မိခင်နို့ရည်ကို သိုလှောင်သိမ်းဆည်းတယ်ဆိုတာ နို့ရည်ကို မိခင်ရဲ့ရင်သားကနေ လိုအပ်သလောက် ညှစ်ယူပြီး စနစ်တကျသိမ်းဆည်းထားခြင်းကို ဆိုလိုတာပါ။
မှ အချက်အလက် စစ်ဆေးထားပါသည်။ Dr. Thurein Hlaing Win
မိခင်နို့ရည်ကို သိုလှောင်သိမ်းဆည်းတယ်ဆိုတာ နို့ရည်ကို မိခင်ရဲ့ရင်သားကနေ လိုအပ်သလောက် ညှစ်ယူပြီး စနစ်တကျသိမ်းဆည်းထားခြင်းကို ဆိုလိုတာပါ။
မိခင်ရဲ့ရင်သားက နို့ရည်ကို လက်နဲ့ဖြစ်စေ၊ နို့ညှစ်ကိရိယာ (Breast pump)နဲ့ဖြစ်စေ ညှစ်ယူ နိုင်ပါတယ်။ ပမာဏကိုတော့ လိုအပ်သလို ချင့်ချိန်နိုင်ပါတယ်။
အစပိုင်းမှာတော့ ထွက်တဲ့နှုန်းဟာ နည်းပါလိမ့်မယ်။ မိခင်အနေနဲ့ စိတ်သက်သာဖြေလျော့ချိန်မှာ ညှစ်ယူတာ အကောင်းဆုံးပါပဲ။ မိမိရဲ့ကလေးကို ဘေးနားထားပြီးဖြစ်စေ၊ ကလေးနဲ့ဝေးနေချိန်ဆို ကလေးဓာတ်ပုံလေးကိုကြည့်ပီးဖြစ်စေ ညှစ်ယူတဲ့အခါ မိုမိုလွယ်ကူပါတယ်။ ရေနွေးနွေးလေး နဲ့ စိမ်ထားတဲ့ပုဝါတစ်ထည်ကို ရင်သားပေါ်မှာ အရင်အုပ်လိုက်တာမျိုးကလည်း ပိုမိုလွယ်ကူစေမှာပါ။ ရေချိုးပြီးခါစဆိုရင်လည်း ပိုကောင်းပါတယ်။
မွေးပြီးခါစ ရက်သတ္တပတ်အနည်းငယ်အတွင်းမှာဆိုရင် Brest pump ရဲ့အကူအညီမလိုဘဲ လက်နဲ့ညှစ်ယူလို့တင် အဆင်ပြေပါတယ်။ မိခင်ရဲ့နို့ပြွန်တွေ ပိတ်ဆို့သွားတဲ့အခါမျိုးမှာလည်း လက်နဲ့ ညှစ်လိုက်ရင် နို့ကြောပြန်လည်ပွင့်သွားတတ်ပါတယ်။ ညှစ်ယူနေစဉ်အတွင်းမှာတော့ ရင်သား အောက်မှာ ပိုးသတ်ထားပြီးသားဖြစ်တဲ့ (သန့်စင်တဲ့)ပုလင်း (သို့မဟုတ်) ခွက်ကိုထားပြီး ခံယူနိုင်ပါ တယ်။
Breast pump (၂) မျိုး ရှိပါတယ်။ လက်ရဲ့ အကူအညီအသုံးပြု ညှစ်ယူရတဲ့ ကိရိယာ (manual) နဲ့လျှပ်စစ်ဖြင့် ညှစ်ယူသောကိရိယာ (Electric) ဆိုပြီးတော့ပါ။
Manual ဟာ Electric breast pump တွေထက်ဈေးပေါပါတယ်။ Electric breast pump တွေကတော့ ပိုမိုလျင်မြန်ပါတယ်။
အမျိုးသမီး တစ်ယောက်နဲ့ တစ်ယောက်မတူတာကြောင့် ကိုယ်နဲ့အဆင်ပြေတာကို ဝယ်ယူ နိုင်ပါတယ်။
Electric pump တွေရဲ့စုပ်အားကိုတော့ ပြောင်းလဲနိုင်ပါတယ်။ ဒါပေမယ့်စုပ်အား ပြင်းပြင်း မပြုလုပ်ထားသင့်ပါဘူး။ ရင်သားကို နာကျင်စေပြီး နို့သီးခေါင်းကို ပျက်စီးစေနိုင်လို့ပါ။
လျှပ်စစ်စက်တွေမှာပါတဲ့ ကတော့ရဲ့အရွယ်အစားဟာလည်း အမျိုးမျိုးရှိပါတယ်။ မိမိနဲ့ မသင့် တော်တဲ့ အရွယ်အစားကိုသာ ရွေးယူပါ။ မညှစ်ယူခင်မှာ အသေအချာသန့်စင်ပါ။ Pump ရော၊ ထည့် တဲ့ခွက်ပါ သန့်ရှင်းနေပါစေ။
ပိုးသတ်ပြီးသားခွက်ဖြစ်စေ၊ ဘူးဖြစ်စေ၊ နို့ရည်ထည့်ဖို့ သီးသန့်ပိုးသတ်ပြီးသား ခွက်ဖြစ်စေ၊ ဘူးဖြစ်စေ ထည့်ပြီး သိမ်းဆည်းနိုင်ပါတယ်။
ရေနွေးကန်ထဲထည့်ပြီးဖြစ်စေ၊ ရေအေးနဲ့ဆေးပြီးဖြစ်စေ၊ ခဲနေတဲ့နို့ရည်တွေ ထည့်ထားတဲ့ အိတ်ကို အရည်ပျော်ပါစေ။ အရည်ပျော်သွားတဲ့ နို့ရည်တွေကို လှုပ်ခါပေးပါ။ တစ်နာရီအတွင်း ကလေးကို တိုက်ပါ။ ကျန်ရင်လွှင့်ပစ်ပါ။ အရည်ပျော်ပြီးသားနို့ရည်ကို နောက်တစ်ခေါက်ထပ်မခဲပါစေနဲ့။ ရေခဲသေတ္တာထဲ ပြန်မထည့်ပါနဲ့။
နို့ရည်ကို ပြန်နွှေးတဲ့အနေနဲ့ မီးဖိုကိုအသုံးပြုကာ နွှေးခြင်းမျိုးကို လုံးဝမပြုလုပ်သင့်ပါဘူး။ ကလေးအပူလောင်သွားနိုင်ပါတယ်။
ကလေးဟာ အကြောင်းအမျိုးမျိုးကြောင့် (ဖျားနာနေလို့ဖြစ်စေ၊ လမစေ့လို့ မီးပြထားရတဲ့ အချိန် မျိုးမှာဖြစ်စေ) အချိန်အခါမျိုးမှာတော့ နို့ရည်ကို ဘယ်လိုစနစ်တကျသိမ်းဆည်းကာ တိုက်သင့် သလဲဆိုတာကို ကျန်းမာရေးဝန်ထမ်းတွေကို မေးမြန်းသင့်ပါတယ်။ နို့ညှစ်ယူဖို့ တစ်စုံတစ်ရာ အခက် အခဲရှိတဲ့အခါမျိုးမှာ-
ရေးသားသူ-ဒေါက်တာမှူးခင်
Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။