backup og meta

Probiotic က မိန်းမကိုယ်မှိုစွဲတာကို တိုက်ထုတ်ပေးနိုင်သလား

မှ အချက်အလက် စစ်ဆေးထားပါသည်။ Dr. Phyo Wai Lynn


Ye Zon Aung မှ ရေးသားသည်။ · 28/06/2023 တွင် အသစ်ဖြည့်စွက်ခဲ့သည်။

    Probiotic က မိန်းမကိုယ်မှိုစွဲတာကို တိုက်ထုတ်ပေးနိုင်သလား

    Probiotics ဆိုတာ အကျိုးပြု ဘက်တီးရီးယားလေးတွေကို ခေါ်တာပါ။ ခန္ဓာကိုယ်နဲ့ အစာအိမ်ကို အကျိုးပြုပြီးတော့ ကျန်းမာသန်စွမ်းစေတဲ့ ဘက်တီးရီးယားလေးတွေပေါ့။ လေ့လာချက်တွေအရ သူတို့က ကိုယ်အလေးချိန် ကျစေဖို့၊ အစာခြေစနစ် ကောင်းမွန်စေဖို့၊ ဝမ်းမှန်စေဖို့၊ စိတ်ကျန်းမာစေဖို့ အကျိုးပြုတယ်လို့ ဆိုပါတယ်။ ဒါဆို Probiotic က မိန်းမကိုယ်မှိုစွဲတာကို တိုက်ထုတ်ပေးနိုင်သလား ဆိုတာ လေ့လာလိုက်ရအောင်နော်။

    Probiotic က မိန်းမကိုယ်မှိုစွဲတာကို တိုက်ထုတ်ပေးနိုင်သလား

    ခုနောက်ပိုင်း သိပ္ပံနည်းကျလေ့လာချက်တွေအရ Probiotics က အမျိုးသမီးတွေရဲ့ မိန်းမကိုယ် မှိုစွဲတာကိုလည်း တိုက်ထုတ်ပေးနိုင်တယ်လို့ သိထားရပါတယ်။

    မိန်းမကိုယ်မှိုစွဲခြင်း (Vaginal Infection) ဆိုတာဟာ အရွယ်ရောက်ပြီးအမျိုးသမီးတွေမှာ အဖြစ်များတဲ့ရောဂါတစ်မျိုးဖြစ်ပြီးတော့ ဒီရောဂါ ရှိနေပြီ ဆိုရင်အောက်ပါ လက္ခဏာတွေ ပြသတတ်ပါတယ်။

    • မိန်းမကိုယ် တစ်ဝိုက်ရောင်ရမ်းခြင်း
    • မိန်းမကိုယ် ယားယံခြင်း
    • ဆီးသွားစဉ်နဲ့ လိင်ဆက်ဆံစဉ်ပူခြင်း
    • လိင်ဆက်ဆံစဉ် နာကျင်ခြင်း
    • မိန်းမကိုယ်တွင် နာကျင်ခြင်း၊ နီခြင်း၊ အနီကွက်များထွက်ခြင်း
    • မိန်းမကိုယ်မှ ဒိန်ချဉ်ကဲ့သို့ ဖြူညစ်ညစ်ရောင်အဖတ်များ ထွက်ခြင်း စတာတွေပါပဲ။

    STI လိုမျိုး လိင်ကတဆင့် ကူးစက်နိုင်တဲ့ ရောဂါတွေကို ဖိတ်ခေါ်သလို ဖြစ်နိုင်တဲ့အတွက် အလျင်အမြန် ကုစားသင့်တဲ့ ရောဂါတစ်မျိုး ပါ။

    Probiotics နဲ့ မိန်းမကိုယ်

    လက်ရှိ တွေ့ရှိထားတဲ့ လေ့လာချက်တွေ အရဆိုရင် မိန်းမကိုယ်မှာ ဘက်တီးရီးယား မှိုစွဲကပ်တဲ့ ရောဂါ တစ်မျိုးမျိုးကို ခံစားဖူးပြီး ကိုယ်ဝန်ဆောင်နိုင်သေးတဲ့ အသက်အရွယ်မှာလည်း ရှိနေသေးတဲ့ အမျိုးသမီးတွေဟာ Probiotics ဖြည့်တင်းပေးဖို့ လိုအပ်တယ်လို့ ဆိုပါတယ်။ ဒီလို ဖြည့်တင်းပေးရင် ရောဂါကို တိုက်ထုတ်နိုင်မယ် ဆိုပါတော့။

