အောက်ဆီဂျင်အသုံးပြုရသော ကိုယ်ကာယလေ့ကျင့်ခန်းများသည် သင့်ခန္ဓါကိုယ်ကို မည်သို့ အကျိုးပြုပါသနည်း။

အောက်ဆီဂျင်ကိုအသုံးပြုရသော ကာယလေ့ကျင့်ခန်းများသည် သင့်ခန္ဓါကိုယ်ကို အင်ဆူလင်ဟော်မုန်းကို ပို၍အသုံးပြုစေရန် အထောက်အကူပြုသည်။ ၎င်းသည် သင်၏နှလုံး နှင့် အရိုးများကို သန်မာစေပြီး စိတ်ဖိစီးမှုကိုသက်သာစေသည်၊ သွေးလည်ပတ်မှုကို ကောင်းစေပြီး နှလုံးရောဂါဖြစ်ပွားနိုင်ချေကို လျော့နည်းစေသည်၊ သွေးထဲရှိ သကြားဓါတ်ကို လျော့နည်းစေပြီးသွေးပေါင်ကို ကျစေသေည်၊ ကိုလက်စထရောကို တက်စေသည်။

ညွှန်ကြားချက်-

ကိုယ်ကာယလေ့ကျင့်ခန်းများကို အသင့်အတင့်မှ ပြင်းပြင်းထန်ထန်လုပ်ခြင်းကို မိနစ် ၃၀ ခန့် တစ်ပတ်တွင် အနည်းဆုံး ၅ ရက် သို့မဟုတ် ၁၅၀ မိနစ် လုပ်ရန် အကြံပြုထားသည်။ တစ်ပတ်တွင် အနည်းဆုံး ၃ရက် ဆက်တိုက်လုပ်ပေးပြီး လေ့ကျင့်ခန်းမလုပ်ပဲ ၂ ရက်ထက်ပို၍ မနေသင့်ပါ။

မှတ်ချက်- အသင့်အတင့်လေ့ကျင့်ခန်းလုပ်နေစဉ် သင်သည် လေ့ကျင့်ခန်းလုပ်နေစဉ်အတွင်း သီချင်မဆိုနိုင်သော်လည်း စကားပြောနိုင်သည်။ အပြင်းအထန်လေ့ကျင့်ခန်းလုပ်နေစဉ်တွင်မူ သင်သည် အသက်ရှူခြင်းကိုမရပ်တန့်ပဲ စကားအနည်းကိုပင် မပြောနိုင်ပါ။

စတင်လုပ်ဆောင်ခြင်း

သင်သည် ယခုမှလေ့ကျင့်ခန်းစတင်လုပ်မည် ဆိုပါက တစ်နေ့လျှင်၅ မိနစ် သို့မဟုတ် ၁၀ မိနစ်ခန့် ပြုလုပ်ခြင်းဖြင့် စတင်နိုင်သည်။ ထို့နောက်တွင် လေ့ကျင့်ခန်းလုပ်ချိန်ကို တဖြည်းဖြည်းနှင့် မိနစ်အနည်းငယ်စီ အပတ်စဉ်တိုးသွားနိုင်ပါသည်။ သင်၏ ခန္ဓါကိုယ် တဖြည်းဖြည်းနှင့် ကြံ့ခိုင်ကျန်းမာလာသည်ကို သတိထားမိလာနိုင်ပြီး သင့်ဘဝတွင်မလုပ်နိုင်သည့် အရာမရှိဆိုသည်ကို သင်သိလာပါလိမ့်မည်။

လေ့ကျင့်ခန်းလုပ်ရန် အချိန်ရှာဖွေခြင်း

သင်၏ အလုပ်ရှုပ်ခြင်းသည် သင့်ကို နေ့စဉ် မိနစ် ၃၀ ခန့် ပုံမှန် လေ့ကျင့်ခန်းလုပ်နိုင်မည် ဖြစ်နိုင်မည်မဟုတ်ပေ။ သို့သော် ကြားထဲတွင် ၁၀ မိနစ်ခန့် အချိန်ယူပြီး အကြိမ်ခွဲ၍ လေ့ကျင့်ခန်းလုပ်နိုင်ပါသည်။ အကြိမ်ရေခွဲလုပ်ခြင်းသည်လည်း ကျန်းမာရေးအတွက် အကျိုးကျေးဇူးတူတူပင် ရရှိကြောင်း သုတေသနများက ဖော်ပြထားပါသည်။

ဥပမာအားဖြင့် ထမင်းစားပြီးချိန်တွင် ၁၀ မိနစ်ခန့်အချိန်ယူပြီးလမ်းလျောက်နိုင်သည်။ မနက် အလုပ်မသွားမီ ၁၅ မိနစ်ခန့် အချိန်ယူပြီး လေ့ကျင့်ခန်းလုပ်ခြင်း၊ အလုပ်မှ အပြန်တွင် ၁၅ မိနစ်ခန့် အချိန်ယူခြင်းတို့ကို လုပ်ဆောင်နိုင်ပါသည်။

