backup og meta

နို့တိုက်မေမေ ကြက်ပေါင်းရည် (Chicken essence) သောက်ပေးရင် ဘယ်လို ကောင်းကျိုးတွေ ရနိုင်မလဲ!

မှ အချက်အလက် စစ်ဆေးထားပါသည်။ Aye Thi Mon


Aye Thi Mon မှ ရေးသားသည်။ · 26/05/2023 တွင် အသစ်ဖြည့်စွက်ခဲ့သည်။

နို့တိုက်မေမေ ကြက်ပေါင်းရည် (Chicken essence) သောက်ပေးရင် ဘယ်လို ကောင်းကျိုးတွေ ရနိုင်မလဲ!

အသစ်စက်စက် မေမေတိုင်း စိုးရိမ်တတ်တဲ့ အကြောင်းအရင်းလေး တစ်ခု ရှိပါတယ်။ ဒါကတော့ ဘေဘီလေးကို မိခင်နို့ လုံလောက်အောင် တိုက်ဖို့အတွက် လုံလောက်တဲ့ မိခင်နို့ ရမလားဆိုတာပေါ့။ ဒီစိုးရိမ်မှုတွေကို ပြေလျော့စေဖို့ နည်းလမ်းကောင်းလေးကို ဒီတစ်ခေါက် ပြောပြပေးသွားဖို့ ရှိပါတယ်။ ဘာအကြောင်းလေးလဲဆိုတော့ နို့တိုက်မေမေ ကြက်ပေါင်းရည် (Chicken essence) သောက်ပေးရင် ဘယ်လို ကောင်းကျိုးတွေ ရနိုင်မလဲ ဆိုတာပါ။

ဒီအကြောင်းကိုမပြောခင် အရင်ဆုံး  မိခင်နို့တိုက်ကျွေးပေးခြင်းက ဘေဘီလေးမှာ ဘယ်လိုမျိုး အကျိုးကျေးဇူးတွေ ရနိုင်လဲဆိုတာကို ပြောပြပေးချင်ပါတယ်။

မိခင်နို့က ဘေဘီလေးအတွက် သက်စောင့်အာဟာရပါ

မိခင်နို့ ဆိုတာက ကလေးတွေအတွက် အပြည့်စုံဆုံးသော အာဟာရဓာတ် တစ်ခုပါ။ အကြောင်းကတော့ မိခင်နို့မှာ အာဟာရဓာတ်တွေက အချိုးအစားမှန်ကန်စွာ ပါဝင်နေတာကြောင့်ပါ။ မိခင်နို့က ဘေဘီလေးတွေရဲ့ ဖွံ့ဖြိုးဆဲ အစာအိမ်၊ အူလမ်းကြောင်းနဲ့ အခြား ခန္ဓာကိုယ်စနစ်တွေအတွက် အသိမ်မွေ့ဆုံးသော အာဟာရပါ။ ဒါကြောင့်ပဲ ကလေးကို မွေးစကနေ အနည်းဆုံး ၆ လအထိ မိခင်နို့ တစ်မျိုးတည်း တိုက်ဖို့နဲ့ ဖြစ်နိုင်ရင် အသက် ၂ နှစ်အထိ မိခင်နို့ ဆက်တိုက်ပေးဖို့ ပြောရတာပေါ့။

ဘေဘီလေးကို မိခင်နို့ တိုက်ကျွေးပေးတဲ့အခါ ကလေးကို လုံလောက်တဲ့ အာဟာရ ရရှိစေသလို ကောင်းမွန်စွာ ဖွံ့ဖြိုးစေဖို့လည်း ထောက်ကူပေးပါတယ်။ နောက်တစ်ချက်က မိခင်နို့ကို အခြားသော ဖြည့်စွက်အာဟာရတွေထက် ကလေးရဲ့ ခန္ဓာကိုယ်က ကောင်းကောင်း စုပ်ယူနိုင်တာပါ။ မိခင်နို့မှာ ကလေးရဲ့ ဦးနှောက်နဲ့ အာရုံကြောစနစ်ကို ဖွံ့ဖြိုးစေနိုင်တဲ့ အာဟာရတွေ ပါဝင်နေသလို အမြင်အာရုံကို ကောင်းစွာ ဖွံ့ဖြိုးစေနိုင်တဲ့ အဆီဓာတ်တွေလည်း ပါဝင်နေပါတယ်။ ဘေဘီလေးကို ကောင်းကောင်း ဖွံ့ဖြိုးစေဖို့ ထောက်ကူပေးနိုင်မှာပါ။

နောက်တစ်ခု ရှိတာက မိခင်နို့က ဘေဘီလေးတွေကို ကူးစက်ရောဂါတွေ အန္တရာယ်ကနေ ကာကွယ်ပေးနိုင်သေးတယ်ဆိုတာပါ။ မိခင်နို့ တိုက်ကျွေးတာက ကလေးကို အစာခြေစနစ် ပိုးဝင်တာ၊ အဆုတ်နဲ့ နားကို ပိုးဝင်ကူးစက်တာမျိုးတွေ မဖြစ်အောင် ကာကွယ်ပေးနိုင်သလို ပြင်းထန်တဲ့ ကူးစက်ရောဂါတွေ ကူးစက်မှုကိုလည်း လျှော့ချပေးနိုင်ပါတယ်။