    Probiotics က အကြမ်းဖျဉ်းအားဖြင့် အမျိုးအစား ၃ ခု ရှိပါတယ်။ Lactobacillus ၊ Bifidobacterium နဲ့ Saccharomyces Boulardii ဆိုပြီးတော့ပါ။ Lactobacillus ကတော့ မိန်းမကိုယ် သန့်စင်အောင် ကူညီပေးနိုင်တဲ့ အမျိုးအစား တစ်မျိုး ဖြစ်ပါတယ်။

    The New England Journal of Medicine ရဲ့ ဖော်ထုတ်ချက်အရဆိုရင် Lactobacillus Crispatus (Lactin-V) ဆိုတဲ့ Probiotics ကို တစ်ပတ် ၂ ခါမှီဝဲတဲ့အမျိုးသမီးတွေဟာ လိင်အင်္ဂါ ကူးစက်ရောဂါတွေ ပြန်ဖြစ်နိုင်ခြေ ၁၅% ကနေ ၅၀% အထိ လျော့ကျသွားတယ်လို့ ဆိုပါတယ်။ လေ့လာချက်အရ အဆိုပါ အမျိုးသမီးတွေဟာ ၁၂ ပတ်အတွင်းမှာကို တားဆီးနိုင်တဲ့ လက္ခဏာတွေ သိသိသာသာ ပြသလာခဲ့တာ ဖြစ်ပါတယ်။

    လက်ရှိမှာ အကျိုးသက်ရောက်မှုကို သက်သေပြနိုင်ခဲ့ပြီ ဖြစ်ပေမယ့် ဘာကြောင့် ခုလို အကျိုးဖြစ်ထွန်းတယ် ဆိုတာကိုတော့ တိတိကျကျ မသိရှိရသေးပါဘူး။

    သိနားလည်ထားရ သလောက် ဆိုရင်တော့ Probiotics တွေက မိန်းမကိုယ် ထဲကို တခြားသော အန္တရာယ်ရှိတဲ့ ပိုးမွှားတွေ မဝင်ရောက်အောင်၊ မိန်းမကိုယ် ကျန်းမာသန့်ရှင်းနေအောင် ထိန်းသိမ်းပေးနိုင်တယ်လို့ ဆိုပါတယ်။ မိန်းမကိုယ် သန့်စင်ပြီး အနံ့အသက်တွေကင်းဝေးနေအောင် ဒီ အကျိုးပြု ဘက်တီးရီးယားတွေက အက်ဆစ် ထုတ်လုပ်ပြီး ပြင်ပက ပိုးမွှားတွေ မဝင်လာအောင် တားမြစ်ပေးတာပါ။

    Probiotics ဖြည့်ဆည်းချင်တယ် ဆိုရင်ဖြင့် သောက်သုံးလို့ရတဲ့ ဆေးဝါးမျိုးတွေရှိသလို မိန်းမကိုယ်မှာလိမ်းကျံနိုင်တဲ့ လိမ်းဆေး Gel တွေလည်းရှိပါတယ်။

    တချို့ လေ့လာချက်တွေကတော့ ပါးစပ်ကနေ Probiotics တွေသောက်သုံးမှုက မိန်းမကိုယ်မှာဖြစ်တဲ့ ပြဿနာတွေ ကင်းဝေးစေဖို့ အထောက်အကူမဖြစ်စေဘူးလို့ ဆိုကြတာမျိုးလည်း ရှိတာမို့ လိမ်းဆေးဂျယ်တွေကို အသုံးပြုဖို့ တိုက်တွန်းကြတာမျိုးလည်း ရှိပါရဲ့။

    ဒါတွေကတော့ လေ့လာနေဆဲမို့လို့ လက်ရှိအချိန်မှာတော့ မိန်းမကိုယ် မှိုမစွဲအောင် တစ်ကိုယ်ရည်သန့်ရှင်းရေးကို ဂရုစိုက်ပြီး လိင်ကတဆင့် ကူးစက်တတ်တဲ့ ရောဂါတွေ မဖြစ်အောင် ကာကွယ်တာကသာ အကောင်းဆုံးနည်းလမ်းဖြစ်ပါတယ်။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Phyo Wai Lynn


    Ye Zon Aung မှ ရေးသားသည်။ · 28/06/2023 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement