ညဘက်ကောင်းကောင်း အိပ်ပျော် စေဖို့ ဒီအချက်တွေလိုက်နာစို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် အောက်တိုဘာ 22, 2020 . 2 mins read
Share now

ကျွန်မတို့အားလုံးနီးပါးဟာ တစ်ခါတရံမှာ အိပ်မပျော်တဲ့ညတွေကို ပိုင်ဆိုင်ဖူးကြပါလိမ့်မယ်။ ဒါပေမယ့် ညပေါင်းများစွာ ဆက်တိုက်ဆိုသလို အိပ်မပျော်ဖြစ်နေရင်တော့ သင့်အနေနှင့် အကြောင်းရင်းကို အဖြေရှာပြီး အိပ်ပျော် အောင်ကြိုးစားသင့်နေပါပြီ။ ဒီဆောင်းပါးလေးမှာတော့ အိပ်မပျော်ခြင်းကို သက်သာစေမယ့် လွယ်ကူတဲ့ နည်းလမ်းလေးတွေကို ဖော်ပြပေးလိုက်ပါတယ်။

ညဘက်ကောင်းကောင်း အိပ်ပျော် စေဖို့ ဒီအချက်တွေလိုက်နာစို့

(၁) ညဘက် ပုံမှန်အိပ်စက်ချိန် ထားပါ။

ကျန်းမာသောလူတစ်ဦးဟာ ပျမ်းမျှအားဖြင့် တစ်ညကို အနည်းဆုံး(၇)နာရီအိပ်စက်ဖို့လိုပါတယ်။ ညစဉ်ပုံမှန်အိပ်စက်ချိန်ထားပြီး ညတိုင်းအချိန်အတိအကျမှာ အိပ်ရာဝင်ဖို့ ကြိုးစားပါ။ တကယ်လို့ အိပ်ရာပေါ်ရောက်ပြီး မိနစ်၂၀အတွင်းမှာ အိပ်မပျော်သေးဘူးဆိုရင်တော့ ခဏထပြီး သီချင်းနားထောင်တာမျိူး စာဖတ်တာမျိူး လုပ်နိုင်ပါတယ်။ အနည်းငယ်ပင်ပန်းလာပြီဆိုရင်တော့ သူ့အလိုလိုအိပ်ပျော်သွားပါလိမ့်မယ်။

(၂) တစ်နေ့တာ စားသောအစားအသောက်များကို ပြန်လည်ဆန်းစစ်ပါ။

အိပ်ရာဝင်ခါနီးမှာ ဗိုက်ဟောင်းလောင်းဖြစ်နေတာမျိုးရော ဗိုက်အပြည့်ကြီးစားထားတာမျိုးရော မပြုလုပ်သင့်ပါဘူး။ နှစ်ချက်စလုံးက အိပ်မပျော်စေဖို့ ပိုတွန်းအားပေးနိုင်လို့ပဲ ဖြစ်ပါတယ်။ ဒါတင်မကသေးပါဘူး။ မအိပ်ခင် ၃နာရီလောက်မှာ ကော်ဖီ၊ အရက်နဲ့ ဆေးလိပ်တွေကိုလည်း သတိထားပြီး သောက်သင့်ပါတယ်။ဆေးလိပ်မှာပါတဲ့ နီကိုတင်းနဲ့ ကော်ဖီက ကဖင်းဓာတ်တွေဟာ သင့်ကိုအိပ်မပျော်အောင် ဟန့်တားနိုင်သလို အိပ်ရေးဝဝအိပ်စက်မရအောင်လည်း တားဆီးပေးပါတယ်။

(၃) အိပ်ခန်းဝန်းကျင်မှာ တိတ်ဆိတ်ငြိမ်သက်နေပါစေ။

ကောင်းကောင်းအိပ်ပျော်ဖို့အတွက် အထောက်အပံ့ပေးနိုင်မယ့် အခန်းမျိုးကို ရွေးချယ်ပါ။ အကောင်းဆုံးက ငြိမ်သက်ပြီး အလင်းရောင်မစူးတဲ့အခန်းမျိုး လှောင်အိုက်မနေပဲ အေးမြနေတဲ့ အခန်းမျိုးပေါ့။ အိပ်ရာပေါ်မှာ ဖုန်းနဲ့ ကွန်ပျူတာတွေကိုလည်း တတ်နိုင်သမျှ မသုံးမိအောင် ကြိုးစားပါ။ မအိပ်ခင်မှာလည်း ရေနွေးနွေးဖြင့် ရေချိုးခြင်း၊ အနှိပ်ခံခြင်းစသည်ဖြင့် ကိုယ်ရောစိတ်ပါ relaxဖြစ်စေအောင် ပြင်ဆင်ထားသင့်ပါတယ်။

