ဆီးချို ရှိလာရင် နေထိုင်စားသောက်မှုတွေကို သေချာလေး ဂရုစိုက်ဖို့ လိုသလို ဆေးဝါးကုသမှုကိုရော နေထိုင်မှု ပုံစံကိုပါ သေချာလေး ဂရုစိုက်ဖို့ လိုမှာပါ။ ဒီတော့ ဆီးချိုရောဂါအတွက် ဘယ်လိုဆင်ခြင်နေထိုင်မလဲ ဆိုတာကို အတူတူ ဆက်ကြည့်လိုက်ရအောင်နော်။
မှ အချက်အလက် စစ်ဆေးထားပါသည်။ Dr. Kaung Thar
ဆီးချို ရှိလာရင် နေထိုင်စားသောက်မှုတွေကို သေချာလေး ဂရုစိုက်ဖို့ လိုသလို ဆေးဝါးကုသမှုကိုရော နေထိုင်မှု ပုံစံကိုပါ သေချာလေး ဂရုစိုက်ဖို့ လိုမှာပါ။ ဒီတော့ ဆီးချိုရောဂါအတွက် ဘယ်လိုဆင်ခြင်နေထိုင်မလဲ ဆိုတာကို အတူတူ ဆက်ကြည့်လိုက်ရအောင်နော်။
ဆီးချိုရောဂါအတွက် ဘယ်လိုဆင်ခြင်နေထိုင်မလဲ ဆိုတာကို အတူတူ လေ့လာလိုက်စို့နော်။
ဆီးချိုရောဂါ အဓိကအမျိုးအစား ၃ မျိုးရှိပါတယ်။
ဆီးချိုက ပြင်းထန်တဲ့ ရောဂါမဟုတ်ဘူးလို့ တချို့က ထင်ကြပါတယ်။ ဒီအတွေးက မှားယွင်းနေပါတယ်။ ဆီးချိုသွေးချိုဆိုတာ ရောဂါကြီးတစ်ခု ဖြစ်ပါတယ်။ ဒါပေမယ့် ဘယ်လိုဆင်ခြင်နေထိုင်မလဲဆိုတာ လေ့လာလိုက်နာနိုင်ပါတယ်။
ဆီးချိုရောဂါရှိသူတွေ အနေနဲ့ ကျန်းမာရေးနဲ့ညီတဲ့ အစားအစာတွေကို ရွေးချယ်ဖို့လိုသလို ခန္ဓာကိုယ်အလေးချိန်ကို ထိန်းသိမ်းဖို့လည်း လိုပါတယ်။ နေ့တိုင်းလည်း ပိုပြီးလှုပ်လှုပ်ရှားရှားနေသင့်တဲ့အပြင် လူက နေကောင်းနေချိန်မှာတောင် ဆေးကို ဂရုတစိုက် သောက်သုံးသင့်ပါတယ်။ လုပ်စရာတွေ များတယ်ဆိုပေမယ့် မလွယ်ကူပေမယ့်လည်း ဂရုတစိုက် လိုက်နာနေထိုင်သင့်ပါတယ်။
ဆီးချို ရှိနေတာသိရလို့ စိတ်ညစ်နေ၊ ဝမ်းနည်းနေ၊ စိတ်တိုနေရတာမျိုးက ဖြစ်တတ်တဲ့သဘာဝပါ။ ကျန်းမာဖို့အတွက်က လိုက်နာသင့်တဲ့အချက်တွေကို သိကောင်းသိနိုင်ပေမယ့် ဆင်ခြင်နေထိုင်ရမယ့် အစီအစဉ်အတိုင်း အချိန်နဲ့အမျှ လိုက်နာကျင့်သုံးနိုင်ဖို့တော့ ခက်ပါတယ်။
ကိုယ့်မှာ ဆီးချိုရောဂါ ရှိလာတဲ့အချိန်မှာ ဒီအချက်က အရေးကြီးပါတယ်။ စားလိုက်သမျှဟာ သွေးတွင်းသကြားဓာတ်ကို သက်ရောက်မှုရှိနိုင်တာကြောင့်ဖြစ်ပါတယ်။ ဘယ်အစားအစာကိုမှ လွန်လွန်ကျွံကျွံစားလို့ မရပါဘူး။ ခန္ဓာကိုယ်က လိုအပ်သလောက်ကိုပဲ စားဖို့အာရုံထားပါ။ ဟင်းသီးဟင်းရွက်၊ အသီးအနှံနဲ့ whole grains အနှံတွေ များများစားပေးပါ။ အဆီထုတ်ထားတဲ့ နို့ထွက်ပစ္စည်းတွေနဲ့ အသားတွေကို ရွေးချယ်ပါ။ အချိုနဲ့ အဆီများတဲ့ အစားအစာတွေကို ကန့်သတ်စားပါ။
