လိင်ကိစ္စအပြီး ဆီးသွားလိုက်တဲ့အခါ ဘက်တီးရီးယားပိုးတချို့က ဆီးနဲ့အတူ အပြင်ကိုပါလာပါတယ်။ ဒီအခါ ဆီးလမ်းကြောင်းပိုးဝင်တာကို လျှော့နည်းစေပါတယ်။ လိင်ဆက်ဆံပြီး ဆီးသွားလိုက်တာနဲ့ ဆီးလမ်းကြောင်းပိုးဝင်တာ လုံးဝမဖြစ်တော့တာတော့ မဟုတ်ပါဘူး။ ဒါပေမဲ့ ဖြစ်နိုင်ခြေကတော့ နည်းသွားပါတယ်။
ထိုးသွင်းဆက်ဆံမှုမရှိရင်ရော ဆီးသွားဖို့လိုအပ်လား။
တစ်ယောက်ကို တစ်ယောက် လက်နဲ့ပဲ အာသာဖြေတာဆိုရင်တော့ ဆက်ဆံခြင်းပြီးတာနဲ့ အိမ်သာအမြန်ပြေးပြီး ဆီးသွားဖို့မလိုအပ်ပါဘူး။ ဒါပေမယ့် လက်ကနေလည်း ပိုးမွှားတွေက ဆီးလမ်းကြောင်းနဲ့ လိင်အင်္ဂါတွေဆီ ရောက်နိုင်တာကြောင့် ခဏနေရင်တော့ သွားသင့်ပါတယ်။
နောက်တစ်ခုသတိထားဖို့လိုအပ်တာက ပါးစပ်ဖြင့် လိင်ဆက်ဆံတဲ့အခါ (အမျိုးသားက မိန်းမကိုယ်ကိုဖြစ်စေ၊ အမျိုးသမီးက လိင်တံကိုဖြစ်စေ) ပါးစပ်ထဲမှာရှိနေတဲ့ ဘက်တီးရီးယားပိုးတွေဟာ လိင်အင်္ဂါမှာကပ်ကျန်နေနိုင်သလို လိင်အင်္ဂါမှာရှိတဲ့ အညစ်အကြေး၊ ပိုးမွှားတွေဟာလည်း ပါးစပ်ထဲကို ဝင်ရောက်နိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။