အရောင်တွေ၊ ပုံစံတွေ အနည်းငယ် ကွဲနေတာ သဘာဝပါ။ ဒါကို သန့်ရှင်းမှု မရှိဘူးဆိုတဲ့ အယူအဆတွေကြောင့် မိန်းမကိုယ်ကို ကြမ်းကြမ်းတမ်းတမ်း ပွတ်တိုက်တာ၊ ဓာတုဆေးတွေနဲ့ အရောင်ချွတ်တာတွေ မလုပ်ဖို့ အကြံပေးပါရစေ။ ဒီလို လုပ်တာကမှ အသားအရေတွေ ပွန်းပြီး အခန့်မသင့်ရင် ပိုမည်းသွားနိုင်ပါတယ်။
အပျိုမြှေးဆိုတာ အမြှေးပါးလေး တစ်ခုပါ။ အမျိုးသမီး အများစုမှာ ရှိတယ်။ လိင်ဆက်ဆံရင် ပြဲသွားနိုင်တယ်ဆိုပေမယ့် အမြဲတမ်းတော့ မမှန်ပါဘူး။ တချို့ အမျိုးသမီးတွေက မွေးကတည်းက မပါလာတာတွေ ရှိပါတယ်။ တချို့အမျိုးသမီးတွေက ကျန်းမာရေးအတွက် မိန်းမကိုယ်အောက်ပိုင်းကို စစ်ဆေးစမ်းသပ်ရင်း၊ ပြင်းထန်တဲ့ လေ့ကျင့်ခန်းတွေ လုပ်ရင်း၊ Tampons ထည့်ရင်း မတော်တဆ ထိုးမိတဲ့အခါ ပြဲသွားနိုင်ပါတယ်။
ဒါကြောင့် အပျိုမြှေးက အပျိုဖြစ်ခြင်း မဖြစ်ခြင်းရဲ့ certificate မဟုတ်ပါဘူး။
မိန်းမကိုယ်နဲ့ ပတ်သက်လာရင် ဘယ်သူ့ကို ပွင့်ပွင့်လင်းလင်း မေးရမလဲဆိုတာ တကယ်ခက်ပါတယ်။ လူကြီးတွေကို မေးဖို့ကလည်း ခက်၊ အချင်းချင်း ဆွေးနွေးမိပြန်ရင်လည်း ဟုတ်သလိုလို မဟုတ်သလိုလို ဖြစ်နိုင်ပါတယ်။ ဒါပေမယ့် ခုလိုမျိုး တစ်ခုခုသိချင်ရင် အလွယ်တကူရှာလို့ရတဲ့ ခေတ်ကြီးမှာတော့ တစ်ခုခုဆို အလွယ်မယုံဘဲ စိတ်ချရတဲ့ စာတွေဖတ်ပြီး အတည်ပြုဖို့ အကြံပေးချင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။