သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

လေချဉ်တက် တဲ့ ပြဿနာ ကိုယ့်နည်းကိုယ့်ဟန်နဲ့ ဖြေရှင်းရအောင်

    လေချဉ်တက် တဲ့ ပြဿနာ ကိုယ့်နည်းကိုယ့်ဟန်နဲ့ ဖြေရှင်းရအောင်

    တအေ့အေ့ နဲ့ လေချဉ်တက် တယ် ဆိုတာ တစ်နည်းနည်း နဲ့ ဗိုက်ထဲရောက်နေတဲ့ လေတွေကို အစာရေမျိုကနေ ပြန်စွန့်ထုတ်နေတာပါ။ အစား အမြန်စားမိတာ၊ အစာစားရင်း စကားပြောတာ၊ ပီကေ ဝါးတာ၊ ဂက်စ်ပါတဲ့ အချိုရည်တွေ သောက်တာ၊ ဆေးလိပ်သောက်တာတွေကြောင့် လေတွေ မျိုချမိစေနိုင်ပါတယ်။

    အစာခြေရည် ပြန်ဆန်တက်ခြင်း နဲ့ ရင်ပူနာ ဝေဒနာတွေ ကြောင့်လည်း လေတက်တဲ့ လက္ခဏာ ဖြစ်တတ်ပါတယ်။ မကြာခဏ လေတက်သံတွေ ထွက်နေရတယ် ဆိုရင်တော့ အစာအိမ်အနာဖြစ်စေတဲ့ Helicobacter pylori ဘက်တီးရီးယား ကြောင့် ဒါမှမဟုတ် အစာအိမ်နံရံ ရောင်ရမ်းခြင်း ကြောင့် ဖြစ်နိုင်ပါတယ်။

    လေချဉ်တက် ခြင်း ကို သက်သာ စေနိုင်တဲ့ နည်းလမ်းတွေက –

    (၁) ဖြည်းဖြည်းစားပါ၊ ဖြည်းဖြည်းသောက်ပါ

    ဖြည်းဖြည်း စားသောက်မယ်ဆို လေတွေ သိပ်မျိုမချမိစေဘူးပေါ့။ စိတ်လောနေရင်၊ စိတ်ဖိစီး နေရင် လေမျိုချမိတာ ပိုများစေနိုင်လို့ အစားစားချိန် မှာ စိတ်ကို ဖြေလျှော့ထားပါ။

    (၂) ဂက်စ်ပါတဲ့ အချိုရည် နဲ့ ဘီယာကို ရှောင်ပါ

    လေနဲ့ ပတ်သက်တဲ့ ဝေဒနာရှိတတ်သူဟာ ကာဗွန်ဒိုင်အောက်ဆိုက်တွေ ဖြစ်စေတဲ့ ဒီသောက်စရာတွေကိုရှောင်သင့်ပါတယ်။

    (၃) ပီကေဝါးတာ၊ သကြားလုံး၊ စုပ်လုံးစားတာ ရှောင်ပါ

    ဒါတွေ စားတဲ့ အခါ ပုံမှန်ထက် ပိုပြီး ခဏခဏ မျိုချရတာ များတာမို့ လေတွေ ပိုဝင်နိုင်စေတာပေါ့။

    (၄) ဆေးလိပ်လျှော့သောက်ပါ

    မသောက်ပါနဲ့လို့ တားလို့ရမှာ မဟုတ်တော့ လျှော့သောက်ဖို့ပဲ ပြောရမှာပေါ့။ ဆေးလိပ်ကို ရှိုက်တဲ့အခါ လေကို နှာခေါင်းက ရှူသွင်းရုံမကဘဲ ပါးစပ်ကပါ မျိုချမိပါလိမ့်မယ်။ ဖြတ်လိုက်တာကတော့ အကောင်းဆုံးပါပဲ။

    (၅) လှုပ်ရှားပါ

    အစာစားပြီး ငြိမ်အိပ်မနေဘဲ ခဏလောက်တော့ ဖြည်းဖြည်း လမ်းလျှောက်လိုက်ပါ။

    (၆) ရင်ပူနာ ကို ကုသပါ

    အစာခြေရည် ပြန်ဆန်တက်ခြင်း၊ ရင်ပူနာ တို့ကို ဒီအတိုင်း မထားဘဲ ကုသလိုက်ပါ။ ဆရာဝန်နဲ့ မပြသေးခင် ရုတ်တရက် ဖြစ်လာတဲ့ ဝေဒနာဆို အစာအိမ်လေနာ ပျောက်ဆေးတွေနဲ့တင် သက်သာစေနိုင်ပေမယ့် ကြာရှည်လာရင်တော့ မကောင်းပါဘူး။

    (၇) အဆီများတာတွေ သိပ်မစားပါနဲ့

    အဆီက အစာချေဖျက်မှု ကို နှေးစေတာကြောင့် အစာတွေ ကို ပိုပြီး အချိန်ကြာကြာ အချဉ်ပေါက်စေနိုင်ပါတယ်။

    (၈) ဂက်စ်များတာတွေ ကြည့်ကျက်သောက်ပါ

    ဂက်စ်ပါတဲ့ ဘူးအချိုရည်တွေ၊ ဘီယာ၊ ဆိုဒါတို့ကို သောက်လိုက်တဲ့အခါ လေတွေပါ ပါသွားနိုင်လို့ အစာခြေစနစ်ထဲ ရောက်ရှိသွားနိုင်ပါတယ်။ တချို့တဝက်ကို လေတက်လိုက်ရင် ပြန်ထုတ်လိုက်နိုင်ပေမယ့် တချို့က ကျန်ရစ်ခဲ့ပြီး အစာခြေစနစ်တလျှောက် ရွေ့လျားနေနိုင်တယ်။ တဂွီဂွီဖြစ်လိုက်၊ လေထိုးလိုက်ပေါ့လေ။

    (၉) ဝမ်းမချုပ်အောင် ဂရုစိုက်ပါ

    ဝမ်းက ပုံမှန်မသွားတာနဲ့ပဲ လေတွေ ထကြွတတ်ပါတယ်။ လေတက်မယ်၊ လေမတက်နိုင်၊ လေမလည်နိုင်ရင် လေထိုးလေအောင့် က စဖြစ်ပါလေရောပဲ။ ရေများများ သောက်၊ အမျှင်ဓာတ်များတာ စားပေးပြီး ကိုယ်လက်လှုပ်ရှားမှုလည်း လုပ်ဖို့ လိုပါတယ်။

    health-tool-icon

    အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

    အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 08/04/2022 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: