ့ဆီးချိုလိုမျိုးရောဂါတွေကိုတောင်ကုသနိုင်တယ်လို့ဆိုပါတယ်။proanthocyanidinsလို့ခေါ်တဲ့ဓါတ်တိုးဆန့်ကျင်ပစ္စည်းတမျိုးပါဝင်တဲ့အတွက်ရိုဒီယိုလာပင်ဟာအသားအရေကိုနုပျိုစေတယ်လို့သိပ္ပံပညာရှင်တွေကိုရှာဖွေတွေ့ရှိခဲ့ကြပါတယ်။ ရိုဒီယိုလာပင်ဟာထိခိုက်လွယ်တဲ့အသားအရေပိုင်ရှင်တွေကိုကူညီပေးနိုင်သလိုအရေပြားအစိုဓါတ်ကိုလည်းထိန်းပေးနိုင်ပါတယ်။

အာဂန်ဆီ

ရွှေရည်လို့လည်းတင်စားခေါ်ဝေါ်လေ့ရှိတဲ့အာဂန်ဆီဟာအကျိုးထူးများစွာပေးနိုင်တဲ့သဘာဝပစ္စည်းတမျိုး ဖြစ်ပြီးအရေပြားအစိုဓါတ်ကိုထိန်းပေးနိုင်တဲ့ပစ္စည်း (moisturizer) အနေနဲ့လည်းသုံးနိုင်ပါတယ်။ အာဂန်ဆီမှာ omega-3 fatty acids ပါဝင်ပြီး collagen ဓါတ်ထုတ်လုပ်မှုကိုအားပေးတဲ့အတွက်သင့်အသားအရေအတွက်အထူးကောင်းမွန်ပါတယ် (အထူးသဖြင့်အသက်ကြီးလို့အသားအရေပျက်စီးလာသူတွေအတွက်ပေါ့)။

လက်ဖက်စိမ်း

လက်ဖက်စိမ်းဟာဓါတ်တိုးဆန့်ကျင်ပစ္စည်းတွေများစွာပါဝင်တာမို့သင့်အသားအရေကိုနုပျိုသန်စွမ်းစေတဲ့အပြင်ခရမ်းလွန်ရောင်ခြည်ကြောင့်ထိခိုက်ထားတဲ့အသားအရေကိုလည်း ပြန်လည်ကောင်းမွန်စေပါတယ်။

လက်ဖက်ဆီ (Tea tree oil)

လက်ဖက်ဆီဟာဘက်တီးရီးယား၊fungusမှိုနဲ့ဗိုင်းရပ်စ်တို့ကိုဆန့်ကျင်တိုက်ထုတ်ပေးနိုင်ပါတယ်။ ဝက်ခြံဖြစ်စေတဲ့ဘက်တီးရီးယားတွေကိုလည်းသတ်ပစ်နိုင်စွမ်းရှိပါတယ်။ သင်ဟာဝက်ခြံခဏခဏပေါက်တတ်သူ ဖြစ်မယ်ဆိုရင်ဒီလိုမျိုးဝက်ခြံပေါက်တာတွေကိုကာကွယ်နိုင်ဖို့အတွက်လက်ဖက်ဆီကိုမှန်မှန်လိမ်းပေးသင့်ပါတယ်။

ဘယ်အချက်တွေကိုထည့်သွင်းစဉ်းစားရမလဲ။

သဘာဝပစ္စည်းတွေမှာသင့် အသားအရေ ထိန်းသိမ်းဖို့လိုအပ်တဲ့အရာတွေအားလုံးတော့ပါချင်မှပါမှာဖြစ်ပြီးသဘာဝပစ္စည်းဆိုတိုင်းလည်းလူထုတ်လုပ်ထားတဲ့အလှကုန်တွေထက်ကောင်းတယ်လို့မပြောနိုင်ပါဘူး။ သင်နဲ့ဓါတ်မတည့်တာမျိုးရှိရင်ဒါမှမဟုတ်မှန်ကန်စွာအသုံးမပြုဖူးဆိုရင်သဘာဝပစ္စည်းတွေကလည်းသင့်အသားအရေကိုထိခိုက်စေပါလိမ့်မယ်။ တချို့သဘာဝပစ္စည်းတွေမှာ bergamot (ဘားဂမော့ဒ်)ဒါမှမဟုတ် peppermint (ပူဒီနာ)စတဲ့သင့်အရေပြားကိုထိခိုက်စေ၊နီရဲရောင်ရမ်းစေမယ့်အရာတွေပါဝင်နေတတ်ပါတယ်။

သဘာဝပစ္စည်းတွေဟာသင့်အလှအပအတွက် (အထူးသဖြင့်အသားအရေအတွက်) အများကြီးအကျိုးဖြစ်ထွန်းစေပါတယ်။ သူတို့ဟာသင့်အသားအရေကိုလှစေရုံသာမကနှင်းခူ၊ဝက်ခြံအစရှိတဲ့အရေပြားရောဂါတွေကိုလည်းပျောက်ကင်းစေနိုင်ပါတယ်။ ဒါပေမယ့်တချို့သဘာဝပစ္စည်းတွေကိုသင့်အရေပြားကိုထိခိုက်စေနိုင်တဲ့အတွက်သတိထားပြီးရွေးချယ်အသုံးပြုရမှာ ဖြစ်ပါတယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

[embed-health-tool-bmi]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

1. Beyond First Blush: An Up-Close Look at Natural Skin Care Products.

http://www.webmd.com/beauty/features/beyond-first- blush-an- upclose-look- at-natural- skin-care-products#1. Accessed November 14, 2016.

2. Natural Cosmetics: Are They Healthier for Your Skin?.

http://www.webmd.com/beauty/features/natural-cosmetics- are-they- healthier-for- your-skin.

Accessed November 14, 2016.

3. Understanding Skin Care Products. http://www.webmd.com/beauty/skin-care- products#1.

Accessed November 14, 2016.

4. The Soy Effect. http://blogs.webmd.com/healthy-skin/2011/11/the- soy-effect.html. Accessed

November 14, 2016.

5. RHODIOLA. http://www.webmd.com/vitamins-supplements/ingredientmono- 883-rhodiola.aspx?activeingredientid=883. Accessed November 14, 2016.

6. The Beauty Benefits of Natural Oils. http://www.webmd.com/beauty/ss/slideshow-natural-oils-beauty. Accessed November 14, 2016.

7. Tea Tree Oil Treats Skin Problems. http://www.webmd.com/skin-problems- and-treatments/acne/features/tea-tree- oil-treats- skin-problems#1. Accessed November 14, 2016.

ယခုပုံစံ

06/07/2022

Dr. Thiha Phyo Myint မှ ရေးသားသည်။

Yun Sandi Nan Mon မှ ပြင်ဆင်ခဲ့ပါသည်။


ဆက်စပ် အကြောင်းအရာများ

ဝက်ခြံအမာရွတ်တွေကိုကုသကြမယ်

ရာသီဥတုက ဝက်ခြံတွေအပေါ်မှာ ဘယ်လိုသက်ရောက်နေသလဲ


Hello Sayarwon Panel မှ အချက်အလက်များ စစ်ဆေးထားပါသည်။ Dr. Thiha Phyo Myint မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 06/07/2022 ဖြစ်ပါသည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement