လည်ချောင်းနာအမြစ်ပြတ်မကုဘဲ နောက်ဆက်တွဲပြဿနာတွေအဖြစ်ခံမှာလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇွန် 17, 2020 . 3 mins read
Share now

လည်ချောင်းနာပြီဆိုရင် လည်ချောင်းထဲမှာ ယားစပ်စပ်နဲ့ မျိုချလိုက်တိုင်းနာကျင်နေတာ ခံစားရခက်ပါတယ်။ အစာတို့ ရေတို့မပြောနဲ့ တံတွေးမျိုတာတောင် အရမ်းနာတယ်မဟုတ်လား။ လည်ချောင်းနာရတဲ့အကြောင်းရင်းကတော့ အအေးမိနဲ့ တုပ်ကွေးတို့လို ဗိုင်းရပ်စ်ပိုးကြောင့်ဖြစ်တာများပါတယ်။ ဒီဝေဒနာက အချိန်အတိုင်းအတာတစ်ခုအတွင်းမှာပျောက်ကင်းနိုင်ပါတယ်။

streptococcus ဘက်တီးရီးယားကြောင့်ဖြစ်တတ်တဲ့ လည်ချောင်းနာကတော့နောက်ဆက်တွဲပြဿနာတွေဖြစ်လာတတ်လို့ ပဋိဇီဝပိုးသတ်ဆေးနဲ့ ကုသဖို့လိုအပ်ပါတယ်။ လည်ချောင်းနာတာက သူ့ဘာသာ အလွယ်တကူပျောက်သွားတတ်တဲ့ဝေဒနာဆိုပေမယ့် ဂရုတစိုက်မရှိဘူးဆိုရင်တော့နောက်ဆက်တွဲပြင်းထန်တဲ့ဝေဒနာတွေအဖြစ်ကို ကူးပြောင်းသွားနိုင်ပြီး မခံမရပ်နိုင်အောင်လည်ချောင်းနာတာ၊ပြည်တည်တာ၊ အသံမထွက်နိုင်တော့တာနဲ့ အသက်ရှူကြပ်တာမျိုးတွေထိဖြစ်နိုင်ပါတယ်။

ဘယ်လိုလက္ခဏာတွေရှိနိုင်မလဲ။

လည်ချောင်းနာခြင်းလက္ခဏာတွေက ရောဂါအကြောင်းရင်းကိုမူတည်ပြီး အမျိုးမျိုးကွဲပြားကြပါတယ်။ များသောအားဖြင့် –

  • လည်ချောင်းထဲမှာ နာနေ၊ယားနေသလို ခံစားနေရခြင်း
  • မျိုချရင်၊ စကားပြောရင် ပိုနာကျင်ခြင်း
  • အစာ သို့မဟုတ်ရေမျိုချရခက်ခြင်း
  • လည်ပင်း သို့မဟုတ်မေးရိုးအောက် ဂလင်းတွေရောင်ရမ်းခြင်း၊နာကျင်ခြင်း
  • အာသီးရောင်ခြင်း
  • အာသီးမှာ အဖြူဖတ်လေးတွေဖြစ်ခြင်း သို့မဟုတ်ပြည်တည်ခြင်း
  • အသံဝင်ခြင်း တို့ဖြစ်လေ့ရှိပါတယ်။

လည်ချောင်းနာစေတဲ့ တချို့အကြောင်းရင်းတွေကတော့ ဖျားခြင်း၊ချောင်းဆိုးခြင်း၊နှာစေးခြင်း၊ နှာချေခြင်း၊ ကိုယ်လက်နာကျင်ကိုက်ခဲခြင်း၊ ခေါင်းကိုက်ခြင်း၊ မအီမသာဖြစ်ခြင်း၊ ပျို့အန်ခြင်းတို့အပါအဝင် တခြားလက္ခဏာတွေဖြစ်တတ်ပါတယ်။

ဗိုင်းရပ်စ်လည်ချောင်းနာဝေဒနာက –

  • ရိုးရိုးအအေးမိခြင်း
  • တုပ်ကွေး
  • ဝက်သက်
  • ရေကျောက်
  • သူငယ်နာချောင်းဆိုး တို့ကြောင့်ဖြစ်တတ်ပါတယ်။

ဘက်တီးရီးယားလည်ချောင်းနာဝေဒနာက အများအားဖြင့်Streptococcus pyogenes ဘက်တီးရီးယားကြောင့်ဖြစ်တာပါ။ ဘက်တီးရီးယားကြောင့်ဖြစ်တဲ့လည်ချောင်းနာတာတွေကတော့ ဗိုင်းရပ်စ်ထက် ပိုပြင်းထန်တတ်ပါတယ်။

