ဓါတ်မတည့်ဖြစ်လွယ်တဲ့အသားအရေပိုင်ရှင်တွေ ဒီ(၈)ချက်ကို သတိထားနော်

ဘယ် Skin care ၊ ဘယ်အလှကုန်ဝယ်ဝယ် ဘူးမှာ “ဓါတ်မတည့်လွယ်အသားအရေအတွက်”ဆိုတဲ့ စကားလုံးမျိုး ပါသလား၊ ဘယ်အသားအရေအတွက်ဆိုတာဖော်ပြထားသလား Label အရင်ဖတ်ကြည့်ပါ။ပြီးရင် ဘာတွေနဲ့ထုတ်လုပ်ထားလဲ သိရဖို့ ပါဝင်ပစ္စည်းကိုကြည့်ပါ။ ကျန်တာနားမလည်ဘူးဆိုရင်တောင် အနံ့တု၊အရောင်တု၊ဆပ်ပြာ စတာတွေပါမနေဖု့ိ ရှာကြည့်ပါ။ ဓါတ်မတည့်လွယ်အသားအရေအတွက် ပါဝင်ပစ္စည်းနည်းလေကောင်းလေပါပဲ။ Hypoallergenic လို့ဖော်ပြထားတာကိုရွေးပါ။

(၂) အာနိသင်ပြင်းတဲ့ မျက်နှာသစ်ဆေးတွေရှောင်ပါ

လူသုံးများတဲ့ မျက်နှာသစ်ဆေးတွေမှာ ဓါတ်မတည့်လွယ်အသားအရေအတွက် မသင့်တော်တဲ့ ဓါတုပစ္စည်းတွေပါနိုင်ပါတယ်။ပြောရရင် sensitive skin အတွက် သီးသန့်ထုတ်လုပ်တဲ့ အမျိုးအစားတွေကိုပဲရွေးသုံးသင့်တာပါ။ ခုနလို ဓါတုပစ္စည်းတွေက အသားအရေကိုခြောက်သွေ့ယားယံတာ၊ အဖုထွက်စေတာ၊ အဖတ်ကွာစေတာတွေဖြစ်လာနိုင်တယ်။alcohol ၊ethylene glycol monobutyl acetate၊sodium hypochlorite၊trisodium phosphate တို့ပါဝင်တာတွေရှောင်ပါ။

(၃)ရေအကြာကြီးမချိုးပါနဲ့

ရေချိုးတာသိပ်ကြာနေရင် အရေပြားမှာရှိတဲ့ သဘာဝအဆီတွေ တဖြည်းဖြည်း လျော့ပါးကုန်ပါလိမ့်မယ်။ရေချိုးချိန်ကြာတာက အသားအရေကိုပိုခြောက်သွေ့စေပြီး၊ တင်းတာ၊ အက်ကွဲတာတွေဖြစ်စေနိုင်တယ်။ ဒါ့ကြောင့် ပုံမှန်အချိန်အတိုင်းအတာအတွင်းပဲချိုးပါ၊ အကြာကြီးမချိုးပါနဲ့။

(၄) ဆပ်ပြာစိမ်မထားပါနဲ့

ဒီအသားအရေပိုင်ရှင်တွေဟာ ရေချိုးဆပ်ပြာကြော်ငြာတွေထဲကလို ဆပ်ပြာမြှုပ်လေးတွေနဲ့(ရေချိုးဆပ်ပြာများများနဲ့) ကြာကြာနှပ်နေလို့မဖြစ်ပါဘူး။ ဖြူစင်မွှေးပျံ့နေဖို့ဆိုပြီး ဒီလိုချိုးလိုက်ရင် အပေါ်မှာပြောခဲ့သလို အဆီတွေကုန်ခမ်းပြီး ချိုးပြီးတဲ့အခါအသားတအားခြောက်ပါလိမ့်မယ်။ ယားယံတာ၊ ဓါတ်မတည့်တာဖြစ်လွယ်လာပါလိမ့်မယ်။ ချိုင်း၊ပေါင်ခြံ စတဲ့ ကြိုကြိုကြားကြားနေရာတွေကိုပဲ ဆပ်ပြာပိုသုံးချင်သုံးပါ။ ဒါပေမယ့် ဆပ်ပြာတိုက်ထားပြီး စိမ်ပြေနပြေ ချေးတွန်းနေတာမျိုး ၊ခြေသည်းလက်သည်းတိုက်နေတာမျိုးမလုပ်ပါနဲ့။

(၅) အရင်စမ်းကြည့်ပါ

Skin care တစ်ခုခုဝယ်မယ်ဆို လက်အရေပြားပေါ်မှာ နည်းနည်းအရင်စမ်းကြည့်ပါ။ ဒါမှကိုယ်နဲ့တည့်မတည့်သိနိုင်မှာပါ။ ထူးခြားတဲ့ ဓါတ်မတည့်တာဖြစ်လာရင် မသုံးပါနဲ့တော့။