ကျော နဲ့ ခါးမှာ ပေါက်တဲ့ ဝက်ခြံ ဘယ်လိုကုသကြမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 27, 2020 . 2 mins read
Share now

ဝက်ခြံ မှန်သမျှဟာ ခန္ဓာကိုယ်ရဲ့ ဘယ်နေရာ၊ ဘယ်အစိတ်အပိုင်းမှာပဲ ပေါက်နေပါစေ၊ အဆီပိုတွေ ထွက်ရှိခြင်း၊ ချွေးပေါက်ပိတ်ဆို့ခြင်း၊ ဘက်တီးရီးယားပိုးတွေ ရှိခြင်း၊ အရေပြားရောင်ရမ်းခြင်း တို့ကြောင့် ဖြစ်ရတာ များပါတယ်။

ဆားဝက်ခြံ ၊ ဝက်ခြံဖု အားလုံးက အကြောင်းရင်းတွေက တူတူပါပဲ။ လေ့လာမှုတွေအရ ခန္ဓာကိုယ်မှာ ချွေးပေါက်တွေ ပိတ်နေတာ၊ ဆဲလ်သေတွေ ရှိနေတာနဲ့ ခန္ဓာကိုယ်က ထွက်တဲ့ သဘာဝအဆီတွေက ချွေးပေါက်တွေထဲ ပိတ်မိနေတာတွေက ဘက်တီးရီးယား ပေါက်ဖွားလွယ်စေပြီး ဝက်ခြံတွေ ဖြစ်လာစေပါတယ်။

ခန္ဓာကိုယ် အနှံ့က ဝက်ခြံ

ဒီတော့ ဝက်ခြံဆိုတာ မျက်နှာ မှာပဲ ထွက်တတ်တာ မဟုတ်ဘူး ဆိုတာ ရှင်းနေပါပြီ။ မဖြစ်တဲ့သူလည်း မဖြစ်ဘူး ဆိုပေမယ့် တချို့မှာတော့ ကျော သို့မဟုတ် ခါး မှာ အနည်းဆုံး ဆားဝက်ခြံလေးတွေ လောက်တော့ ရှိတတ်ပါတယ်။ တချို့ကျတော့ ဝက်ခြံဖု အကြီးတွေ ဖြစ်လာတတ်တာပေါ့။

ဝက်ခြံကို ပံ့ပိုးပေးတဲ့ အကြောင်းရင်းတချို့

အပေါ်မှာ ပြောခဲ့သလို ဝက်ခြံဖြစ်စေမယ့် အနေအထားမျိုး ကို ပံ့ပိုးပေးတဲ့ အချက်တချို့ ရှိနေပါတယ်။ နေ့စဉ်ဘဝ နဲ့ တိုက်ရိုက် ဆက်နွှယ်နေတဲ့ အချက်တွေမို့  သတိထားဆင်ခြင်လိုက်ပါနော် –

အဝတ်အစား

ခန္ဓာကိုယ်မှာ ဝက်ခြံထွက်စေတဲ့ အကြောင်းရင်း တစ်ချက်ကတော့  ခန္ဓာကိုယ်နဲ့ ကွက်တိဖြစ်လွန်း၊ ကျပ်လွန်းတဲ့ အဝတ်အစားတွေ ဝတ်တာကြောင့်ပါ။ အင်္ကျီတွေ ကျပ်လွန်းတာကြောင့် အရေပြားဟာ လေကောင်းကောင်း မရဘဲ ယားယံကာ ဝက်ခြံတွေ ထွက်စေပါတယ်။

ကိုယ်လက်လေ့ကျင့်ခန်း

အားကစား သို့မဟုတ် ကိုယ်လက်လှုပ်ရှားမှုတွေကြောင့် ချွေးများများထွက်လာတဲ့အခါ အရေပြား ပေါ်က အဆီတွေ၊ ဖုန်မှုန့်အညစ်အကြေးတွေနဲ့ ရောနှောပြီး ချွေးပေါက်တွေမှာ ပိတ်ဆို့စေတယ်၊ ဘက်တီးရီးယားတွေ ကပ်တွယ်စေတယ်။ အဲဒီကနေ ဝက်ခြံတွေ ဖြစ်လာစေနိုင်ပါတယ်။