သင်သည် ကိုယ်အလေးချိန်ကျစေရန် လုပ်ဆောင်နေပါက တစ်နေ့လျှင် မိနစ် ၆၀ ခန့် ပုံမှန်လေ့ကျင့်ခန်း လုပ်ပေးရန် လိုအပ်ပါသည်။

အောက်ပါတို့သည် ကာယလေ့ကျင့်ခန်း ဥပမာများဖြစ်ပါသည်။

• လမ်းလျောက်ခြင်း (စက်နှင့်သို့မဟုတ် အပြင်တွင် လျောက်ခြင်း)
• စက်ဘီးစီးခြင်း၊ စက်ဖြင့် စက်ဘီးနင်းခြင်း၊
• ကခြင်း
• ရေကုူးခြင်း၊ ရေထဲတွင် လေ့ကျင့်ခန်းလုပ်ခြင်း
• တင်းနစ်ရိုက်ခြင်း၊
• လှေကားတက်ခြင်း
• အနှေးပြေးခြင်း၊ အမြန်ပြေးခြင်း
• တောင်တက်ခြင်း၊ လှေလှော်ခြင်း၊
• ရေခဲစကိတ်စီးခြင်း၊ နှင်းလျောစီးခြင်း၊
• ဥယျာဉ်စိုက်ပျိုးခြင်း။

သန်မာအောင်လေ့ကျင့်ပေးခြင်း

Strength training ( resistance training ဟုလည်း ခေါ်သည်) သည် ခန္ဓါကိုယ်ထဲရှိ အင်ဆူလင်ဟော်မုန်းကို ပိုထွက်စေပြီး သွေးထဲရှိ သကြားဓါတ်ကို ကျစေသည်။ ၎င်းသည် ကြွက်သားများနှင့် အရိုးများကိုသန်မာစေပြီး အရိုးပွခြင်းနှင့် အရိုးကျိုးခြင်းများကို ကာကွယ်ပေးသည်။

သင့်တွင် ကြွက်သားများလေလေ ကယ်လိုရီများများပို၍လောင်ကျွမ်းလေလေ ဖြစ်သည်။ သင်အနားယူနေချိန်တွင်ပင် ထိုသို့ ဖြစ်နိုင်သည်။

ကြွက်သားများ အားနည်းလာခြင်းကိုကာကွယ်ရန် ထိုသို့သော လေ့ကျင့်ခန်းများကို လိုအပ်ပြီး အသက်ကြီးလာသည်နှင့် အမျှ သင့်ဘဝနေထိုင်မှုကို အထောက်အကူပြုပါသည်။

တစ်ပတ်လျှင် ၂ ကြိမ်ခန့် ထိုသို့ သန်မာလာအောင် လေ့ကျင့်ခြင်းကိုပြုလုပ်ရန် အကြံပြုထားပါသည်။

အောက်ပါတို့သည် သန်မာလာစေရန် ပြုလုပ်သော လေ့ကျင့်ခန်းများဖြစ်သည်။

· အားကစားလေ့ကျင့်ရုံတွင် အလေးပြားများကို အသုံးပြုခြင်း

· ဘားတန်းများ၊ ကွင်းများကို အသုံးပြုခြင်း

· အိမ်တွင် အလေးချိန်ရှိသော ရေဘူး စသည်တို့ကိုအသုံးပြု၍ အလေးမသကဲ့သို့ ပြုလုပ်ခြင်း

· အိပ်ထမတင်ပြုလုပ်ခြင်း၊ ဒိုက်ထိုးခြင်း၊ ထိုင်ထလုပ်ခြင်း တို့ကဲ့သို့သော လေ့ကျင့်ခန်းများပြုလုပ်ခြင်း

· ဥယျာဉ်ခြံလုပ်ခြင်း ကဲ့သို့သော ကြွက်သားများကို သန်မာစေသော အခြားသောလှုပ်ရှားမှုများ

၎င်းတို့အပြင် အခြားသော လေ့ကျင့်ခန်းများလည်း ရှိပါသေးသည်။

အများအားဖြင့် ကာယလေ့ကျင့်ခန်းလုပ်ခြင်းသည် သင့်ကို ပို၍ကျန်းမာစေသော နည်းလမ်းများထဲမှ ထိရောက်သော နည်းလမ်းတစ်ခုဖြစ်ပါသည်။ သင့်အတွက် တကယ့်ကို အကျိုးရှိစေသော ညွှန်ကြားချက်များလည်း ဖြစ်ပါသည်။

Hello Health Group သည် ကျန်းမာရေးအကြံပြုချက်များ၊ ရောဂါအမည်တပ်ခြင်းများ နှင့် ကုသခြင်းများကို မပြုလုပ်ပါ။