သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

null

ကိုဗစ်ကာလ မဖြစ်မနေ မှီဝဲပေးသင့်တဲ့ အာဟာရ

    ကိုဗစ်ကာလ မဖြစ်မနေ မှီဝဲပေးသင့်တဲ့ အာဟာရ

    ကိုဗစ် ပိုးတွေ့တဲ့ လူနာ များလာတာမှ အနီးဆုံး ကိုယ့်အိမ်ဘေးနားအထိတောင် ရောက်လာလို့ သောကများနေပြီလား။ ကာကွယ်ဆေးလည်း မပေါ်သေးတဲ့ ကိုဗစ်ကို အကောင်းဆုံး ကကွယ်ပေးနိုင်မှာတော့ မွေးရာပါ ဆုလာဘ်တစ်ခု ဖြစ်တဲ့ ကိုယ်ခံအားပေါ့။

    ကိုယ်ခံအား ကောင်းဖို့က ထိုင်ပြောနေရုံနဲ့ မရနိုင်ပါဘူး။ ကိုယ်တိုင်က သေချာလေး ဂရုစိုက်ဖို့ လိုပါမယ်။ ဒီတော့ အခုလို ကိုဗစ်ကာလမှာ ကိုယ်ခံအားကို ပြည့်ဝ ကောင်းမွန်နေစေဖို့ ဘယ်လို အာဟာရတွေ မှီဝဲသင့်လဲဆိုတာကို ဆောင်းပါးလေးကနေတဆင့် ပြောပြပေးသွားပါမယ်။

    ကိုဗစ် ကာလမှာ ကိုယ်ခံအား ပြည့်ဝစေဖို့ မဖြစ်မနေ မှီဝဲသင့်တဲ့ အာဟာရ

    ကိုဗစ်ကာလမှာ ကိုယ်ခံအား ပြည့်ဝနေစေဖို့ဆိုရင် ဒီအာဟာရဓာတ်လေးတွေကို ပြည့်ဝအောင် မှီဝဲဖို့ လိုပါမယ်။

    ဗီတာမင် A (ဘီတာကယ်လ်ရိုတင်း)

    ဗီတာမင် A က အူလမ်းကြောင်းနဲ့ အသက်ရှူလမ်းကြောင်း စနစ်ကို ကျန်းမာစေနိုင်ပါတယ်။ အစာအာဟာရတွေကို ပြည့်ဝစွာ စုပ်ယူနိုင်စေဖို့ အားဖြည့်ပေးနိုင်သလို ကိုဗစ် အဓိက တိုက်ခိုက်တဲ့ အသက်ရှူလမ်းကြောင်းကိုပါ ကျန်းမာစေမှာပါ။

    ဗီတာမင် A ပြည့်ဝစေဖို့ မုန်လာဥနီ၊ ကန်စွန်းဥ၊ ဟင်းနုနွယ်၊ ပန်းဂေါ်ဖီစိမ်း၊ ငရုတ်ပွ စတာတွေကို စားပေးဖို့ လိုပါမယ်။

    ဗီတာမင် C

    ဗီတာမင် C က ကိုယ်ခံအားကို ကောင်းစေတယ်ဆိုတာ လူတိုင်းလိုလို သိထားပြီးသားပါ။ အခုလို ကာလမှာလည်း ကိုယ်ခံအား ကောင်းဖို့ဆိုရင် ဗီတာမင် C ပြည့်ဝဖို့ လိုပါမယ်။ ဗီတာမင် C က antibodies ဖြစ်ပေါ်စေဖို့ လှုံ့ဆော်ပေးပါတယ်။

    ဗီတာမင် C ပြည့်ဝဖို့ဆိုရင် စတော်ဘယ်ရီ၊ ငရုတ်ပွအနီရောင်၊ ကီဝီသီး၊ သံပုရာသီး၊ လိမ္မော်သီး စတာတွေ စားပေးပါ။

    ဗီတာမင် E

    ဗီတာမင် E က ဓာတ်တိုးဆန့်ကျင်ပစ္စည်းတစ်မျိုး ဖြစ်ပြီး ခန္ဓာကိုယ်ကို ဓာတ်တိုးပစ္စည်းတွေ အန္တရာယ်ကနေ ကာကွယ်ပေးပါတယ်။ ကိုယ်ခံအားကောင်းစေဖို့ အကောင်းဆုံး ထောက်ပံ့ပေးနိုင်ပါတယ်။

    ဗီတာမင် E ပြည့်ဝဖို့ကတော့ ဟင်းရွက်ဆီ၊ အခွံမာသီး၊ အစေ့အဆန်၊ ထောပတ်သီး စတာတွေ စားပေးပါ။

    ဇင့်

    ဇင့်ဓာတ်က ကိုယ်ခံအားကို အကောင်းဆုံး အနေအထားဖြစ်စေဖို့ ထောက်ကန်ပေးပါတယ်။ ကိုယ်ထဲမှာ ဇင့်ဓာတ်နည်းလာတဲ့အခါ ဖျားနာလွယ်ပြီး ရောဂါပိုးတွေ အလွယ်တကူ ကူးစက်ခံရနိုင်ပါတယ်။ ဒါကြောင့် ကိုယ်ခံအား ကောင်းဖို့ဆိုရင် ဇင့်ကို မေ့ထားလို့ မရပါဘူး။

    ဇင့်ဓာတ် ပြည့်ဝစေဖို့ဆိုရင်တော့ ပဲအမျိုးမျိုး၊ အစေ့အဆန်၊ ကြက်သား၊ ဘဲသား၊ ပင်လယ်စာတွေ စားသုံးပေးပါ။

    ပရိုတင်း

    ပရိုတင်းက ခန္ဓာကိုယ်ကို pathogens အန္တရာယ်ကနေ ကာကွယ်ပေးတဲ့ T-cell ရဲ့ စွမ်းဆောင်ရည် ကောင်းမွန်စေဖို့ အရေးပါတဲ့ အာဟာရဖြစ်တဲ့ အမိုင်နိုအက်ဆစ်ကို ထုတ်လုပ်ပေးပါတယ်။ ကိုယ်ခံအားကို အားဖြည့်ပေးဖို့ မရှိမဖြစ် လိုအပ်တဲ့ အာဟာရ တစ်ခုဆိုလည်း မမှားပါဘူး။

    ပရိုတင်း ကြွယ်ဝစေဖို့ အနီရောင်အသား (အဆီမပါ)၊ ပင်လယ်စာ၊ ဥအမျိုးမျိုး၊ ပဲအမျိုးမျိုး၊ အခွံမာသီး၊ အစေ့အဆန်များ စားပေးပါ။

    ကဲ…ကို ဗစ်ကာလမှာ ကိုယ်ခံအားကောင်းစေဖို့ ဒါလေးတွေ ပါဝင်အောင် စားသုံးပြီး ကိုယ်ခံအားကို မြှင့်တင်လိုက်ပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Coronavirus disease (COVID-19) advice for the public https://www.who.int/myanmar/emergencies/covid-19-advice-for-the-public Accessed Date 13 October  2020

    Coronavirus disease (COVID-19) pandemic https://www.who.int/emergencies/diseases/novel-coronavirus-2019 Accessed Date 13 October  2020

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 14/01/2022 တွင် ပြန်လည်ပြင်ဆင်ခဲ့သည်။
    Dr. Phyo Wai Lynn မှ အချက်အလက် စစ်ဆေးထားပါသည်။