- ချွေးပေါက်တွေ ပွင့်စေတယ်
- အညစ်အကြေးတွေ ဖယ်ရှားပေးတယ်
- အသားအရေ ကြည်လင်စေတယ်
- အဆီတွေ ဖယ်ရှားပေးတယ်
- အသားအရေ ကျန်းမာစေတယ်
- ရေဓာတ်ဖြည့်ပေးတယ်
- သွေးလည်ပတ်မှု ကောင်းစေတယ်
- ဝက်ခြံ သက်သာစေတယ်
- ကော်လာဂျင် ထွက်ရှိစေတယ်
မှ ဆေးပညာပိုင်းဆိုင်ရာ စစ်ဆေးထားပါသည်။ Htet Htet Zaw Win · အထွေထွေရောဂါကုဆရာဝန် · HHG
အသားအရေ ထိန်းသိမ်းမှုတော့ လုပ်ချင်ပါရဲ့။ ဘယ်ကနေ စလုပ်ရမလဲ မသိဘူးဆိုပြီး ဖြစ်နေပြီလာ။ ဒါဆိုရင်တော့ အလွယ်ကူဆုံး အသားအရေ ထိန်းသိမ်းနည်းဖြစ်တဲ့ ရေနွေးငွေ့ ခံပေးတာက စတင်လိုက်ပါ။ ဒါဆို မေးချင်နေလောက်မှာက ရေနွေးငွေ့ခံပေးတာ အသားအရေ ကျန်းမာစေသလား ဆိုပြီးဟုတ်။
အသားအရေ အထူးသဖြင့် မျက်နှာကို ရေနွေးငွေ့ ခံပေးတာ အသားအရေကို ကျန်းမာစေသလို လှပချောမွေ့စေဖို့ပါ ထောက်ကူပေးနိုင်ပါတယ်။ တစ်ပတ်ကို ၁ ကြိမ် ဒါမှမဟုတ် ၂ ကြိမ်လောက် ပုံမှန် လုပ်ပေးတာက အသားအရေ ကျန်းမာလှပစေဖို့ ထိထိရောက်ရောက် ထောက်ကူပေးနိုင်ပါတယ်။ ရေနွေးငွေ့ခံပေးတာ အသားအရေ ကျန်းမာစေသလား ဆိုတာကို အတူတူ ဆက်ကြည့်လိုက်ရအောင်နော်။
ရေနွေးငွေ့ခံပေးတာ အသားအရေကို အခုလို ကျန်းမာစေနိုင်ပါတယ်။
ရေနွေးငွေ့ ခံပေးတာက ချွေးပေါက်တွေကို ပွင့်စေပြီး ချွေးပေါက်ထဲက အညစ်အကြေးတွေ ဖုန်မှုန့်တွေကို ထိထိရောက်ရောက် ဖယ်ရှားပေးနိုင်ပါတယ်။ ဆားဝက်ခြံတွေကို ဖယ်ရှားရ လွယ်ကူစေပါတယ်။ ဝက်ခြံအဆံတွေ ထွက်လာအောင် ကူညီပေးနိုင်ပါတယ်။ ဒါပေမယ့် ဒါက ယာယီပဲဖြစ်ပါတယ်။
ရေနွေးနွေးလေးနဲ့ ရေနွေးငွေ့ခံပေးတာက သွေးကြောတွေကို သွေးစီးဆင်းမှု ကောင်းစေဖို့ ထောက်ကူပေးနိုင်ပါတယ်။ သွေးစီးဆင်းမှု ကောင်းစေတာက အရေပြားကို အောက်ဆီဂျင် ပိုမို ရရှိစေပြီး အသားအရေကို သဘာဝအတိုင်း ကျန်းမာလှပစေမှာပါ။
ရေနွေးငွေ့က ချွေးပေါက်တွေကို ပွင့်စေတာကြောင့် အရေပြားချွေးပေါက်တွေထဲက ဆဲလ်သေတွေ၊ ဘက်တီးရီးယားတွေနဲ့ အခြားသော အညစ်အကြေးတွေကို ဖယ်ရှားပေးနိုင်ပါတယ်။ ဒီလို ဖယ်ရှားပေးတာက ဝက်ခြံဖြစ်တာကို သက်သာစေနိုင်ပါတယ်။
အရေပြားနဲ့ ဆံသားတွေကို ချောမွေ့စေဖို့ အဆီဂလင်းတွေက အဆီတွေကို အလိုလို ထုတ်ပေးပါတယ်။ ဒါပေမယ့် အဆီက လိုတာထက် ပိုများနေမယ်ဆိုရင် ဘက်တီးရီးယားတွေကို ဖြစ်စေပြီး ဝက်ခြံတွေ ဆားဝက်ခြံတွေ ဖြစ်စေနိုင်ပါတယ်။ ရေနွေးငွေ့ခံပေးတာက အဆီပိုတွေကို ဖယ်ရှားပေးပြီး ဝက်ခြံ မဖြစ်အောင် ကာကွယ်ပေးပါတယ်။
ရေနွေးငွေ့ခံပေးတာက အသားအရေကို ရေဓာတ် ဖြည့်ပေးပါတယ်။ အဆီထွက်စေပြီး အသားအရေကို သဘာဝအတိုင်း အစိုဓာတ် ရှိနေအောင် ထောက်ကူပေးပါတယ်။ ဒါပေမယ့် လိုတာထက် ပိုခံရင်တော့ အသားအရေခြောက်နိုင်တာကို သတိပြုပါ။
ရေနွေးငွေ့ခံပေးတာက သွေးစီးဆင်းမှု ကောင်းစေပြီး အသားအရေကို တင်းရင်းစေသလို ကော်လာဂျင် ထွက်ရှိမှု ကောင်းစေဖို့ ထောက်ကူပေးပါတယ်။ အသားအရေကို အရွယ်တင်နုပျိုစေမှာပါ။
ရေနွေးငွေ့ခံပေးတာက အရေပြားကို ချွေးပေါက်တွေ ပွင့်စေပြီး အညစ်အကြေးတွေကို ထိထိရောက်ရောက် ဖယ်ရှာပေးပြီး အာဟာရဓာတ်တွေကို ကောင်းကောင်း စုပ်ယူနိုင်စေဖို့ ထောက်ကူပေးပါတယ်။ အရေပြားက လိုအပ်တဲ့ အာဟာရကို ပြည့်ဝစွာ ရရှိမှုက အသားအရေ ချောမွေ့စေမှာပါ။
ရေနွေးငွေ့ခံဖို့ အကောင်းဆုံး နည်းလမ်းက
သတိထားရမယ့် အချက်တွေကတော့ အပူချိန်သိပ်မများပါစေနဲ့။ မျက်နှာလောင်တတ်ပါတယ်။ ဒါ့ပြင် အရေပြားရောဂါအခံတွေရှိရင်၊ အသားခြောက်ရင်၊ ထိခိုက်လွယ်တဲ့ အသားရေရှိရင်၊ ရောင်ရမ်းနေတဲ့ ဝက်ခြံတွေရှိရင် ရေနွေးငွေ့ခံတာကို ရှောင်ကြဉ်သင့်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။