တတ်နိုငရင် အိပ်ရာပေါ်မှာ အလုပ်လုပ်တာ၊ တီဗွီကြည့်တာ၊ မုန့်စားတာတွေ မလုပ်ပါနဲ့။ အိပ်ရာကို အိပ်ဖို့အတွက်ဘဲ အကျင့်လုပ်ထားမှ အိပ်ရာထဲရောက်တာနဲ့ အိပ်ရတော့မယ်ဆိုပြီး ခန္ဓာကိုယ်က သိနေမှာပါ။
- အိပ်မပျော်ရင် အတင်းမကြိုးစားပါနဲ့။
တစ်ခါတစ်လေ အိပ်ရာထဲရောက်ကာမှ ဘာမှန်းမသိ ဟိုဘက်လိမ့်လိုက် ဒီဘက်လိမ့်လိုက်နဲ့ အိပ်လို့လည်း မပျော်ဘူးဆိုပြီး အတင်းဇွတ်မှိတ်မအိပ်ပါနဲ့။ ပြန်ထပြီး စိတ်ကိုလျှော့၊ အိပ်ပျော်နိုင်မယ့် အလုပ်တစ်ခုခု ထလုပ်ပါ။ ဥပမာ စာအုပ်ဖတ်တာဖြစ်ဖြစ်ပေါ့။ အိပ်မပျော်လို့ ထပြီး ဖုန်းသုံးတာကိုတော့ အားမပေးပါဘူးနော်။ ဒါက ဦးနှောက်ကို လန်းစေလို့ အိပ်ပျော်မှာ မဟုတ်ပါဘူး။
အိပ်ရာထဲရောက်တော့မှ ဟိုတွေး ဒီတွေးနဲ့ လူးလိမ့်နေပြီ၊ အိပ်လည်း မပျော်ဘူးဆိုရင် အတင်းကြိုးစားပြိး မအိပ်ပါနဲ့။ ထပြီး ကိုယ်စိုးရိမ်တဲ့ အကြောင်းအရာတွေကို ချရေးလိုက်ပါ။ တစ်ယောက်ယောက်ကို ရင်ဖွင့်ရသလိုမျိုး စိတ်ပေါ့ပြီး နည်းနည်းတော့ သက်သာသွားပါလိမ့်မယ်။
အိပ်ရာထဲရောက်တာ ဘယ်လောက်ကြာပြီ။ ခုထိ အိပ်မပျော်နိုင်သေးဘူးလို့ မတွေးပါနဲ့။ နာရီကိုလည်း ခဏခဏ ထမကြည့်ပါနဲ့။ ဒါက ပိုပြီး စိတ်ဖိစီးစေပါတယ်။ နောက်ပြီး အားလုံးတိတ်ဆိတ်နေတဲ့အချိန်မှာ နာရီသံ တဂျောက်ဂျောက်ကလည်း အိပ်ရေးပျက်စေပါတယ်။ ဒါကြောင့် အကြံပေးချင်တာက နာရီထားမယ့်အစား ဖုန်းမှာ alarm ပေးပြီး အိပ်ရာနဲ့ ဝေးဝေးမှာ ထားလိုက်ပါ။
Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။