ဒါတွေအပြင် ကလေးကို ပြင်းထန်တဲ့ ကျန်းမာရေး အခြေအနေတွေကြောင့် ထိခိုက်မှုလည်း ကင်းစေနိုင်ပါတယ်။ မွေးကင်းစကလေး ရုတ်တရက်သေဆုံးနိုင်ခြေကို လျှော့ချပေးနိုင်ပြီး ကလေးက ဝမ်းပျက်တာမျိုး ဖြစ်နိုင်ခြေကိုလည်း သိသိသာသာ လျှော့ချပေးနိုင်ပါတယ်။ ဘက်တီးရီးယားတွေကြောင့် ထိခိုက်မှုကိုလည်း လျှော့ချပေးနိုင်မှာပါ။ နောက်ပြီး ကလေးမှာ သွေးကင်ဆာလိုမျိုး ကျန်းမာရေးပြဿနာတွေကိုလည်း ကင်းဝေးစေမှာပါ။ အရွယ်ရောက်လာချိန်မှာ ဆီးချိုဖြစ်တာနဲ့ အဝလွန်တာလိုမျိုး နာတာရှည်ကျန်းမာရေး အခြေအနေတွေကိုလည်း ကာကွယ်ပေးနိုင်မှာပါ။

မေမေတို့အတွက်ဆိုရင်လည်း ဘေဘီလေးကို မိခင်နို့ တိုက်ကျွေးတာက ကျန်းမာတဲ့ ကိုယ်အလေးချိန်ကို ထိန်းပေးနိုင်သလို ရင်သားကင်ဆာ၊ သားဥအိမ်ကင်ဆာနဲ့ ဆီးချိုရောဂါတွေ ဖြစ်နိုင်ခြေကို လျှော့ချပေးနိုင်မှာပါ။

မိခင်နို့ရဲ့ ကောင်းကျိုးတွေကို သိပြီးပြီဆိုတော့ နို့တိုက်မေမေ ကြက်ပေါင်းရည် (Chicken essence) သောက်ပေးရင် ဘယ်လိုကောင်းကျိုးလေးတွေ ရနိုင်မလဲ ဆိုတာကို ဆက်ပြောပြပေးမယ်နော်။

နို့တိုက်မေမေ ကြက်ပေါင်းရည် (Chicken essence) သောက်ပေးရင် ဘယ်လို ကောင်းကျိုးတွေ ရနိုင်မလဲ!

နို့တိုက်နေချိန်မှာ မေမေ့အနေနဲ့ ကြက်ပေါင်းရည် (Chicken essence) ကို သောက်ပေးမယ်ဆိုရင်တော့

  • နို့ဦးရည် အာဟာရ ပြည့်စေမှာပါ
  • မေမေ့အနေနဲ့ ကိုယ်ဝန်ဆောင်ချိန်ကတည်းကစပြီး ကြက်ပေါင်းရည်ကို သောက်ပေးမယ်ဆိုရင်တော့ ဘေဘီလေးကို မွေးဖွားပြီးချိန်မှာ ကလေးကို ရောဂါဆိုးတွေကနေ ကာကွယ်ပေးနိုင်မယ့် နို့ဦးရည် ကောင်းကောင်း ထွက်ရှိစေမှာ ဖြစ်သလို နို့ဦးရည်မှာလည်း အာဟာရ ပြည့်ဝစေမှာပါ။

    • နို့ထွက် ကောင်းစေမှာပါ

    နို့တိုက်မေမေတိုင်း စိုးရိမ်ရတဲ့ နို့ထွက် နည်းစေမှာကို ကာကွယ်ချင်တယ်ဆိုရင်တော့ ကြက်ပေါင်းရည်ကို ပုံမှန်လေး သောက်ပေးလို့ ရပါတယ်။ အကြောင်းကတော့ ကြက်သားကနေရတဲ့ ပရိုတင်းနဲ့ ဗီတာမင်တွေက နို့ထွက်ကောင်းစေဖို့လည်း ထောက်ကူပေးနိုင်ပါတယ်။

    • ကိုယ်ခံအား ကောင်းစေနိုင်တယ်

    နို့တိုက်နေချိန်မှာ မေမေ ကျန်းမာမှ ဘေဘီလေးကို လုံလောက်တဲ့ မိခင်နို့ချို တိုက်ကျွေးနိုင်မှာပါ။ မေမေ့အနေနဲ့ ကြက်ပေါင်းရည်ကို ပုံမှန်သောက်ပေးတာက မေမေ့ ကိုယ်ခံအားကို အားဖြည့်ရာရောက်သလို ဘေဘီလေးကိုလည်း လုံလောက်တဲ့ မိခင်နို့ ရရှိစေမှာပါ။

