RV uterus ဆိုတာ

Retroverted (RV) uterus ဆိုတာ

Retroverted (RV) ဆိုတာက သားအိမ်က ပုံမှန်အခြေအနေမဟုတ်ဘဲ နောက်လန်နေတာပါ။ သားအိမ်က ရှိသင့်တဲ့ပုံစံအတိုင်းတည့်တည့်ရှိမနေဘဲ နောက်ကို နည်းနည်းကွေးနေတာမျိုးပါ။ ဒီအချက်ကို ပုံမှန်အတိုင်းတော့ မသိနိုင်ပါဘူး။ အမျိုးသမီး ၅ ဦးမှာ ၁ ဦးနှုန်းလောက် RV ကိုခံစားနေရတာပါ။ RV utreus (သားအိမ်နောက်လန်တယ်) ဆိုတာကသားအိမ်အဝကနေ အတွင်ပိုင်းထဲကို ဆက်သွားတဲ့ လမ်းကြောင်းက အောက်ဘက်ဆီကို ဦးတည်နေတာပါ။ အမျိုးသမီးတိုင်းမှာ မွေးလမ်းကြောင်းအဆုံးမှာ သားအိမ်ဝရှိနေပြီး သားအိမ်ဝနဲ့ တစ်ဆက်တည်းမှာ သားအိမ်ရှိနေပါတယ်။ ဒီလမ်းကြောင်းတွေက ပုံမှန်ဆိုရင် တဖြောင့်တည်းရှိနေတတ်တာဖြစ်ပြီး RV (သားအိမ်နောက်လန်ခြင်း) ခံစားနေရသူတွေမှာတော့ သားအိမ်ခေါင်းပိုင်းက သားအိမ်နဲ့ တဖြောင့်တည်းဖြစ်မနေဘဲ ထောင့်ချိုးပုံစံမျိုးရှိနေတာပါ။

ဘယ်လိုလက္ခဏာတွေခံစားရနိုင်လဲ………………

• လိင်ဆက်ဆံချိန်မှာ မွေးလမ်းကြောင်းကနာမယ်။ ခါးအောက်ပိုင်းနာကျင်မယ်
• ရာသီလာချိန်မှာ နာကျင်ကိုက်ခဲမယ်
• တန်ပွန်သုံးတဲ့အခါ အလွယ်တကူထည့်လို့မရဘူး
• မကြာခဏဆီးသွားမယ်
• ဆီးလမ်းကြောင်းပိုးဝင်ကူးစက်မှုတွေဖြစ်မယ်
• ဆီးမထိန်းနိုင်တာမျိုးဖြစ်မယ် စတဲ့လက္ခဏာတွေခံစားရနိုင်ပါတယ်။

RV (သားအိမ်နောက်လန်ခြင်း) ကိုဖြစ်စေတဲ့ အကြောင်းအရင်းတွေက ဘာတွေဖြစ်မလဲ……..

• Endometriosis (သားအိမ်အတွင်းမြှေးနံရံ ပြဿနာ) ခံစားနေရတာ
• သားအိမ်ထဲမှာ အလုံးတည်တာ
• Pelvic inflammatory disease (PID) ခံစားနေရတာ
• တင်ပဆုံခွဲစိတ်ကုသမှုခံယူဖူးတာ
• အရင်ကကိုယ်ဝန်ဆောင်ဖူးတာတွေကြောင့် (RV) သားအိမ်နောက်လန်ခြင်းကို ခံစားရနိုင်ပါတယ်။

RV (သားအိမ်နောက်လန်ခြင်း) RV uterus ခံစားနေရရင် ကလေးမရနိုင်ဘူးလား…….

ဒီအခြေအနေက လေဒီတို့ရဲ့ ကလေးရနိုင်ခြေအပေါ်မှာ သက်ရောက်မှုမရှိပါဘူး။ သားအိမ်ကပုံမှန်ရှိသင့်တဲ့ အနေအထားမျိုးမှာ မဟုတ်ဘူးဆိုပေမယ့် မျိုးအောင်နိုင်စွမ်းနဲ့ ကိုယ်ဝန်ဆောင်နိုင်မှုတို့အပေါ်မှာ သက်ရောက်မှုလုံးဝမရှိပါဘူး။

လိင်ဆက်ဆံရင်ရော ဘာတွေဖြစ်နိုင်လဲ…..

သားအိမ်အနေအထားက ပုံမှန်အခြေအနေမှာ မရှိတာကြောင့် လိင်ဆက်ဆံတဲ့အခါ နာကျင်တာမျိုးကိုခံစားရနိုင်ပါတယ်။ လိင်ဆက်ဆံတဲ့အနေအထားကို ပြောင်းလဲပေးမှုက ဒီနာကျင်တာကို သက်သာစေမှာပါ။