ဒါတွေအပြင် လည်ချောင်းနာစေတဲ့ တခြားအကြောင်းရင်းတွေလည်းရှိနိုင်ပါသေးတယ်။

ဓါတ်မတည့်ခြင်း – ဖုန်မှုန့်တွေ၊မှို၊ ပန်းဝတ်မှုန် ဒါမှမဟုတ် အိမ်မွေးတိရစ္ဆာန်အမွေးတွေဆီကအမှုန်အမွှားတွေနဲ့ ဓါတ်မတည့်တာကြောင့် လည်ချောင်းနာတတ်ပါတယ်။

ခြောက်သွေ့ခြင်း – အိမ်တွင်းကခြောက်သွေ့တဲ့လေကြောင့် (အထူးသဖြင့် အိမ်မှာအရမ်းပူနေတဲ့အချိန်) လည်ချောင်းမှာ ရှတတဖြစ်နေတာ၊လည်ချောင်းနာတာမျိုး မနက်အိပ်ရာထစမှာဖြစ်တတ်ပါတယ်။

ပတ်ဝန်းကျင်လှုံ့ဆော်မှု –ပြင်ပလေထုညစ်ညမ်းမှုကြောင့် လည်ချောင်းကိုဝေဒနာဖြစ်စေတတ်ပါတယ်။ ဆေးလိပ်ငွေ့၊ သို့မဟုတ် ဓါတုပစ္စည်း အငွေ့တွေလို အိမ်တွင်းလေထုညစ်ညမ်းခြင်းကြောင့် အချိန်တာရှည်လည်ချောင်းနာစေတတ်ပါတယ်။ အရက်၊ဘီယာနဲ့ အပူအစပ်တွေကြောင့်လည်း လည်ချောင်းနာစေပါတယ်။

ကြွက်သားညောင်းခြင်း –စကားအကျယ်ကြီးအော်ပြောခဲ့တာ ဒါမှမဟုတ် အချိန်အတော်ကြာမရပ်မနား စကားပြောခဲ့ရတာတို့လို လည်ပင်းကြွက်သားတွေအရမ်းအလုပ်လုပ်ရတဲ့အခြေအနေမျိုးတွေကြောင့် ကြွက်သားညောင်းတတ်ပါတယ်။

အကျိတ်ဖြစ်ခြင်း – လည်ချောင်း၊လျှာ သို့မဟုတ် အသံအိုးမှာ ကင်ဆာအကျိတ်ရှိနေရင် လည်ချောင်းနာစေနိုင်ပါတယ်။ အသံဝင်ခြင်း၊ မျိုချရခက်ခဲခြင်း၊အသက်ရှူသံပြင်းခြင်း၊လည်ပင်းမှာအဖုအကျိတ်ဖြစ်နေခြင်း၊ တံတွေးမှာသွေးပါခြင်းလက္ခဏာတွေပါဝင်ပါတယ်။

ဘက်တီးရီးယားလည်ချောင်းနာ

ဒီအမျိုးအစားက ကလေးတွေမှာအဖြစ်များဆုံးဆိုပေမယ့် အရွယ်သုံးပါးစလုံးမှာဖြစ်နိုင်ခြေလည်းရှိပါတယ်။ ကိုယ်တိုင် သို့မဟုတ် ကလေးမှာ ဒီလက္ခဏာတွေရှိနေရင် ဆရာဝန်နဲ့ပြပြီး စစ်ဆေးကုသသင့်ပါတယ်။ မျိုချရခက်တာ၊အာသီးရောင်တာ၊ အာခေါင်ရင်းမှာအနီစက်လေးတွေဖြစ်လာတာ၊ လည်ပင်းကပြန်ရည်ကျိတ်တွေရောင်လာတာ၊အဖျားရှိတာ၊ခေါင်းကိုက်တာ၊ကလေးငယ်တွေပျို့အန်တာ၊ ကိုယ်လက်ကိုက်ခဲတာတွေပါဝင်ပါတယ်။

လက္ခဏာတွေသိရချိန်မှာသေချာမကုသခဲ့ရင်တော့ကျောက်ကပ်ရောင်ခြင်း ဒါမှမဟုတ် ပိုးလေးဘက်နာ(rheumatic fever) တို့လိုနောက်ဆက်တွဲရောဂါတွေဖြစ်လာစေနိုင်ပါတယ်။ ပိုးလေးဘက်နာဆိုရင် အရိုးအဆစ်တွေ နာကျင်ရောင်ရမ်းစေနိုင်ပြီး နှလုံးအဆို့ရှင်ကိုပါ ထိခိုက်စေနိုင်ပါတယ်။