    • စိတ်ဖိစီးမှု ကင်းစေတယ်

    ကလေးမွေးဖွားပြီးချိန်နဲ့ ဘေဘီလေးကို မိခင်နို့တိုက်ကျွေးနေချိန်မှာ မေမေတွေဟာ ကိုယ်တွင်း ဟော်မုန်း ပြောင်းလဲမှုတွေကြောင့် စိတ်ဖိစီးတာ၊ စိတ်ဓာတ်ကျတာတွေကို ခံစားရနိုင်ပါတယ်။ ဒီလို စိတ်ဖိစီးမှုတွေကို ကင်းဝေးစေဖို့ဆိုရင်တော့ မေမေ့အနေနဲ့ နေ့စဉ်မှာ အာဟာရပြည့်ဝတဲ့ ကြက်ပေါင်းရည်ကို သောက်ပြီး စိတ်ဖိစီးနိုင်ခြေကို လျှော့ချပေးလို့ ရပါတယ်။

    • တက်ကြွလန်းဆန်းစေမယ်

    နို့တိုက်နေရတာကြောင့် အားအင်ကုန်ခမ်းတာမျိုး၊ ဘေဘီလေးကနေ့ည မှားတာကြောင့် အိပ်ရေးပျက်ပြီး အားမရှိသလို ဖြစ်တာတွေကို သက်သာစေဖို့ဆိုရင် အာဟာရ ပြည့်ဝအောင် ဖြည့်ဆည်းမိဖို့ လိုပါမယ်။ ဒါကြောင့် မေမေ့အနေနဲ့ နို့တိုက်နေချိန်မှာ အာဟာရ ပြည့်ဝအောင် ဂရုစိုက် စားသုံးပေးပါ။

    ဒါတင်လားဆိုတော့ မဟုတ်သေးပြန်ပါဘူး။ ဘေဘီလေးတွေမှာဆိုရင်လည်း မေမေက ကြက်ပေါင်းရည် သောက်တာကြောင့် ကောင်းမွန်တဲ့ နို့ဦးရည်ကို စို့ရပြီး ကိုယ်ခံအား ကောင်းကာ ဖျားနာမှု ကင်းစေမှာ ဖြစ်သလို အစာခြေစနစ်ပြဿနာ ကင်းပြီး ကျန်းမာပျော်ရွှင်စွာ ကြီးပြင်းလာစေမှာပါ။

    အခုလောက်ဆိုရင်တော့ အဖြေထွက်လောက်ပြီ ထင်ပါတယ်နော်။ မေမေရော ဘေဘီလေးပါ ပျော်ရွှင်ကျန်းမာတဲ့ နေ့ရက်တွေကို ပိုင်ဆိုင်နိုင်ကြပါစေကြောင်း ……….

    # အမှာစကား

    ဘေဘီလေး ကျန်းမာစေဖို့အတွက် နို့ဦးရည်အပါအဝင် မိခင်နို့ကို လုံလောက် ပြည့်ဝစွာ ရရှိဖို့ လိုသလို နို့ချို တိုက်ကျွေးမယ့် မေမေကလည်း အာဟာရ လုံလောက် ပြည့်ဝဖို့လည်း လိုပါမယ်။ ဒါကြောင့် ဘေဘီလေးကို မိခင်နို့ တိုက်ကျွေးနေချိန်မှာ မေမေက အာဟာရပြည့်ဝအောင် စားသုံးတာ၊ အိပ်ရေးဝဝ အိပ်စက်တာတွေ လုပ်ဆောင်ဖို့ လိုပါမယ်။

    လျှော့စျေးရယူရန် ကူပွန်

    သင်က
    • ကိုယ်ဝန်ဆောင်ဖို့ ကြိုးစားနေသူ
    • ကိုယ်ဝန်ဆောင်မိခင်
    • နို့တိုက်မိခင်တစ်ယောက် ဖြစ်ပါသလား။
    ဒါဆိုရင်တော့ https://bit.ly/BRANDS_PROMO_OFFER  ကို ဖြည့်ပြီး ဘရန်း(စ်)  ကြက်ပေါင်းရည်   42ml (သို့မဟုတ်) 70 ml ၆ လုံးပါတစ်ကတ်ဝယ်ယူတိုင်း ၃၀၀၀ကျပ်တန် လျှော့စျေးရဖို့ ကူပွန်ရယူလိုက်ပါ။
    ကူပွန်တစ်စောင်ကို တစ်ကြိမ်သာ အသုံးပြုနိုင်ပါသည်။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Aye Thi Mon


    Aye Thi Mon မှ ရေးသားသည်။ · 26/05/2023 တွင် အသစ်ဖြည့်စွက်ခဲ့သည်။

    ad iconadvertisement

    ဤဆောင်းပါးက အကူအညီဖြစ်ပါသလား။

    ad iconadvertisement
    ad iconadvertisement