အဓိပ္ပါယ်ဖွင့်ဆိုချက်
Myasthenia Gravis (ကြွက်သားပျော့ခွေ အာရုံကြောရောဂါ) ကဘာလဲ။
Myaesthenia gravis ဆိုတာ ခုခံအားစနစ်က မိမိကိုယ်ကို ပြန်လည် တိုက်ခိုက်တဲ့ အာရုံကြောကြွက်သား ရောဂါတစ်ခုပဲဖြစ်တယ်။ မျက်လုံး၊ မျက်နှာ၊ လည်ချောင်း၊ လက်နဲ့ ခြေထောက်တွေရဲ့ ကြွက်သားတွေကို အားယုတ်လျော့သွားစေတယ်။ ရောဂါစဖြစ်တဲ့ ပထမ ၃ နှစ်အတွင်းမှာ ကြွက်သားအားလျော့မှု အများဆုံးဖြစ်ပြီးတော့ အဲဒီနောက်ပိုင်းမှာတော့ ဆိုးဝါးမှုဟာ တဖြည်းဖြည်း နှေးကွေးလာပါတယ်။
Myasthenia Gravis (ကြွက်သားပျော့ခွေ အာရုံကြောရောဂါ) က ဘယ်လောက်အဖြစ်များသလဲ
လူတိုင်း ဒီရောဂါဖြစ်နိုင်ပါတယ်။ သို့သော်ငြားလည်း အမျိုးသမီးတွေမှာ အသက် ၄၀ မတိုင်ခင် အဖြစ်များပြီး အမျိုးသားတွေမှာ အသက် ၅၀ နောက်ပိုင်းမှာ အဖြစ်များတယ်။ ဖြစ်ပွားနိုင်ချေများကို လျော့ချခြင်းဖြင့်စီမံနိုင်တယ်။ အချက်လက်များကို ထပ်မံသိရှိ ဖို့ အတွက် ဆရာဝန်နဲ့ ဆွေးနွေး တိုင်ပင်သင့်တယ်။
လက္ခဏာများ
Myasthenia Gravis (ကြွက်သားပျော့ခွေ အာရုံကြောရောဂါ) ရဲ့လက္ခဏာတွေကဘာတွေလဲ
Myaesthenia gravis ရောဂါလက္ခဏာတွေက ဘာတွေလဲ။
ရောဂါလက္ခဏာတွေအများကြီးရှိပါတယ်။ ဥပမာ –
- ရင်ဘတ် ကြွက်သားများ အားလျော့မှု ကြောင့် အသက်ရှုရ ခက်ခဲခြင်း။
- အစာဝါးခြင်း မျိုချခြင်း အခက်အခဲများကြောင့် ခဏခဏ သီးခြင်း၊ ပျို့ခြင်း (သို့) သွားရည် ကျခြင်းများ ဖြစ်နိုင်ပါတယ်။
- လှေကားတက်ခြင်း၊ ပစ္စည်းမခြင်း နှင့် အထိုင်အထ ပြုလုပ်ရ ခက်ခြင်း။
- စကားမပြောနိုင်ခြင်း။
- ခေါင်းငိုက်စိုက်ကျခြင်း။
- မျက်နှာ ရွဲ့ခြင်း (သို့) မျက်နှာ ကြွက်သားများ အားလျော့ခြင်း။
- မောပန်းနွမ်းနယ် ခြင်း။
- အသံပြောင်း ရှတတ ဖြစ်သွားခြင်း။
- အမြင်နှစ်ထပ်ဖြစ်ခြင်း။
- လမ်းတည့်တည့် မလျှောက်နိုင်ခြင်း။
- မျက်ခွံလေးခြင်း။
အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။