backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်

ကိုယ်ဝန်ဆောင်မေမေ သင်္ဘောသီး စားလို့ရလား

မှ အချက်အလက် စစ်ဆေးထားပါသည်။ Aye Thi Mon


Aye Thi Mon မှ ရေးသားသည်။ · 16/11/2022 တွင် အသစ်ဖြည့်စွက်ခဲ့သည်။

ကိုယ်ဝန်ဆောင်မေမေ သင်္ဘောသီး စားလို့ရလား

ကိုယ်ဝန်ဆောင်ချိန်မှာ ကျန်းမာတဲ့ စားသောက်မှုကလည်း အရေးပါတဲ့ အစိတ်အပိုင်း တစ်ခုပါ။ ကိုယ်ဝန်ဆောင်နေချိန်မှာ ကိုယ်တိုင်ကျန်းမာစေဖို့ရော ဗိုက်ထဲက ဘေဘီလေး ကျန်းမာစေဖို့ပါ မေမေရဲ့ အစားအသောက်က အတော်လေး အရေးပါပါတယ်။ ဒီတစ်ခေါက်တော့ သင်္ဘောသီး ကြိုက်တဲ့ မေမေတွေအတွက် ကိုယ်ဝန်ဆောင်မေမေ သင်္ဘောသီး စားလို့ရလား ဆိုတာကို ပြောပြပေးချင်ပါတယ်။

ကိုယ်ဝန်ဆောင်မေမေ သင်္ဘောသီး စားလို့ရလား!

ကိုယ်ဝန်ဆောင်မေမေ သင်္ဘောသီး စားလို့ရလား ဆိုတော့ ရပါတယ်။ ဒါပေမယ့် သင်္ဘောသီးစိမ်းကို မဟုတ်ပါဘူး။ သင်္ဘောသီး မှည့်မှည့်ချိုချိုလေးကို စားလို့ ရပါတယ်။
ဒါကြောင့် ကိုယ်ဝန်ဆောင်ချိန်မှာ သင်္ဘောသီး ကြိုက်တတ်တယ်ဆိုရင် သင်္ဘောသီး မှည့်မှည့်လေးကို စားပေးလို့ ရပါတယ်။ သင်္ဘောသီးက ကျန်းမာရေးနဲ့ ညီညွတ်တာကြောင့် ကိုယ်ဝန်ဆောင်မေမေကိုရော ဘေဘီလေးကိုပါ ကျန်းမာစေနိုင်ပါတယ်။
တစ်ခု သတိထားရမှာက သင်္ဘောသီး မမှည့်တာကိုတော့ မစားဖို့ လိုပါမယ်။ အကြောင်းကတော့ သင်္ဘောသီးစိမ်းမှာ သားအိမ်ကြွက်သားတွေကို ကျုံ့ဆန့်မှု ဖြစ်စေနိုင်တဲ့ အရာတစ်ခု ဖြစ်တဲ့ latex ပါဝင်နေတာကြောင့်ပါ။ ဓလေ့ယုံကြည်မှုတွေအရကတော့ ကိုယ်ဝန်ဆောင်ချိန်မှာ သင်္ဘောသီးစိမ်း စားတာက ကိုယ်ဝန်ပျက်ကျတာ၊ လမစေ့ဘဲ မီးဖွားတာမျိုးတွေကို ခံစားရနိုင်ပါတယ်။ အထူးသဖြင့် လနုချိန်မှာ၊ ခဏခဏ ကိုယ်ဝန်ပျက်တတ်တဲ့ သူတွေမှာ  ပိုပြီးသတိထားသင့်ပါတယ်။
ဒါကြောင့် ကိုယ်ဝန်ဆောင်နေချိန်မှာ သင်္ဘောသီးစိမ်းကို မစားပါနဲ့။ သင်္ဘောသီး မှည့်ကိုပဲ စားပေးပါ။ သင်္ဘောသီး စားတဲ့အခါ အခွံတွေနဲ့ အစေ့တွေကို သေချာလေး ဖယ်ပေးပါ။ အလွန်အကျွံ စားတာမျိုးလည်း မလုပ်ပါနဲ့။

ကိုယ်ဝန်ဆောင်မေမေ သင်္ဘောသီး စားတဲ့အခါ

သင်္ဘောသီးမှာ ဗီတာမင် A၊ ဗီတာမင် C၊ ဗီတာမင် B၊ ပိုတက်ဆီယမ်၊ အမျှင်ဓာတ်၊ ရေဓာတ်တို့ ပါဝင်နေတာကြောင့် ကိုယ်ဝန်ဆောင်မေမေ သင်္ဘောသီး စားတဲ့အခါ အခုလို ကျန်းမာရေး အကျိုးကျေးဇူးလေးတွေ ရရှိစေနိုင်ပါတယ်။

