patty-cake လို့ခေါ်တဲ့ လက်ဝါးလေးချင်း စည်းချက်ညီညီရိုက်ပြီး ကစားရတဲ့ကစားနည်းမျိုး၊ မျက်နှာကို လက်နဲ့အုပ်ပြီး ကစားရတဲ့ တူတူရေဝါးကစားတာမျိုး၊ ကလေးတွေကို ရေချိုးပေးရင်းဖြစ်ဖြစ် အဝတ်လဲပေးရင်းဖြစ်ဖြစ် ခြေချောင်းလက်ချောင်းလေးတွေကို သန်စွမ်းစေအောင် နှိပ်ပေးသလိုမျိုး သီချင်းဆိုရင်း ကစားပေးရတဲ့ little piggy လိုမျိုး လက်ချောင်းလေးတွေကို အသုံးပြုရတဲ့ကစားနည်းလေးတွေကို ကစားပေးပါ။ ကလေးငယ်လေးတွေက ဒီလိုမျိုး စည်းချက်မှန်မှန်ကစားရတဲ့ ကစားနည်းတွေကို သင်ယူရာမှာ တုံ့ပြန်မှုကောင်းမွန်ပါတယ်။ ဒါက သူတို့ဦးနှောက်ရဲ့ တုံ့ပြန်မှုအပေါ်လည်း သွားပြီးသက်ရောက်မှုရှိမှာဖြစ်ပါတယ်။
ကလေးကို အာရုံစိုက်မှုပေးပါ။
ကလေးက တစ်ခုခုကိုညွှန်ပြနေတဲ့အခါမျိုးမှာသေချာဂရုစိုက်ကြည့်ပေးပါ။ သူတို့လေးတွေပြသနေတဲ့ ပစ္စည်းတွေ (သို့မဟုတ်) အဖြစ်အပျက်တွေနဲ့ပတ်သက်လို့ တစ်ခုခုပြောပေးပါ။ ဒီလိုမျိုး လုပ်ပေးခြင်းဖြင့် သင့်ကလေးကို သင့်အနေနဲ့ သူစိတ်ဝင်စားတဲ့အကြောင်းအရာကို အလေးထားတယ်ဆိုတာနဲ့ သူ့အပေါ်ဘယ်လောက်ထိအလေးထားကြောင်းကိုပြသပေးရာရောက်ပါတယ်။ ဒီလိုပြုလုပ်ပေးခြင်းအားဖြင့် သူတို့လေးတွေရဲ့ စိတ်ခံစားချက်ကိုမြှင့်တင်ပေးနိုင်ပြီး ဦးနှောက်ဖွံ့ဖြိုးမှုအားကောင်းအောင် အထောက်အကူဖြစ်စေပါတယ်။
စာအုပ်တွေအပေါ်စိတ်ဝင်စားလာအောင် ငယ်ငယ်ကတည်းက ပျိုးထောင်ပေးပါ။
အရောင်အသွေးစုံပြီး ရုပ်ပုံကြီးကြီးမားမားတွေပါဝင်တဲ့ စာအုပ်တွေကိုရွေးပြီး ကလေးနဲ့အတူတူဖတ်ပါ။ လက်ညှိုးတွေနဲ့ထောက်ပြရင်း ကလေးနဲ့ အကြိုက်ချင်းဖလှယ်ပါ။ ရုပ်ပုံတွေကြည့်ရင်း ပုံထဲမှာပါတဲ့ အကောင်လေးတွေအတိုင်း အသံတူလုပ်ပြီးအော်တာမျိုးလုပ်ပေးပါ။ ကလေးကို စာအုပ်တွေအကြောင်းပြန်ပြောပြခိုင်းပါ။ ဒီလိုလုပ်ပေးတာက ကလေးကို စကားလုံးတွေကို နားလည်သွားစေနိုင်ပါတယ်။
ကလေးငိုတဲ့အခါ ချက်ချင်း အာရုံစိုက်ပေးပါ။
ကလေးကို နှစ်သိမ့်တာ၊ချော့မြူတာနဲ့အားပေးတာတွေက ဦးနှောက်ထဲမှာရှိတဲ့ စိတ်ခံစားမှုနဲ့ ပတ်သက်နေတဲ့ ဧရိယာထဲမှာ အပြုသဘောဆောင်တဲ့ဖြစ်စဉ်တွေကိုဖြစ်ပေါ်စေတာကြောင့် ကလေးရဲ့ဦးနှောက်ဖွံ့ဖြိုးမှုကို အထောက်အပံ့ဖြစ်စေနိုင်ပါတယ်။
ယုံကြည်မှုတည်ဆောက်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။