စိတ်ကျရောဂါအတွက်ပေးတဲ့ ဆေးဝါးတွေဟာ ဘေးထွက်ဆိုးကျိုးအနေနဲ့ လိင်ကိစ္စမှာ အနှောင့်အယှက်ဖြစ်စေပါတယ်။ သုက်လွှတ်ချိန်မှာ နာကျင်ခြင်းလည်း ပါဝင်ပါတယ်။ ဘေးထွက်ဆိုးကျိုး အများဆုံးဖြစ်စေတတ်တဲ့ ဆေးတွေကတော့
• SSRI ဆေးများ
• SNRI ဆေးများ
• Tricyclics ဆေးများ
• MAOI အုပ်စုဝင်ဆေးများ စတာတွေ ဖြစ်ပါတယ်။
ဆီးခုံအောက်ပိုင်း စအိုဝန်းကျင်မှာရှိတဲ့ အာရုံကြောတွေ နာကျင်တဲ့ပြဿနာ ဖြစ်ပါတယ်။ လိင်အင်္ဂါရော စအိုနေရာပါ နာကျင်နေတတ်ပါတယ်။ ထိခိုက်မိခြင်း၊ ဆီးချိုရောဂါ စတာတွေကြောင့် ဖြစ်တတ်ပါတယ်။
များသောအားဖြင့် ဆီးကျိတ်ကင်ဆာဟာ လက္ခဏာ မပြတတ်ပေမယ့် သုက်ထွက်ချိန်မှာတော့ နာကျင်စေတတ်ပါတယ်။ တခြားလက္ခဏာတွေကတော့ ဆီးသွားရခက်ခြင်း၊ ပန်းညှိုးခြင်း၊ ဆီးနဲ့ သုက်ရည်ထဲ သွေးပါခြင်း စတာတွေ ဖြစ်တတ်ပါတယ်။
ဆီးခုံဝန်းကျင်ကို ဓာတ်ရောင်ခြည်ပေးကုသခြင်းဟာ ပန်းညှိုးခြင်း၊ သုက်လွှတ်စဉ်နာကျင်ခြင်းကို ဖြစ်စေပါတယ်။ ဒါပေမယ့် ဒီဘေးထွက်ဆိုးကျိုးများဟာ ယာယီပဲ ဖြစ်ပါတယ်။
ဆရာဝန်ပြသဖို့ လိုသလား
အကယ်၍ ဒီ ပြဿနာဟာ ယာယီမဟုတ်ဘဲ ကြာနေမယ် ဆိုရင်တော့ ဆရာဝန်ပြသဖို့ လိုပါတယ်။ လိုအပ်တဲ့ စမ်းသပ်မှုတွေ ပြုလုပ်ပြီး ပြဿနာရဲ့ ရင်းမြစ်ကို ရှာဖွေပါလိမ့်မယ်။ လိုအပ်ရင် ဆီးလမ်းကြောင်း အထူးကုနဲ့ ပြသရနိုင် ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။