backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်

မုတ်ဆိတ် နဲ့ အမျိုးသား ကျန်းမာရေး

မှ အချက်အလက် စစ်ဆေးထားပါသည်။ Dr. Thurein Hlaing Win


Aye Thi Mon မှ ရေးသားသည်။ · 08/03/2024 တွင် အသစ်ဖြည့်စွက်ခဲ့သည်။

မုတ်ဆိတ် နဲ့ အမျိုးသား ကျန်းမာရေး

အချို့သော လေ့လာမှုတွေအရ မုတ်ဆိတ်တွေက ဘက်တီးရီးယားတွေ ခိုအောင်းရာနေရာလို့ လူသိများကြပါတယ်။ ဒီအချက်ကို လူသိများပေမယ့် မုတ်ဆိတ်ထားတာက အရေပြားကင်ဆာ ဖြစ်နိုင်ခြေကို နည်းစေနိုင်တယ်ဆိုတာကိုတော့ သိသူနည်းပါးပါတယ်။ ဒါကြောင့် ဒီဆောင်းပါးလေးကို ဖတ်ပြီး အမျိုးသားတွေ အနေနဲ့ မုတ်ဆိတ်ထားသင့်လား၊ မထားသင့်ဘူးလား ဆိုတာကို ဆုံးဖြတ်လိုက်ရအောင်နော်။

မုတ်ဆိတ် ထားတာ ကျန်းမာစေသလား။

မုတ်ဆိတ်ထားတာက ကျန်းမာစေသလား ဆိုတော့ မုတ်ဆိတ်တွေက အသားအရေကို နေလောင်ပျက်စီးတာတွေနဲ့ နေလောင်တာကြောင့် ထိခိုက်တာတွေ မဖြစ်အောင် ကာကွယ်ပေးပါတယ်။ ဒီတော့ ခြုံပြောရမယ်ဆိုရင် မုတ်ဆိတ်ထားတာ ကျန်းမာစေပါတယ်။

မုတ်ဆိတ်ထားတာက အခုလို ကျန်းမာရေး အာနိသင်လေးတွေ ရရှိစေနိုင်ပါတယ်။

  • နေရောင်ကာပေးတယ်

မုတ်ဆိတ်တွေက အရေပြားကို နေရောင်မှာပါတဲ့ ခရမ်းလွန်ရောင်ခြည်ကြောင့် ထိခိုက်တာမျိုး မဖြစ်အောင် ကာကွယ်ပေးပါတယ်။ မုတ်ဆိတ် ထူရင် ထူသလောက် နေရောင်ကို ကာကွယ်နိုင်စွမ်းကတော့ ကွာခြားသွားပါတယ်။ အကြောင်းကတော့ မုတ်ဆိတ်တွေက နေရောင်ကို ပြန်စေတာကြောင့်ပါ။ မျက်နှာ အသားအရေကို နေလောင်ဒဏ်ကနေ ကာကွယ်ဖို့ဆိုရင် မျက်နှာပေါ်မှာ မုတ်ဆိတ်ထားပေးတာက နည်းလမ်းကောင်းပါ။

  • နွေးထွေးစေတယ်

မုတ်ဆိတ်တွေက မေးစေ့နဲ့ လည်ပင်းကို ကာကွယ်ပေးတဲ့ အလွှာ တစ်ခုပါ။ အေးမြတဲ့ ရာသီတွေမှာ နွေးထွေးစေဖို့ ထောက်ကူပေးနိုင်ပါတယ်။ မုတ်ဆိတ် ရှည်လေလေ ပိုပြီး နွေးထွေးစေလေလေပါ။

  • ပိုပြီး ဆွဲဆောင်မှု ရှိစေတယ်

မုတ်ဆိတ်ရှိတဲ့ အမျိုးသားတွေက ပိုပြီး ဆွဲဆောင်မှု ရှိပါတယ်။ မုတ်ဆိတ်ရှိတဲ့ အမျိုးသားတွေက ခင်ပွန်းကောင်း၊ ဖခင်ကောင်းတွေ အနေနဲ့ အားကိုးထိုက်သူတွေလို့ ယူဆခြင်းခံရတယ်လို့  တချို့လေ့လာမှုတွေအရ သိရပါတယ်။

