အမျိုးသားတွေက ပါးသိုင်းမွေးနဲ့ နှုတ်ခမ်းမွေးနဲ့မှ ကြည့်ကောင်းတယ်ဆိုတဲ့ ခေတ်တစ်ခေတ်ရှိခဲ့ဖူးပါတယ်။ အသားဆိုလည်း ညိုမှပေါ့။ ဟိုးအရင်တုန်းကဆို ခုခေတ်လို အမျိုးသားတွေ မိတ်ကပ်လိမ်းတာ၊ skin careတာ၊ ဖြူဖတ်ဖတ်လေးတွေ ဖြစ်နေတာမြင်ရင် တစ်မျိုးတစ်မည် အထင်ခံရပါတယ်။
- ယောကျာ်းဆိုတာ ပိုက်ဆံရှာရမယ်။ အိမ်ထောင်ဦးစီးဖြစ်တယ်။
ဒီတော့ အမျိုးသမီးတွေက အလိုလိုနေရင်း အိမ်ထောင်သားမွေး၊ အိမ်ထောင်ထိန်းဆိုတာတွေ ဖြစ်ကုန်ရော။ အစွဲကြီးတဲ့ လူကြီးတွေဆို ယောကျာ်းလေးဆိုတာ တံမြက်စည်း မကိုင်ရဘူးတို့၊ မီးဖိုချောင်ထဲ ဘာလာလုပ်တာလဲတို့အထိ တားမြစ်ဖူးပါတယ်။
ယောကျာ်းစစ်စစ်ဆိုတာ Gayတွေနဲ့ မပေါင်းရဘူး။ သူတို့လိုပဲ Gayဖြစ်သွားလိမ့်မယ်ဆိုတဲ အယူအဆတွေလည်း ရှိခဲ့ပါတယ်။ ဒီလို ဆုံးမခံခဲ့ရတဲ့ အမျိုးသားတွေက Gayအပါအဝင် LGBTတွေကို ရွံရှာသလို ဆက်ဆံကြပါတော့တယ်။
ဘူးရင်ဘူး၊ မဘူးရင် (ဂန်)ဒူး ဆိုတာကို ကြားဖူးမှာပေါ့။ အမျိုးသားတွေက အမြဲလိင်စိတ်တက်ကြွနေရမယ်။ စိတ်မပါဘူးဆိုရင် ဒီအမျိုးသားက တစ်ခုခုချို့ယွင်းနေပြီလို့ ယူဆကြပါတယ်။ ဒါတင်မကဘဲ လိင်ပိုင်းဆိုင်ရာ မစွမ်းဆောင်နိုင်တဲ့ အမျိုးသားတွေကို အသုံးမကျတဲ့ အမျိုးသားအဖြစ်တံဆိပ်ကပ်ကြပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။