ကာဗိုဟိုက်ဒရိတ်တွေက သကြားဓာတ်အဖြစ်ပြောင်းလဲနိုင်တာကြောင့် ကာဗိုဟိုက်ဒရိတ်ပါတဲ့ အစားအစာတွေကို သတိထား စားသုံးပါ။ ထမင်းတစ်နပ်နဲ့ တစ်နပ်ကို ပမာဏမကွာစေဖို့ ထိန်းပါ။ သွေးတွင်းသကြားဓာတ်ကို ထိန်းနိုင်ဖို့ အင်ဆူလင် သို့မဟုတ် ဆေးဝါးတွေသောက်သုံးနေရသူဖြစ်ရင် စားတဲ့အစာက နည်းလိုက်များလိုက် မဖြစ်ဖို့ ပိုအရေးကြီးပါတယ်။
အထိုင်များသူဖြစ်ရင် အခုပဲ လှုပ်လှုပ်ရှားရှားနေဖို့ စတင်ပြောင်းလဲလိုက်ပါ။ မဖြစ်မနေ Gym သွားပြီး ကစားနေ၊ လေ့ကျင့်နေစရာမလိုပါဘူး။ လမ်းလျှောက်ရုံ၊ စက်ဘီးစီးရုံ၊ တက်တက်ကြွကြွကစားရတဲ့ ဗီဒီယိုဂိမ်းတွေ ကစားပေးရုံနဲ့ ရပါတယ်။ အကောင်းဆုံးက တစ်ပတ်အတွင်း အချိန်အတော်များများမှာ ချွေးထွက်ရပြီး အသက်ပြင်းပြင်းရှူရှိုက်ရတဲ့ လှုပ်ရှားမှုမျိုး မိနစ် ၃၀လောက် လုပ်ပေးသင့်တာပါပဲ။ လှုပ်ရှားမှုရှိတဲ့ နေထိုင်မှုပုံစံက သွေးတွင်းသကြားဓာတ်ကို ကျစေနိုင်ပါတယ်။ နှလုံးရောဂါဖြစ်နိုင်ခြေကိုလည်း လျော့နည်းစေပါတယ်။ ဒါ့အပြင် ကိုယ်အလေးချိန်ပါကျစေပြီး စိတ်ဖိစီးမှုကိုလျော့စေပါတယ်။
တစ်နှစ်မှာ နှစ်ကြိမ်လောက်တော့ ဆရာဝန်နဲ့ တွေ့ဆုံပါ။ ဆီးချိုရှိနေပြီဆိုရင် နှလုံးရောဂါဖြစ်နိုင်ခြေများစေပါတယ်။ ဒါ့ကြောင့် ကိုလက်စထရော၊ သွေးဖိအားနဲ့ A1c ( ၃လအတွင်း ပျမ်းမျှသွေးတွင်းသကြားဓာတ်ပမာဏနှုန်း) တို့ကို တိုင်းတာစစ်ဆေးပါ။ ခြေထောက်အနာတွေ၊ အာရုံကြောထိခိုက်မှုတွေလို ပြဿနာတွေရှိမရှိ စစ်ဆေးဖို့ ဆရာဝန်နဲ့ပြပါ။
ကိုယ့်မှာ စိတ်ဖိစီးနေတယ်ဆိုရင်သွေးတွင်းသကြားဓာတ်က မြင့်တက်လာလေ့ရှိပါတယ်။ စိတ်လှုပ်ရှားနေပြီဆိုရင် ဆီးချိုကို ကောင်းကောင်းထိန်းနိုင်မှာမဟုတ်ပါဘူး။ လေ့ကျင့်ခန်းလုပ်ဖို့၊ ဆင်ခြင်စားသောက်ဖို့၊ ဆေးသောက်ဖို့ မေ့သွားနိုင်ပါတယ်။ စိတ်ဖိစီးမှုကိုဖြေရှင်းဖို့ နည်းလမ်းရှာပါ။ အသက်ရှူလေ့ကျင့်ခန်း၊ ယောဂနဲ့ စိတ်ပေါ့ပါးစေမယ့် ဝါသနာပါရာအလုပ်တွေကို လုပ်ကြည့်ပါ။
ဆီးချိုရောဂါဖြစ်ရင် နှလုံး၊ မျက်စိရောဂါတွေ၊ လေဖြတ်ခြင်း၊ ကျောက်ကပ်ရောဂါ၊ သွေးကြောရောဂါ၊ အာရုံကြောထိခိုက်မှုနဲ့ ခြေထောက်မှာဖြစ်တဲ့ဝေဒနာတွေ ခံစားရနိုင်ခြေပိုများပါတယ်။ ကိုယ်က ဆေးလိပ်သောက်တတ်သူဆိုရင် ဒီဖြစ်နိုင်ခြေက ပိုတောင်မြင့်နိုင်ပါတယ်။ ဆေးလိပ်သောက်တတ်သူတွေမှာ လေ့ကျင့်ခန်းလုပ်ဖို့လည်း အခက်အခဲရှိတတ်ပါတယ်။ ဆရာဝန်နဲ့ တိုင်ပင်ပြီး ဆေးလိပ်ဖြတ်ဖို့ နည်းလမ်းရှာပါ။
ဘီယာ၊ ဝိုင်နဲ့ ယမကာတွေ သိပ်များများသောက်မထားရင် သွေးတွင်းသကြားဓာတ်ကို ထိန်းဖို့ ပိုလွယ်နိုင်ပါတယ်။ မဖြတ်နိုင်လို့ သောက်နေသေးတယ်ဆိုရင်လည်း သိပ်မသောက်ဖို့အကြံပြုလိုပါတယ်။ မသောက်ခင်မှာ သွေးတွင်းသကြားဓာတ်ကို စစ်ကြည့်ပါ။ ဆီးချိုအတွက် အင်ဆူလင် သို့မဟုတ် ဆေးသောက်နေရသူဖြစ်ရင် ယမကာသောက်တဲ့အချိန်မှာ အစာမရှိဘဲမသောက်ပါနဲ့။ ဝိုင်အချိုရည်တွေလိုမျိုးတွေဆိုရင်လည်း ကာဗိုဟိုက်ဒရိတ်ပါဝင်မှုများစေနိုင်တာကြောင့် ကာဗိုဟိုက်ဒရိတ်တွက်ချက်တဲ့အခါ ထည့်စဉ်းစားဖို့လိုပါတယ်။
ကျန်းမာရေးနဲ့ညီအောင်စားသုံးခြင်းနဲ့ လေ့ကျင့်ခန်းတို့က သင့်ရဲ့အလုံးစုံကျန်းမာရေးကိုကောင်းမွန်စေပြီး သွေးတွင်းအချိုဓာတ်ကို ထိန်းညှိနိုင်တဲ့အပြင် ဆီးချိုရဲ့ နောက်ဆက်တွဲပြဿနာတွေ ခံစားရနိုင်တဲ့ အန္တရာယ်လျော့နည်းစေနိုင်ပါတယ်။
အစားဆင်ခြင်ခြင်း၊ လေ့ကျင့်ခန်းတွေနဲ့ ဆီးချို မထိန်းနိုင်တဲ့အခါ သွေးတွင်းသကြားဓာတ်ကို ကျစေဖို့ အင်ဆူလင်နဲ့ တခြား ဆီးချို ဆေးဝါးတွေကို အသုံးပြုရတာဖြစ်ပါတယ်။ ဒါပေမယ့်ဆေးရဲ့ ထိရောက်မှု အာနိသင်ကတော့ ဆေးသောက်တဲ့အချိန်နဲ့ ပမာဏကို မူတည်ပါတယ်။ သိထားသင့်တဲ့အချက်တွေကတော့ –
နေမကောင်းဖြစ်တဲ့အခါ ခန္ဓာကိုယ်က ရောဂါကို တိုက်ထုတ်နိုင်ဖို့ စိတ်ဖိစီးမှုနဲ့ဆိုင်တဲ့ ဟော်မုန်းတွေ ထုတ်ပေးပါတယ်။ ဒါပေမယ့် ဒီဟော်မုန်းတွေကြောင့် သွေးတွင်းသကြားဓာတ်ကိုလည်း မြင့်တက်စေနိုင်ပါတယ်။ အစာစားချင်စိတ်နဲ့ လှုပ်ရှားမှုတို့မှာ အပြောင်းအလဲဖြစ်သွားရင်လည်း ဆီးချိုရောဂါထိန်းတဲ့နေရာမှာ ရှုပ်ထွေးစေနိုင်ပါတယ်။ ဆီးချိုထိန်းဆေးတွေကိုဆက်သောက်ပါ။ ဆီးချိုအစားအသောက်ပုံစံကို စွဲစွဲမြဲမြဲလိုက်နာပါ။ ဖြစ်နိုင်ရင် စားသောက်မှုပုံစံကို တသမတ်တည်းထားပြီးစားတာက ဆီးချိုသွေးချိုထိန်းတဲ့နေရာမှာ ပိုထိရောက်စေပါတယ်။ ခရက်ကာလိုမျိုး စားရလွယ်တဲ့ အစားအစာမျိုးတွေ ဆောင်ထားပါ။ ရေဓာတ်မဆုံးရှုံးစေဖို့ ရေများများသောက်ပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။