ဘယ်လို အခက်အခဲတွေ ရှိနိုင်သလဲ။

မုတ်ဆိတ်ထားရတာက လွယ်ကူတဲ့ ကိစ္စမျိုးတော့ မဟုတ်ပါဘူး။ အကြောင်းကတော့ မုတ်ဆိတ်ကို သေချာလေး မထိန်းသိမ်းဖြစ်ဖူးဆိုရင်တော့ ဘက်တီးရီးယားတွေ ခိုအောင်းရာနေရာ တစ်ခုဖြစ်ဖို့ လိုပါတယ်။

မုတ်ဆိတ်ကို သေချာ မသန့်ရှင်းတာက မှိုပိုးကူးစက်တာ၊ မုတ်ဆိတ်မှာ ဗောက်ထတာမျိုးတွေ ဖြစ်စေနိုင်ပါတယ်။ ဝက်ခြံလိုမျိုး အရေပြား ပြဿနာတွေလည်း ဖြစ်စေနိုင်ပါတယ်။

ကျန်းမာတဲ့ မုတ်ဆိတ် ပိုင်ဆိုင်နိုင်စေဖို့

ကျန်းမာတဲ့ မုတ်ဆိတ် ပိုင်ဆိုင်နိုင်စေဖို့ဆိုရင်တော့ ဒီနည်းလမ်းလေးတွေကို လိုက်နာလုပ်ဆောင်ဖို့ လိုပါမယ်။

  • ပုံမှန် လျှော်ပေးပါ

ခေါင်းပေါ်က ဆံပင်ကိုတင် ပုံမှန်လျှော်ပေးဖို့ လိုတာ မဟုတ်ပါဘူး။ မျက်နှာပေါ်မှာထားတဲ့ မုတ်ဆိတ်ကိုလည်း သေချာလေး လျှော်ပေးဖို့ လိုပါမယ်။ ခေါင်းလျှော်ရည် သုံးရမှာလား ဆိုတော့ မဟုတ်ပါဘူး။ မျက်နှာသစ်ဆေးကိုပဲ သုံးပြီးလျှော်ပေးလိုက်ရုံပါ။ အစိုဓာတ် ထိန်းပေးပါ။ သဘာဝအဆီဖြစ်တဲ့ သံလွင်ဆီလိုမျိုး အဆီတွေ လိမ်းပေးပါ။

  • အစိုဓာတ် ထိန်းပေးပါ

မုတ်ဆိတ်အောက်က အရေပြားကို အစိုဓာတ် ထိန်းပေးတာက အဆီပြန်တာ နဲ့ ဝက်ခြံထွက်တာကို သက်သာစေနိုင်ပါတယ်။

  • အာဟာရ မျှတအောင် စားပါ

ကျန်းမာရေးနဲ့ ညီညွတ်တဲ့ အစားအစာတွေကို စားသုံးပေးတာက မွေးညှင်းအိတ်လေးတွေကို ကျန်းမာစေပါတယ်။ ဒါကြောင့် နေ့စဉ် စားသုံးမှုမှာ biotin နဲ့ ဗီတာမင် ပါဝင်တာတွေ စားပေးပါ။

  • ပုံမှန်လေး တိပေးပါ

မုတ်ဆိတ်ကို ပုံမှန်လေး တိပေးတာက သပ်သပ်ရပ်ရပ်နဲ့ ကိုယ့်မျက်နှာနဲ့ လိုက်ဖက်တဲ့ မုတ်ဆိတ်ကို ရရှိစေမှာပါ။

မုတ်ဆိတ်ထားခြင်း မထားခြင်းက တစ်ဦးစီရဲ့ သဘောထားပါ။ ထားမယ်ဆိုရင်တော့ ဒီနည်းလမ်းလေးတွေကို အသုံးပြုပေးတာက အမျိုးသားတွေကို ကျန်းမာတဲ့ မုတ်ဆိတ် ပိုင်ဆိုင်နိုင်စေမှာပါ။

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Dr. Thurein Hlaing Win


Aye Thi Mon မှ ရေးသားသည်။ · 08/03/2024 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement