backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်
မာတိကာ

အရေးပါတဲ့ ကျန်းမာရေးနဲ့ညီညွတ်တဲ့ စားသောက်မှုပုံစံ

မှ အချက်အလက် စစ်ဆေးထားပါသည်။ Dr. Phyo Wai Lynn


Aye Thi Mon မှ ရေးသားသည်။ · 20/09/2022 တွင် အသစ်ဖြည့်စွက်ခဲ့သည်။

အရေးပါတဲ့ ကျန်းမာရေးနဲ့ညီညွတ်တဲ့ စားသောက်မှုပုံစံ

လူတွေအပါအဝင် သက်ရှိတွေ ကောင်းစွာ လှုပ်ရှားသွားလာနိုင်စေဖို့။ တစ်နေ့တာရဲ့ လုပ်ငန်းဆောင်တာတွေကို အကောင်းဆုံး လုပ်ဆောင်နိုင်စေဖို့အတွက် ကျန်းမာရေးနဲ့ညီညွတ်တဲ့ စားသောက်မှုပုံစံ က အတော်လေး အရေးပါပါတယ်။

လူတွေက အစားအသောက်လို့ ပြောလိုက်ရင် အာဟာရဖြစ်ဖို့ထက် ခံတွင်းတွေ့ဖို့ကို အဓိကထား စားသုံးကြပါတယ်။  တကယ်ကတော့ အစားစားတဲ့အခါ အာဟာရဖြစ်ဖို့ဆိုရင် ခံတွင်းတွေ့ဖို့ထက် ကျန်းမာရေးနဲ့ ညီညွတ်စေဖို့က ပိုအရေးအကြီးပါ။

ကျန်းမာရေးနဲ့ညီညွတ်တဲ့ စားသောက်မှုပုံစံ

ကျန်းမာရေးနဲ့ ညီညွတ်တဲ့ စားသောက်မှုပုံစံ က အရေးပါတယ်လို့ ပြောရတဲ့ အကြောင်းအရင်း

ကျန်းမာရေးနဲ့ ညီညွတ်တဲ့ စားသောက်မှုပုံစံက ခန္ဓာကိုယ်ကို အင်အားဖြစ်စေသလို ကျန်းမာတဲ့ ကိုယ်အလေးချိန်ကိုလည်း ထိန်းညှိပေးနိုင်တယ်ဆိုတာကို သိသူက ခပ်ရှားရှားပါ။

ဒါတင်လားဆိုတော့ မဟုတ်သေးပါဘူး။ ကျန်းမာရေးနဲ့ညီညွတ်တဲ့ စားသောက်မှုပုံစံက အခုလိုလည်း ကျန်းမာရေးကို ထောက်ပံ့ပေးပါသေးတယ်။

  • နှလုံးရောဂါ၊ ဆီးချို၊ လေဖြတ်တာ၊ ကင်ဆာ နဲ့ အစာရေမျိုပြဿနာလိုမျိုး ရောဂါတွေ ဖြစ်နိုင်ခြေကို လျှော့ချပေးပါတယ်။
  • သွေးပေါင်ချိန်ကို ထိန်းညှိပေးပါတယ်။
  • သွေးတွင်း ကိုလက်စထရောကို ကျဆင်းစေပါတယ်။
  • ကျန်းမာသွက်လက်စေပါတယ်။
  • အအေးမိဖျားနာ ခံစားရနိုင်ခြေကို လျှော့ချပေးပါတယ်။
  • နာမကျန်းတဲ့အခါ မြန်မြန် သက်သာလာစေတယ်။ ထိခိုက်ဒဏ်ရာတွေကို မြန်မြန် သက်သာစေတယ်။
  • အင်အားပြည့်ဝစေတယ်။
  • စိတ်ရောကိုယ်ပါ ကျန်းမာစေတယ်။
  • အဝမလွန်အောင် ကာကွယ်ပေးနိုင်တယ်။

ဘယ်လို စားသောက်ရမလဲ

ကျန်းမာရေးနဲ့ ညီညွတ်အောင် ဘယ်လို စားသောက်ရမလဲ………..

