မဟုတ်ပါဘူး။ ယောက်ျားလေးတွေမှာ ပိုအဖြစ်များတယ်ဆိုပေမယ့် မိန်းကလေးတွေမှာလည်း ဖြစ်နိုင်ပါတယ်။ ဒီလိုဖြစ်စဉ်ဖြစ်တဲ့အချိန် အများစုဟာ လူပျို၊ အပျိုဖြစ်တဲ့အရွယ်တွေဖြစ်ပြီး အကြောင်းရင်းကတော့ ဟော်မုန်းအပြောင်းအလဲ လျင်မြန်စွာဖြစ်ပျက်နေတဲ့ ကာလကြောင့်ပဲဖြစ်ပါတယ်။ ဒါကြောင့် အမျိုးသမီးတွေမှာလည်း အိပ်ပျော်နေစဉ် သုက်လွှတ်ခြင်း ဖြစ်နိုင်ပါတယ်။ ကွာသွားတာကတော့ ယောက်ျားလေးတွေက သုက်ရည် ထုတ်လွှတ်လိုက်တဲ့အခါ အဖြူရောင်စေးကပ်ကပ် အကွက်တွေ အဝတ်အစားမှာကျန်ရစ်နေပြီး အမျိုးသမီးတွေကတော့ ပုံမှန်မိန်းမကိုယ်က အရည်တွေ ဆင်းတာမျိုး ရှိတဲ့အတွက် မိမိကိုယ်ကိုယ် သုက်လွှတ်လိုက်မှန်းတောင် သတိမထားမိတတ်ကြတာပါပဲ။
၃။ လူပျို၊ အပျိုအရွယ်မှာ ဖြစ်နိုင်တာလား။
ဆယ်ကျော်သက်အရွယ်မှာ အိပ်ပျော်နေစဉ် သုက်လွှတ်ခြင်း ဖြစ်စဉ် အများဆုံးဖြစ်တတ်တဲ့ အချိန်ဖြစ်ပြီး အသက် ၁၈ နောက်ပိုင်းမှာတော့ ဖြစ်နိုင်ခြေ နည်းသွားပါတယ်။ ဒါပေမယ့် လုံးဝမဖြစ်နိုင်တော့တာ မဟုတ်ပါဘူး။ အမျိုးသားတွေမှာဆိုရင်တော့ အိပ်နေတဲ့အချိန်နဲ့ မနက်နိုးလာတဲ့အချိန်မှာ လိင်တံထောင်မတ်နိုင်တာကတော့ ဆယ်ကျော်သက်တုန်းကလိုပဲ ဖြစ်နေမှာပါ။
၄။ အိပ်ပျော်နေစဉ် သုက်လွှတ်တာနဲ့ ပတ်သက်ပြီး ဘာလုပ်လို့ရလဲ။
တကယ်တမ်းကတော့ ကျန်းမာရေးကောင်းတယ်၊ လိင်စိတ်ဆန္ဒ လည်း ရှိနေသေးတဲ့လူတစ်ယောက်အတွက်တော့ အိပ်ပျော်နေစဉ် သုက်လွှတ်တယ်ဆိုတာ ပုံမှန်ဖြစ်ရိုးဖြစ်စဉ် တစ်ခုပါပဲ။ ဒါပေမယ့် ညတိုင်းလိုလို ဖြစ်နေတယ်ဆိုရင်တော့ အနည်းငယ်တော့ စိုးရိမ်တတ်တာပေါ့။ ဒီကိစ္စနဲ့ပတ်သက်ပြီး ဆရာဝန်ဆီမှာ သွားရောက်စစ်ဆေးကြည့်လိုက်လို့ ရပါတယ်။ ဆေးစစ်လိုက်လို့ ဘာမူမမှန်တာမှ မတွေ့ရဘူးဆိုရင်တော့ စိတ်ရောဂါကုထုံးပညာရှင်နဲ့ တိုင်ပင်ဆွေးနွေးပြီး ဘယ်လိုအကြောင်းအရာကြောင့် ဒီလိုအိပ်မက်တွေ မက်စေတာလဲဆိုတာ အဖြေရှာသင့်ပါတယ်။
၅။ လိင်အာသာဖြေ အိပ်မက်တွေမက်တိုင်း သုက်လွှတ်တော့မှာလား။
အမြဲတမ်းတော့ မဟုတ်ပါဘူး။ တစ်ခါတလေ ဒီလိုအိပ်မက်တွေမက်ပြီး လိင်စိတ်ထကြွလာရင်တောင် သုက်လွှတ်ခြင်း နဲ့ အဆုံးသတ်သွားတာမျိုးမဟုတ်ဘဲ ဒီအတိုင်း နောက်အိပ်မက်တစ်ခု ပြောင်းမက်တာမျိုးလည်း ရှိပါတယ်။ အထူးသဖြင့် အသက်ကြီးလာတဲ့အခါ ဒီလိုအိပ်မက်တွေမက်ပြီးရင်တောင် သုက်လွှတ်တာမျိုး တော်တော်နည်းသွားပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။