  • အစာခြေစနစ် ကျန်းမာစေတယ်
  • ကိုယ်ဝန်ဆောင်ချိန်မှာ ဝမ်းချုပ်တာက အဖြစ်များတဲ့ ကျန်းမာရေး ပြဿနာပါ။ ဒီပြဿနာကို သက်သာစေဖို့အတွက် သင်္ဘောသီးမှည့် စားပေးလို့ ရပါတယ်။ အကြောင်းကတော့ သင်္ဘောသီးမှည့်မှာ အမျှင်ဓာတ်၊ ဘီတာကယ်လ်ရိုတင်း၊ ပိုတက်ဆီယမ်တို့ ပါဝင်နေတာက အစာခြေစနစ် ကျန်းမာစေဖို့ ထောက်ကူပေးပါတယ်။

    • ကိုယ်ခံအား ကောင်းစေတယ်

    သင်္ဘောသီး မှည့်မှာ ဘီတာကယ်လ်ရိုတင်း၊ ဗီတာမင် A၊ ဗီတာမင် B၊ ဗီတာမင် C တို့ ပါဝင်နေတာကြောင့် ကိုယ်ခံအား ကောင်းစေပြီး ရောဂါပိုးတွေ ကူးစက်မှုကနေ ကာကွယ်ပေးနိုင်ပါတယ်။

    • ​သွေးနီဥဆဲလ် အရေအတွက် တိုးပွားစေတယ်

    ကိုယ်ဝန်ဆောင်ချိန်မှာ သွေးအားနည်းရောဂါကြောင့် မေမေရော ဘေဘီလေးကိုပါ ထိခိုက်မှု မဖြစ်စေဖို့ဆိုရင် သွေးနီဥဆဲလ်တွေ ဖြစ်ပါ်အောင် ထောက်ကူပေးနိုင်တဲ့ သင်္ဘောသီးမှည့်လေးတွေကို စားပေးလို့ ရပါတယ်။

    • ရေဓာတ် ပြည့်ဝစေတယ်
    • သင်္ဘောသီးမှည့်မှာ ရေဓာတ် ၈၈% ကျော် ပါဝင်နေတာကြောင့် ရေဓာတ် ပြည့်ဝစေဖို့ဆိုရင် သင်္ဘောသီးမှည့် စားပေးလို့ ရပါတယ်။

      • အင်အားပြည့်ဝစေတယ်
      • ကိုယ်ဝန်ဆောင်ချိန်မှာ မေမေတွေ ခြေကုန်လက်ပမ်းကျတာကို သက်သာစေဖို့ဆိုရင် သင်္ဘောသီးမှည့် စားပေးလို့ ရပါတယ်။ ခန္ဓာကိုယ်ကို အင်အားပြည့်ဝစေပြီး ကိုယ်ဝန်ဆောင်ချိန်မှာ ပင်ပန်းနွမ်းနယ်တာကို သက်သာစေနိုင်ပါတယ်။

        • ကိုယ်ဝန်ဆောင် သွေးတိုး သက်သာစေတယ်
        သင်္ဘောသီးမှာ ပိုတက်ဆီယမ် ပါဝင်နေတာကြောင့် ကိုယ်ဝန်ဆောင်ချိန် သွေးတိုးတာကို ထိန်းညှိပေးနိုင်ပါတယ်။ ကိုယ်ဝန်ဆောင်သွေးတိုး ရှိသူတွေအနေနဲ့ သင်္ဘောသီးကို စားပေးလို့ ရပါတယ်။
        ကိုယ်ဝန်ဆောင်မေမေ အနေနဲ့ သင်္ဘောသီးကို မစားခင်မှာ ပြနေကျ အိုဂျီနဲ့ သေချာလေး တိုင်ပင်ဖို့လည်း အကြံပြုပါရစေ။

        မသက်ဆိုင်ကြောင်း ရှင်းလင်းချက်

        Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။



        မှ အချက်အလက် စစ်ဆေးထားပါသည်။

        Aye Thi Mon


        Aye Thi Mon မှ ရေးသားသည်။ · 16/11/2022 တွင် အသစ်ဖြည့်စွက်ခဲ့သည်။

        ad iconadvertisement

        ဤဆောင်းပါးက အကူအညီဖြစ်ပါသလား။

        ad iconadvertisement
        ad iconadvertisement