လည်ချောင်းနာကို ဘယ်လိုကုသဂရုစိုက်မလဲ

အအေးမိတာပဲဖြစ်ဖြစ် ဘာအကြောင်းရင်းကြောင့်ပဲဖြစ်ဖြစ် လည်ချောင်းနာတယ်ဆိုရင် ဝေဒနာသက်သာစေဖို့၊ လက္ခဏာပိုမဆိုးလာစေဖို့ ဂရုစိုက်ရမှာ အရေးကြီးပါတယ်။

  • နားပါ –အသံကိုအရမ်းမသုံးဘဲခဏနားပါ။ အနားယူခြင်းနဲ့ အိပ်စက်ခြင်းက အကောင်းဆုံးအားဆေးပါပဲ။ ပင်ပန်းမောပန်းမယ့် အလုပ်တွေ အရမ်းမလုပ်ပါနဲ့။
  • ရေဓါတ်ဖြည့်တင်းပါ –လည်ချောင်းမှာအစိုဓါတ်ထိန်းပြီးရေဓါတ်ခန်းခြောက်မှုကာကွယ်နိုင်ဖို့ရေ သို့မဟုတ် အရည်များများသောက်ပါ။ ကဖင်းနဲ့အယ်ကိုဟောတွေက အာခေါင်ခြောက်စေနိုင်ပါတယ်။ရေနွေးလေးကို သံပရာသီးညှစ်သောက်တာဖြစ်ဖြစ်၊ စွပ်ပြုတ်ရည်ဖြစ်ဖြစ်သောက်ပေးရင်လည်း သက်သာနိုင်ပါတယ်။
  • ဆေးဝါးအကူအညီယူပါ –အလွယ်တကူဝယ်လို့ရတဲ့ ငုံဆေး သို့မဟုတ် လည်ချောင်းနာသက်သာစေမယ့် ခံတွင်းသန့်ဆေးရည် စတာတွေကို သုံးနိုင်ပါတယ်။ ခံတွင်းသန့်ဆေးရည်ထဲမှာ Betadine Gargle and Mouth wash က အအေးမိ၊နှာစေး၊လည်ချောင်းနာဝေဒနာတွေကို မဖြစ်ခင်ကာကွယ်ပေးနိုင်သလို အစပျိုးကာစတည်းက လက္ခဏာအမြန်သက်သာအောင် ထိန်းပေးနိုင်ပြီးရောဂါထပ်မတိုးဘဲပျောက်ကင်းစေနိုင်ပါတယ်။ စောစောအသုံးပြုနိုင်ရင် လည်ချောင်းနာဝေဒနာအပြင် နှာချေခြင်း၊နှာစေးနှာပိတ်ခြင်းနဲ့ချောင်းဆိုးခြင်းတို့လို တခြားလက္ခဏာတွေကိုအမြန်ဆုံးသက်သာပျောက်ကင်းစေနိုင်ပါတယ်။ သုံးရလွယ်ကူတဲ့ ဒီဆေးရည်ကို တစ်ကြိမ်သုံးရင် စက္ကန့် ၃၀ ပဲအချိန်ပေးစရာလိုပါတယ်။
  • အစာလည်းဆေးဆေးလည်းအစာ –ပူနွေးတဲ့သောက်စရာတွေ (စွပ်ပြုတ်၊ လက်ဖက်ရည်ကြမ်း၊ပျားရည်ထည့်ထားတဲ့ရေနွေးကြမ်း) စတာတွေနဲ့ လည်ချောင်းနာသက်သာနိုင်ပါတယ်။ အရမ်းပူတာမသောက်ဘဲ ခပ်နွေးနွေးအနေအထားကိုပဲသောက်ပါ။ ရေခဲရေရှောင်ပါ။ အပူအစပ်မစားဘဲ အာဟာရပြည့်အောင်စားပါ။
  • ငုံဆေး ငုံပါ – လူကြီးတွေအတွက် အသုံးတည့်ပေမယ့် ကလေးတွေအတွက်တော့ တစ်ဆို့နိုင်တဲ့အန္တရာယ်ရှိလို့ ဆားရည်ငုံတတ်အောင်ပဲ ချော့မော့ဂရုစိုက်ပေးပါ။ အသက် ၆ နှစ်အထက် ကလေးတွေဆိုရင်တော့ ပိုးသေစေတဲ့ ခံတွင်းသန့်ဆေးရည်က ပိုသင့်တော်ပါတယ်။
  • လည်ချောင်းကိုကလိမယ့်အရာတွေရှောင်ပါ –ဆေးလိပ်ငွေ့၊ မီးခိုးငွေ့၊ခြင်ဆေး စတဲ့ အနံ့တွေအခိုးအငွေ့တွေကြောင့် လည်ချောင်းဝေဒနာပိုဆိုးလာစေနိုင်ပါတယ်။

