တောက်ပတဲ့ အရောင်အသွေးတွေနဲ့ သစ်သီးနံ့လေးတွေ မွှေးကြိုင်နေတဲ့ စွဲမက်ဖွယ်အရောင်တွေရဲ့ နောက်ကွယ်က အဆိပ်ဖြစ်စေနိုင်တဲ့အရာတွေက လက်သည်းအောက်ခြေကနေတဆင့် သွေးကြောတွေထဲရောက်ရှိသွားပြီး ကျန်းမာရေးဆိုင်ရာ ထိခိုက်မှုတွေ ဖြစ်ပေါ်ခံစားရစေနိုင်ပါတယ်လို့ လေ့လာမှု အသစ်တစ်ရပ်အရသိရပါတယ်။ လက်သည်းနီတွေထဲမှာ endocrine disruptor တစ်ရပ်ဖြစ်နိုင်ခြေရှိတဲ့ triphenyl phosphate (TPHP) ဆိုတဲ့ ဓာတ်တစ်မျိုး ပါဝင်နေတယ်လို့ Environmental Working Group ကဖော်ထုတ်တွေ့ရှိခဲ့ပါတယ်။ လက်သည်းနီဆိုးပြီးတဲ့နောက်မှာ ၁၀ နာရီကနေ ၁၄ နာရီအကြာမှာ သွေးထဲကို TPHPတွေရောက်ရှိသွားတယ်လို့ လေ့လာမှုအရသိရပါတယ်။