အနီရောင် အသားစားတိုင်း ဝမ်းချုပ်တယ်တော့ မဟုတ်ပါဘူး။ အနီရောင် အသားကို အများကြီး စားပြီး အမျှင်ဓာတ်ပါတဲ့ စားစရာတွေကို ထည့်သွင်းစားတာမျိုး မလုပ်တာက အချိန်ကြာလာတဲ့အခါ ဝမ်းချုပ်စေနိုင်တာပါ။ ဒါကြောင့် အနီရောင် အသားစားတဲ့အခါ အမျှင်ဓာတ်ပါတာလေးနဲ့ တွဲစားပေးဖို့ လိုပါမယ်။ ဥပမာ အရွက်ကြော်၊ အရွက်သုပ် တစ်ခုခုနဲ့ တွဲစားတာမျိုးပါ။
အသင့်စား အာလူးကြော်တွေက ကြွပ်ရွနေအောင် ဆီဝဝ ကြော်ထားတာတွေဖြစ်တာကြောင့် ဝမ်းချုပ်စေနိုင်ပါတယ်။ ဒီလို အာလူးကြော်တွေကို အများကြီး စားလိုက်မယ်ဆိုရင် ဝမ်းချုပ်တာကို ခံစားရမှာ ဖြစ်ပါတယ်။
အေးခဲထားတဲ့ အသင့်စား အစားအစာတွေက စားရတာ ခံတွင်းတွေ့တယ်။ ပြင်ဆင်ရတာ မြန်ဆန်လွယ်ကူတယ်ဆိုပေမယ့် သင့်ရဲ့ အူလမ်းကြောင်းကို ထိခိုက်စေပြီး ဝမ်းချုပ်စေနိုင်ပါတယ်။ ဒါကြောင့် အေးခဲထားတဲ့ အသင့်စား အစားအစာတွေကို ဖြစ်နိုင်ရင် ရှောင်ပါ။
အမျှင်ဓာတ် များတဲ့ အစားအစာတွေက ဝမ်းမှန်စေတာ မဟုတ်ဘူးလား။ ဒါဆို ငှက်ပျောသီးကို ဘာလို့ ဝမ်းချုပ်စေတယ်လို့ ပြောရတာလဲ။ ထူးဆန်းလိုက်တာလို့ တွေးနေပြီလား …..
မမှည့်သေးတဲ့ ငှက်ပျောသီးဆိုရင်တော့ ဝမ်းချုပ်စေနိုင်ပါတယ်။ ဒါကြောင့် ဝမ်းချုပ်နေလို့ အမျှင်ဓာတ်ရအောင် ငှက်ပျောသီးစားမယ်ဆို မှည့်နေတဲ့အသီးကို စားဖို့ လိုပါတယ်၊၊
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။