ကိုယ်ဝန်ဆောင်မေမေ သန်ချလို့ရလား ဆိုတော့ ရပါတယ်။ မကြာသေးခင်က လုပ်ဆောင်ခဲ့တဲ့ လေ့လာမှု တစ်ရပ်အရတော့ ကိုယ်ဝန်ဆောင်ချိန်မှာ သန်ချပေးတာက ဘေဘီလေးကို မွေးဖွားပြီး ပထမဆုံး ၄ ပတ်တာအတွင်း သေဆုံးနိုင်ခြေကို ၁၄ ရာခိုင်နှုန်းအထိ လျှော့ချပေးနိုင်ပါတယ်။ နောက်တစ်ခုကတော့ ကိုယ်ဝန်ဆောင်မေမေ သန်ချတာက ပေါင်မပြည့်တဲ့ ကလေးလေးတွေ မွေးဖွားနိုင်ခြေကို လျှော့ချပေးနိုင်ပါတယ်။
ဘယ်အချိန်မှာ သန်ချသင့်သလဲ။
ကိုယ်ဝန်ပထမ၃လပတ် (၁၂ပတ်) ကျော်တာနဲ့ သန်ချလို့ ရပါပြီ။ အများစုကတော့ albendazole (400 mg) ဒါမှမဟုတ် mebendazole (500 mg)ကို တစ်ကြိမ်သောက်ရင် လုံေလောက်ပါပြီ။ ဒါပေမယ့် မသောက်ခင်မှာ ဆရာဝန်နဲ့ အရင်ဆုံး တိုင်ပင်ဖို့ လိုပါမယ်။
ကိုယ်ဝန်ဆောင်ချိန်မှာ သန်ချဆေး သောက်တာ ဘေးကင်းပါ့မလား
ကိုယ်ဝန်ဆောင်ချိန်မှာ သန်ချဆေး သောက်တာ ဘေးကင်းပါတယ်။ ကိုယ်ဝန်ကို ထိခိုက်စေတာမျိုး မရှိပါဘူး။ မိခင်ကို ထိခိုက်စေတာမျိုး မရှိသလို ကလေးကိုလည်း ထိခိုက်စေတာမျိုး မရှိပါဘူး။
ကိုယ်ဝန်ဆောင်ချိန်မှာ သန်ထတဲ့ လက္ခဏာ တစ်မျိုးမျိုး ရှိမယ်ဆိုရင်တော့ ဆရာဝန်နဲ့ သေချာလေး တိုင်ပင်ပြီး သန်ချဆေး သောက်လို့ ရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။