မွေးရာပါ ပြာနှမ်းခြင်း နှလုံးရောဂါ Tetralogy of Fallot ဆိုတာ ဖြစ်တဲ့သူ သိပ်မရှားလှတဲ့ရောဂါတစ်ခုပါ။ မွေးကင်းစကလေးအရွယ်တည်းက ဒီရောဂါရှိမရှိသိနိုင်ပြီး နာမည်အတိုင်း ဖြစ်တဲ့သူက အသက်ရှူရကြပ်တာ၊ နှုတ်ခမ်းတွေ၊ အသားအရေတွေနဲ့ လက်သည်းတွေပြာနှမ်းတဲ့ဝေဒနာကိုခံစားရလေ့ရှိပါတယ်။ ဒီတော့ ကိုယ့်ကလေးမှာ ဒီလို မွေးရာပါပြဿနာရှိနေခဲ့မယ်ဆိုရင်တော့ ခုပြောပြမယ့်မေးခွန်းတွေ မေမေတို့ခေါင်းထဲမှာ တန်းစီနေလိမ့်လို့ထင်ပါတယ် ။
မွေးရာပါ ပြာနှမ်းတဲ့နှလုံးရောဂါကိုပြသဖို့ဆို ကလေးဆရာဝန် ( ဒါမှမဟုတ် )နှလုံးအထူးကု ဆရာဝန်ကို အဓိက ရွေးချယ်ရမှာ ဖြစ်ပါတယ်။
အများစုကတော့ မျိုးရိုးမလိုက်တတ်ဘူးဆိုပေမယ့် ကံမကောင်းစွာနဲ့ ၁၅ ရာခိုင်နှုန်းကတော့ tetralogy of Fallot ရှိနေတဲ့ မိဘတွေဆီက မျိုးရိုးဗီဇက ကလေးတွေဆီ ရောက်သွားနိုင်ပါတယ်။
နှလုံးဖြစ်နေတဲ့ ချို့ယွင်းချက် ပြဿနာ ၄ ခုစပ်ထားတာကြောင့် သေချာ ခွဲစိတ်ကုသမှု မခံယူရင် နောက်ပိုင်း ေအာက်ဆီဂျင် ကောင်းကောင်းမရတော့ဘဲ အသက်အန္တရယ်ထိခိုက်စေပါတယ်။
ခွဲစိတ်ကုသပြီးတာနဲ့ tetralogy of Fallot နှလုံးရောဂါ ခံစားနေရတဲ့ ကလေးအများစုက သာမာန်အတိုင် ပြန်ဖြစ်သွားမှာပါ။ ဒါပေမယ့်ခွဲစိတ်ပြီးနောက်ပိုင်း ရက်ချိန်းမှန်မှန်ဆေးပြန်ပြဖို့၊ နောက်ဆက်တွဲ ဆိုးကျိုးဖြစ်တဲ့ နှလုံပိုးဝင်ရောင်ရမ်းတာ မဖြစ်ဖို့အတွက်ေ ဆးမှန်မှန်သောက်ဖို့တွေအပြင် သွားနဲ့ခံတွင်းသန့်ရှင်းရေးမှန်မှန်လုပ်ပေးဖို့လိုအပ်ပါတယ်။
နှလုံးဖွင့်ပြီးခွဲစိတ်တဲ့ ခွဲစိတ်မှုတွေမှာတော့ ရင်ဘတ်အလယ်နားလောက်မှာ အမာရွတ်တွေကျန်နေတတ်ပါတယ်။ နောက်ပြီး chest tube ရင်ဘတ်ပိုက်ဖောက်ထားတဲ့ အရှိန်နဲ့ အမာရွတ်အသေးလေးတွေ ကျန်နေတတ်ပါတယ်။ ဒီ အမာရွတ်တွေက ကလေးအများစုမှာ ပျောက်သွားတတ်တယ်ဆိုပေမယ့် အကုန်အရှင်းပျောက်သွားတာမျိုးတော့ မဟုတ်ပါဘူး။
ကိုယ့်ဆီမှာ tetralogy of Fallot နှလုံးရောဂါရှိတယ် ။ အိမ်ထောင်ကျသွားတော့ ကလေးယူချင်တယ်ဆိုရင် ကလေးယူမယ်လို့မဆုံးဖြတ်ခင်တည်းက ဆရာဝန်တွေနဲ့သေချာဆွေးနွေးသင့်ပါတယ်။ လိုအပ်တဲ့ နှလုံးစစ်ဆေးမှုတွေဖြစ်တဲ့ echocardiogram တို့ MRI တို့ရိုက်ပြီး စစ်ဆေးရဦးမှာမို့လို့ပါ။
Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။