ဒါ့ကြောင့် ချွေးများများထွက်ပြီးတိုင်း အဝတ်အစားလဲပါ၊ သန့်စင်ပါ။ အားကစားလုပ်ထားရင် ရေချိုးသန့်စင်ပါ။

ရေချိုးချိန်

ရေချိုးတဲ့ အခါ ကျောပြင်ဘက် အခြမ်းက ပွတ်တိုက်သန့်စင်ဖို့ မလွယ်တာကြောင့် ဆပ်ပြာသေချာ မတိုက်မိတာ၊ ချေးမပြောင်တာ တွေ ရှိနိုင်ပါတယ်။ အဲဒီကနေ ချွေးပေါက်မှာ ဘက်တီးရီးယားတွေ ကပ်တွယ်ပြီး ဝက်ခြံထွက်စေနိုင်တယ်။ ဒါ့ကြောင့် ကျောဘက် ဝက်ခြံပေါက်တတ်သူတွေ ရေချိုးတဲ့အခါ ကျောဘက်ကို တိုက်ဖို့ ချေးတွန်းဝတ် သုံးဖို့ သင့်ပါတယ်။

အိပ်ရာ အခင်းများ

ဝက်ခြံတွေ ဖြစ်စေတဲ့ အကြောင်းရင်းထဲမှာ သိပ်သတိမထားမိကြတဲ့ အချက်က အိပ်ရာ အခင်းတွေပါ။ ခေါင်းအုံးစွပ်၊ အိပ်ရာခင်း၊ စောင်တွေမှာ အညစ်အကြေးတွေ၊ ချွေးအဆီတွေ ကပ်နေတတ်ပြီး အိပ်တဲ့အခါ ခန္ဓာကိုယ်ကို ထိတွေ့မိနေတာကြောင့် ဝက်ခြံတွေ ထွက်လာနိုင်ပါတယ်။

ဘယ်လို ကုစားကြမလဲ

ဒီအတွက် အလွယ်ဆုံးနဲ့ ပါဝင်ပစ္စည်း ရှာရအလွယ်ဆုံး နည်းလမ်းလေးတွေ ပြောပြပေးမယ်နော် –

(၁) မုန့်ဖုတ်ဆိုဒါ

မုန့်ဖုတ်ဆိုဒါက အသားအရေကို ရေဓာတ် ထိန်းညှိပေးပြီး ဝက်ခြံတွေကို ပျောက်ကင်းစေပါတယ်။ မုန့်ဖုတ်ဆိုဒါ လက်ဖက်ရည်ဇွန်း (၄) ဇွန်းကို ရေလေး နည်းနည်း နဲ့ ရောပြီး ခပ်ပျစ်ပျစ်လေး မွှေပါ။ နောက်တော့ ဝက်ခြံရှိတဲ့ နေရာတဝိုက်မှာ တို့လိမ်းထားပေးပြီး မိနစ်အနည်းငယ် ကြာမှ ရေဆေးချပါ။

(၂) ပန်းသီးရှာလကာရည်

ပန်းသီးရှာလကာရည်က ဘက်တီးရီးယားတွေကို သေစေနိုင်ပြီး အသားအရေကို ကြည်လင်အောင် အားဖြည့်ပေးနိုင်တာမို့ ကျောဘက်က ဝက်ခြံတွေ ပျောက်ကင်းစေပါတယ်။ ကျောဘက်ရှိ ဝက်ခြံတွေနေရာမှာ ပန်းသီးရှာလကာရည်လေး သုတ်လိမ်းထားပေးပါ။ ညမအိပ်ခင် လိမ်းရင် ပိုကောင်းပါတယ်။ နောက်မှ ရေဆေးချပါ။ တပတ်ကို (၃) ကြိမ်လောက်လုပ်မယ်ဆိုရင် ပျောက်ကင်းသွားမှာပါ။

