ကာကွယ်ဆေးထိုးပြီးပြီးချင်း ကလေး ကိုယ်ပူတတ်တာ ပုံမှန်ဖြစ်ပြီး ၂ ရက် ၃ ရက်လောက်ဆိုပြန်ပျောက်သွားမှာပါ။ ဖျားနေတဲ့ အချိန်တွင်းမှာတော့ အဖျားကျအောင် ဆရာဝန်နဲ့တိုင်ပင်ပြီး ကလေးကို ဆေးတွေ တိုက်ပေးလို့ရပါတယ်။ ကာကွယ်ဆေးထိုးပြီးတိုင်းဖျားတယ်ဆိုတော့ မဖျားရင် ကာကွယ်ဆေးအာနိသင်မရှိလို့လား ဆိုပြီး မေးစရာရှိပါတယ်။ မဟုတ်ပါဘူး။ ဆေးထိုးပြီးပြီဆိုတာနဲ့ ဆေးအာနိသင်က ကလေးကိုယ်တွင်းမှာ ရှိပါတယ်။
ပါရာစီတမော အစက်ချဆေးရည်လေး ပြောင်းတိုက်လိုက်ပါ။
တကယ်လို့ ဆေးထိုးထားတဲ့ နေရာက အရမ်းရောင်နေပြီး ကလေးက လုံးဝကို အထိမခံ တစ်ချိန်လုံးလည်း ငိုနေတယ်ဆိုရင်တော့ ကလေးတွေအတွက် ထုတ်ထားတဲ့ အကိုက်အခဲပျောက်ဆေးနဲ့ အရောင်ကျဆေးတွေကို ဆရာဝန်နဲ့တိုင်ပင်ပြီး တိုက်ပေးလို့ရပါတယ်။ အရေးအကြီးဆုံး အချက်က ကိုယ့်သဘောနဲ့ကိုယ် ဝယ်မတိုက်ဘဲ ဆရာဝန်ညွှန်ကြားတဲ့အတိုင်းသာ တိုက်ဖို့ပါ။
ကလေးကို ပိုပြီးကြင်နာပါ။
ကလေးတိုင်းက တော့ မိဘတွေရဲ့ ကြင်နာယုယမှု ဂရုစိုက်ခံရမှုကို လိုချင်တဲ့သူချည်းပါပဲ ။ ဒီလို ကာကွယ်ဆေးထိုး ပြီးလို့ နာကျင်နေတဲ့ အချိန်ဆိုပိုဆိုးတာပေါ့။ ဒါကြောင့် အရင်ကထက် ကလေးကို ပိုအချိန်ပေးပါ။ နွေးနွေးထွေးထွေးဆက်ဆံပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။