ကျန်းမာရေးနဲ့ ညီညွတ်တဲ့ စားသောက်မှုပုံစံ ဆိုတာက စားသုံးတဲ့ အစားအစာထဲမှာ ခန္ဓာကိုယ်အတွက် လိုအပ်မယ့် ဗီတာမင်၊ သတ္တုဓာတ်နဲ့ အာဟာရဓာတ်တွေ ပြည့်ဝစွာ ပါဝင်နေတာပါ။ အာဟာရ ပြည့်ဝစွာ စားသုံးလေလေ ခန္ဓာကိုယ်က ကျန်းမာလေလေပါ။

ဒါကြောင့် ကျန်းမာရေးနဲ့ ညီညွတ်တဲ့ စားသောက်မှုပုံစံ ဖြစ်စေဖို့ဆိုရင် နေ့စဉ် စားသုံးမှုမှာ

သစ်သီးတွေက သဘာဝအမျှင်ဓာတ်ကို အကောင်းဆုံးဖြည့်ပေးနိုင်မယ့် စားစရာတွေပါ။ ဒါကြောင့် သစ်သီးတွေကို ပုံမှန်လေး စားပေးပါ။ ဖျော်ရည် ဖျော်သောက်တာထက် အသီးကို စားပေးတာက အမျှင်ဓာတ် ပိုရစေပါတယ်။

  • ဟင်းသီးဟင်းရွက်တွေ စားပေးပါ။

နေ့စဉ် စားသုံးမှုမှာ ဟင်းသီးဟင်းရွက်တွေကို အရောင်အသွေး စုံလင်အောင် စားသုံးပေးပါ။ ဒီလို စားသုံးတာက လိုအပ်တဲ့ ဗီတာမင်တွေကို ပြည့်ဝစေမှာပါ။

  • ဆန်၊ ဂျုံ စတာတွေကို စားပေးပါ။

စ်နေ့တာ စားသုံးမှုမှာ ထမင်း၊ ပေါင်မုန့်ကြမ်း၊ ခရက်ကာ၊ ဆီရီယယ်လိုမျိုး ကောက်နှံတွေကနေရတဲ့ အစားအစား အရင်းအမြစ်တွေ ပါဝင်စေဖို့လည်း ဂရုပြုပါ။

  • နို့၊ အဆီထုတ်ထားတဲ့ နို့ သောက်ပါ။

နီု့က အရိုးတွေ သန်မာစေဖို့ လိုအပ်တဲ့ ကယ်လ်ဆီယမ် နဲ့ ဗီတမင် D ကို ဖြည့်ပေးနိုင်ပါတယ်။ အဆီပိုတွေ ကင်းစေဖို့တော့ အဆီထုတ်ထားတဲ့ နို့ကို ရွေးချယ်ပေးပါ။

  • အဆီမပါတဲ့အသား စားပါ။

အဆီ မပါတဲ့ အနီရောင်အသား၊ အရေခွံမပါတဲ့ ကြက်သားစတာတွေကို စားပေးပါ။ ဒီလို စားသုံးမှုက အဆီနဲ့ ကယ်လ်လိုရီပါဝင်မှုနည်းပြီး ပရိုတင်းပြည့်ဝစေဖို့ အကောင်းဆုံး ထောက်ပံ့ပေးနိုင်မှာပါ။

  • အခြား ပရိုတင်း အရင်းအမြစ်တွေကိုလည်း စားပေးပါ။

အသားတွေမစားဘူးဆိုရင်တော့ ပရိုတင်းရရှိစေဖို့ ငါး၊ ပဲအမျိုးမျိုး၊တို့ဟူး၊ ပဲပြား စတာတွေကို စားပေးလို့ ရပါတယ်။