အောက်ပါလက္ခဏာတွေဖြစ်လာရင်တော့ အမြန်ဆုံး ဆရာဝန်ပြသင့်ပါတယ်။

  • လည်ချောင်းနာက တစ်ပတ်ထက်ပိုကြာနေတာ၊ ဒါမှမဟုတ် သိပ်ပြင်းထန်နေတာဆိုရင်
  • မျိုချရခက်ခဲနေတာ
  • အသက်ရှူရခက်တာ
  • ပါးစပ် ဟဖို့ခက်နေတာ
  • အရိုးအဆစ်နာကျင်ကိုက်ခဲနေတာ
  • နားကိုက်တာ
  • အဖျားက ၁၀၁ ဖာရင်ဟိုက်ထက်များနေတာ
  • လည်ချောင်းနာဝေဒနာ မကြာခဏပြန်ဖြစ်နေတာ
  • တံထွေး သို့မဟုတ် သလိပ်မှာသွေးပါတာ
  • လည်ပင်းမှာ အကျိတ်တွေ့တာ
  • အသံဝင်တာ နှစ်ပတ်ကျော်လာတာ ဆိုရင် ဆရာဝန်ပြဖို့အရေးကြီးပါတယ်။ ဒါမှနောက်ဆက်တွဲပြဿနာတွေမဖြစ်ခင် ကုသပျောက်ကင်းနိုင်မှာပါ။

လည်ချောင်းနာတာက နေရထိုင်ရတာ ခက်ပေမယ့် ဆိုးရွားတဲ့ ရောဂါတစ်ခုတော့ မဟုတ်သေးပါဘူး။ ဒါပေမယ့် ဂရုတစိုက် ပြုစုမှုတွေ မလုပ်ရင် ကြိုတင်ကာကွယ်တာတွေ မလုပ်ရင်တော့ ကြီးမားတဲ့ပြဿနာတွေဆီကို ဦးတည်သွားနိုင်လို့ နောက်ဆက်တွဲပြဿနာတွေ မဖြစ်လာခင်မှာ ကြိုတင်ကာကွယ်ကုသမှုတွေလုပ်သင့်ပါတယ်။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆီးချို နဲ့ အစားအသောက်ဆိုင်ရာ myths များစွာ

ဆီးချို နဲ့ အစားအသောက်ဆိုင်ရာ myths များစွာ ကဘာတွေများလဲ။ သိထားတာတွေက ဘတွေ မှန်လို့ ဘာတွေ မှားနေလဲ။ သိချင်တယ်ဆိုရင် အတူတူဆန်းစစ်ရအောင်လေ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ ဆိုတာဘာလဲ။ ဘယ်လောက်အထိ အကျိုးပြုနိုင်လို့လဲ။ ဘာတွေ စားသောက်ရမလဲဆိုတာကို ဖတ်ကြည့်လို့ ရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာတွေက ဘာဗတွဖြစ်မလဲ။ ဘယ်လောက်ထိ ကျန်းမာစေဖိုပ ထောက်ကူပေးသလဲ ဆိုတာကို ဆေင်းပါးလေးထဲ ဖတ်ကြည့်ပါ။

ရေးသားသူ Aye Thi Mon

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ရေဓာတ်ခန်းခြောက် ခြင်းက လူတိုင်းအတွက် မကောင်းပေမယ့် ဆီးချို နဲ့ ရောဂါအခံရှိသူတွေအတွက် ထိခိုက်မှုက ပိုများပါတယ်။ သေချာလေး ဂရုစိုက်ဖို့လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အရက်

အရက်ကို တစ်စက်မှ သောက်လို့မဖြစ်တဲ့ အခိုက်အတန့်များ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 30, 2021 . 2 mins read
လူကြီးတွေမှာ အစာစားချင်စိတ်ပျောက်

ဘိုးဘိုးဘွားဘွားတွေ အစာစားချင်စိတ်ပျောက်ဆုံး နေခဲ့ရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် မေ 21, 2021 . 2 mins read
လေ့ကျင့်ခန်းလုပ်တဲ့အခါ ထိခိုက်ဒဏ်ရာ နည်းအောင် ဘယ်လို ဂရုစိုက်ကြမလဲ။

လေ့ကျင့်ခန်းလုပ်တဲ့အခါ ထိခိုက်ဒဏ်ရာ နည်းအောင် ဘယ်လို ဂရုစိုက်ကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် မေ 21, 2021 . 2 mins read
ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read