ကလေးကြီးတွေမှာ ဖြစ်တတ်ပါတယ်။ မေမေက သူ့ကို မကြည့်ဘဲ တခြားသူနဲ့ စကားပြောနေတယ်။ ဖုန်းသုံးနေတယ်ဆိုရင် သူ့ကို ကြည့်ပါလို့ သတိပေးတဲ့အနေနဲ့ ကိုက်တတ်ပါတယ်။
နို့စို့နေရင်းနဲ့ အိပ်ပျော်သွားပြီဆိုရင် ကလေးက ပါးစပ်ပိတ်သွားတာကြောင့် ကိုက်မိသလို ဖြစ်တတ်ပါတယ်။ ဒါကြောင့် အိပ်ပျော်သွားပြီ၊ နို့လည်း စို့နိုင်လောက်အောင် သတိမရှိတော့ဘူးဆိုရင် ဖြုတ်လိုက်တာ အကောင်းဆုံးပါပဲ။
နေမကောင်း ဖြစ်တဲ့အခါ ကလေးတွေက အမေနို့ကို ကောင်းကောင်း မစို့နိုင်၊ မမျိုချနိုင်ပါဘူး။ ဒါကြောင့် မတော်တဆ ကိုက်မိတတ်ပါတယ်။ ဒီလို ဆိုရင်တော့ ကလေးဆရာဝန်နဲ့ ပြသင့်ပါတယ်။ ကလေးက နို့ကောင်းကောင်း မဝင်မှာ စိုးရိမ်ရပါတယ်။
နို့သီးခေါင်းအကိုက်မခံရအောင် ဘယ်လိုကာကွယ်ကြမလဲ။
အခြေအနေကို ကြည့်ပြီး အောက်က နည်းလမ်းလေးတွေကို အဆင်ပြေသလို သုံးနိုင်ပါတယ်။
နို့သီးခေါင်း ကိုက်တဲ့အခါ ‘သားရေ မေမေ နာနာလေ’ ဆိုတာမျိုး ပြောပြပေးပါ။ ကလေးက စကားမပြောတတ်သေးရင်တောင် မေမေ့ရဲ့ အသံ၊ အပြုအမူကို ဖတ်တတ်ပါတယ်။ သူ့ကို ကြည့်ပြီး သေချာပြောပြပါ။ ကိုက်တိုင်းမှာ ပြောပြပေးပါ။ သတိထားရမှာက ကလေးကို မအော်မိ၊ မရိုက်မိဖို့ပါ။ နောက်တစ်ခါ နို့စို့ဖို့ ကြောက်သွားပါလိမ့်မယ်။
- နို့တိုက်တာကို ရပ်လိုက်ပါ။
ကလေးကို မကိုက်ဖို့ ပြောတာတောင် ဆက်ကိုက်နေသေးရင် နို့တိုက်တာကို ရပ်လိုက်ပါ။ ခဏနေမှ ပြန်တိုက်ပါ။ ဒါဆို သူ့စိတ်ထဲမှာ နို့သီးခေါင်းကို ကိုက်ရင် မေမေက နို့မတိုက်ဘူးဆိုတာကို မှတ်ထားပါလိမ့်မယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။