ဘယ်လို ပြောင်းလဲယူရမလဲ

ကျန်းမာတဲ့ စားသောက်မှုပုံစံရစေဖို့ ဘယ်လို ပြောင်းလဲယူရမလဲ။

အခုလောလောဆယ်မှာ ကျန်းမာတဲ့ စားသောက်မှုပုံစံ မရှိဘူးဆိုရင်တောင်မှ ကျန်းမာတဲ့စားသောက်မှုကို အလေ့အကျင့်ဖြစ်စေဖို့ တဖြည်းဖြည်းချင်း ပြောင်းလဲ ယူလို့ ရပါတယ်။

ဒီလိုပြောင်းလဲမှုနဲ့အတူ ပိုကျန်းမာလာတာ၊ ခန္ဓာကိုယ်က ပိုမို သန်စွမ်းလာတာကို တွေ့ရမှာပါ။ အချိုရည်တွေအစား ရေကိုပဲ သောက်တာ၊ အဆီပြည့် နို့အစား အဆီထုတ်နို့ကို ပြောင်းသောက်တာ၊ ဆီကြော်စာတွေအစား သစ်သီးတွေကို ပိုစားပေးတာ၊ အဆီများတဲ့ အသားတွေအစား အဆီမပါတဲ့ အသားကို စားပေးတာ၊ သန့်စင်ထားတဲ့ ဂျုံနဲ့ လုပ်ထားတဲ့ မုန့်တွေအစား ဂျုံကြမ်းပေါင်မုန့်ကို စားပေးတာမျိုး လုပ်ပေးလို့ ရပါတယ်။

ဆီသွတ်ဗူးတွေ အစား လတ်ဆတ်တဲ့ အသား၊ သစ်သီးတွေကို စားပေးတာ၊ အသင့်စား၊ အမြန်စားတွေအစား ကိုယ်တိုင် ချက်ပြုတ်ထားတဲ့ အိမ်ချက် အစားအစားတွေကို စားသုံးတာမျိုး လုပ်ပေးပါ။ တစ်လလောက် မွေးမြူလိုက်ရင်ကို ထိရောက်တဲ့ ကျန်းမာရေး အကျိုးသက်ရောက်မှုကို ခံစားမိမှာပါ။

Takeaway

ကျန်းမာသန်စွမ်းစေဖို့အတွက် ကျန်းမာရေးနဲ့ညီညွတ်တဲ့ စားသော်ကမှုပုံစံရရှိစေဖို့ဆိုရင်

  • အချိုရည်တွေအစား ရေကိုပဲ သောက်ပါ။
  • အဆီပြည့် နို့အစား အဆီထုတ်နို့ကို ပြောင်းသောက်ပါ။
  • ဆီကြော်စာတွေအစား သစ်သီးတွေကို ပိုစားပေးပါ။
  • အဆီများတဲ့ အသားတွေအစား အဆီမပါတဲ့ အသားကို စားပေးပါ။
  • သန့်စင်ထားတဲ့ ဂျုံနဲ့ လုပ်ထားတဲ့ မုန့်တွေအစား ဂျုံကြမ်းပေါင်မုန့်ကို စားပေးပါ။
  • ဆီသွတ်ဗူးတွေ အစား လတ်ဆတ်တဲ့ အသား၊ သစ်သီးတွေကို စားပေးပါ။
  • အသင့်စား၊ အမြန်စားတွေအစား ကိုယ်တိုင် ချက်ပြုတ်ထားတဲ့ အိမ်ချက် အစားအစားတွေကို စားသုံးပါ။

 

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Dr. Phyo Wai Lynn


Aye Thi Mon မှ ရေးသားသည်။ · 20/09/2022 တွင် အသစ်ဖြည့်စွက်ခဲ့သည်။

advertisement iconadvertisement

ဤဆောင်းပါးက အကူအညီဖြစ်ပါသလား။

advertisement iconadvertisement
advertisement iconadvertisement