(၃) ပျားရည်

ပျားရည် ကတော့ အစိုဓာတ်ကို ထိန်းပေးတာမို့ အသားအရေကို ချောမွေ့စေပါတယ်။ ပျားရည်ကို အုတ်ဂျုံမှုန့်လေး နည်းနည်းနဲ့ ရောပြီး ဝက်ခြံ ရှိတဲ့ နေရာမှာ လိမ်းပြီး အအေးခံပါ။ ခြောက်သွားမှ ရေအေးလေးနဲ့ ဆေးပါ။ မိနစ်(၂၀) လောက်တော့ ကြာအောင် ထားပါ။

(၄) ရှားစောင်းလက်ပပ်

ရှားစောင်းလက်ပပ်ကို အပြင်ခွံတွေ လှီးပြီး အတွင်းပိုင်း ဂျယ်လ်လေးနဲ့ ယူလိုက်ပါ။ နောက်တော့ ဝက်ခြံ ရှိတဲ့ နေရာမှာ ကပ်ထားပါ။ ခြောက်သွားမှ ရေအေးအေးလေး ဆေးချပါ။

ဒီဆောင်းပါးလေး ဖတ်ပြီးရင်တော့ ကျော နဲ့ ခါး မှာ ပေါက်တဲ့ ဝက်ခြံတွေကို နှုတ်ဆက် တာ့တာပြလိုက်တော့နော်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အသက်အရွယ် ကြီးရင့်လာတဲ့အခါ ကြုံတွေ့ရနိုင်မယ့် ပြောင်းလဲမှုများ

အသက်အရွယ် ကြီးရင့်မှုက သွားတွေ၊ နှလုံး၊ အသည်းကစလို့ မှတ်ဉာဏ်ပိုင်းဆိုင်ရာတွေမှာရော အသားအရေတွေ အပေါ်မှာပါ  သက်ရောက်မှု ရှိတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆယ်ကျော်သက်အရွယ် သားသားမီးမီးတို့ အကြောင်း

ဆယ်ကျော်သက်အရွယ် မှာ ရုပ်ပိုင်းစိတ်ပိုင်းဆိုင်ရာ ပြောင်းလဲမှု များစွာကို ကြုံရနိုင်တာကြောင့် ကြုံတွေ့ရမယ့် ပြောင်းလဲမှု နဲ့ အခက်အခဲတွေကို ဒီလိုကျော်ဖြတ်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ဆယ်ကျော်သက်အရွယ် ဖေ‌ဖော်ဝါရီ 8, 2021 . 2 mins read

အသားအရေက purging ဖြစ်နေတာလား။ Breakout (ကန်ထွက်) နေတာလား…………….

purging ဖြစ်နေတဲ့ အသားအရေလား။ Breakout ဖြစ်နေတဲ့ အသားအရေလား ကိုယ်တိုင် ဆန်းစစ်ပြီး အသားအရေကို အကောင်းဆုံး ထိန်းသိမ်းလိုက်ရအောင်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးမွေးထားတဲ့ မေမေ တွေ ခန္ဓာကိုယ် ပြန်ထိန်းသိမ်းနိုင်ဖို့

ကလေးမွေးထားတဲ့ မေမေ တွေမှာ ဆံပင်၊ အသားအရေနဲ့ ကိုယ်အလေးချိန်တွေ ဘယ်လိုပြောင်းလဲလာမှာလဲ၊ မေမေတို့ ဘယ်လိုပြန်ထိန်းကြမလဲဆိုတာကို ပြောပြပေးပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
Uncategorized ဇန်နဝါရီ 22, 2021 . 3 mins read

သင့်အတွက် ရွေးချယ်ထားသည်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read
အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံကို သက်သာစေလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 2, 2021 . 2 mins read
တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ.......

တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ…….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 11, 2021 . 2 mins read