ဝက်ခြံကပ်ခွာကို ဘယ်လိုသုံးကြမလဲ။
ဝက်ခြံကပ်ခွာတွေ အာနိသင်ပြဖို့ နာရီအနည်းငယ်လောက် ကပ်ထားဖို့ လိုပါတယ်။ ဒါကြောင့် အကောင်းဆုံးက အိပ်ခါနီး အချိန်မှာ ကပ်လိုက်တာပါ။ တချိုု့ကပ်ခွာတွေက ကပ်ထားရင် မသိသာအောင် အသားရောင်အတိုင်း ထုတ်ထားတဲ့အတွက် နေ့ဘက်မှာပါ သုံးလို့ရပါတယ်။
ဝက်ခြံကပ်ခွာ မကပ်ခင်မှာ မျက်နှာကို သေချာသစ်ပြီး ခြောက်သွေ့အောင် သုတ်ပါ။ စိုနေရင် ကော်က ကပ်မှာ မဟုတ်ပါဘူး။ တကယ်လို့ ဝက်ခြံကို ညှစ်ထားတယ် ဒါမှမဟုတ် ပေါက်နေတယ်ဆိုရင် သေချာသန့်ရှင်းရေး လုပ်ပြီးမှ ကပ်သင့်ပါတယ်။
ပြီးရင်တော့ ကပ်လိုက်ရုံပါပဲ။ ကိုယ်အသုံးပြုတဲ့ ပစ္စည်းပေါ် မူတည်ပြီး ဘယ်နာရီထားရမလဲဆိုတာကို လေ့လာပါ။ ကပ်ခွာကို ခွာလိုက်ချိန်မှာတော့ ဝက်ခြံက အရောင်ကျပြီး သေးလာရပါမယ်။
ဝက်ခြံကပ်ခွာအကြောင်း တစေ့တစောင်း
ဝက်ခြံကပ်ခွာတွေက ဝက်ခြံတွေကို သက်သာစေပြီး မညှစ်မိအောင် ကာကွယ်ပေးနိုင်ပါတယ်။ သာမန်ဝက်ခြံတွေ ဆိုရင်တော့ သိသိသာသာကို သက်သာစေပါတယ်။ ဒါပေမယ့် ခဲနေတဲ့ ဝက်ခြံတွေ၊ ဝက်ခြံဖုအကြီးတွေဆိုရင်တော့ ကပ်ခွာကပ်မယ့်အစား အရေပြားဆရာဝန်နဲ့ ပြသသင့်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။