(၄) နေ့လယ်ဘက်မှာ အကြာကြီး တရေးအိပ်တာမျိုး မပြုလုပ်ပါနှင့်။

နေ့လည်နေ့ခင်းမှာ နာရီများစွာ တရေးအိပ်ထားမယ်ဆိုပါက ညဘက်စောစောအိပ်မပျော်ဖို့ သေချာသလောက်ရှိပါတယ်။ ဒါကြောင့် နေ့ခင်းဘက်မှာ တအားအိပ်ချင်နေရင်တောင် မိနစ်၂၀ခန့်သာ အိပ်သင့်ပါတယ်။ တကယ်လို့ သင်ဟာ ညဘက်အလုပ်လုပ်ရသူဖြစ်ရင်တော့ နေ့လယ်ဘက်မှာ အကြာကြီးပြန်အိပ်တာမျိူးက သင့်တော်ပါတယ်။

(၅) ကိုယ်လက်လှုပ်ရှားမှု နေ့စဉ်ပြုလုပ်ပါ။

နေ့စဉ် ကိုယ်လက်လှုပ်ရှားမှုရှိသူတွေဟာ ညဘက်အိပ်တဲ့အခါ အလွယ်တကူ အိပ်ပျော်လေ့ရှိပါတယ်။ အိပ်ခါနီးကျမှ ကပ်ပြီး ကိုယ်လက်လှုပ်ရှားမှုပြုလုပ်တာကိုတော့ ရှောင်ကြဉ်သင့်ပါတယ်။

(၆) စိတ်ဖိစီးမှုများကို လျှော့ချပါ။

အိပ်ခါနီးမှာ စိတ်ညစ်စရာတွေ တွေးတာမျိုးက သင့်ကိုအိပ်ပျော်စေမှာ မဟုတ်ပါဘူး။ သင့်အတွက် ပူပန်သောကတွေ တပုံတပင်ရှိနေရင်တောင်မှ အိပ်ခါနီးမှာ မတွေးပါနဲ့။ စိတ်တည်ငြိမ်အောင် တရားထိုင်ပါ။ အလုပ်များကို စနစ်တကျ အစီအစဉ်ဆွဲပြီး ပြုလုပ်ပါ။ အလုပ်တာဝန်များကို အများနဲ့ ခွဲဝေလုပ်ဆောင်ပါ။

ရေးသားသူ – Dr. Rose

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆီးချိုကြောင့် အာရုံကြော ထိခိုက်ခြင်း

အများစုဟာ မိမိမှာ ဆီးချိုရောဂါဖြစ်နေမှန်းမသိတာကြောင့် ဘာကြောင့် တချိန်လုံးထုံကျင်ကိုက်ခဲနေရသလဲ နားမလည်နိုင်ဖြစ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဆီးချိုရှိတဲ့သူတွေ ကော်ဖီသောက်မယ်ဆိုရင်

ဆီးချို ကော်ဖီ လက်ဖက်ရည် ကဖင်းဓာတ် Decafကော်ဖီ သွေးတွင်းသကြားဓာတ် အင်ဆူလင် ကော်ဖီမစ် Diet ကော်ဖီ အဆီထုတ်နွားနို့ ဆီးချိုသကြား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင် ဘယ်လို စိတ်ဓာတ်ကျနေတာလဲ

Depression၊ ပင်ပန်းဆင်းရဲမှုဒါဏ်၊ စိတ်ကျန်းမာရေး၊ စိတ်ကြွ-စိတ်ကျရောဂါ၊ ဥတုရာသီ၊ ပြင်းထန်စိတ်ဖိစီးမှု၊ ထင်ယောင်ထင်မှား၊ ရာသီသွေးမဆင်းခင် အိပ်မပျော်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အရိုးပွရောဂါမဖြစ်အောင် ဘယ်လို ကာကွယ်နေထိုင်ကြမလဲ

နာကျင်တာ၊ အရိုးပွရောဂါ၊ တင်ပါးဆုံရိုးကျိုး၊ အရိုးကျန်းမာရေး၊ စားပါနို့ထွက်ပစ္စည်းတွေ၊ ငါးတွေ၊ ဗီတာမင် D၊ ကယ်လ်စီယမ်၊ Omega-3 fatty acids ၊ ဆား၊ ကဖင်းဓာတ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

နှစ်နှစ်ခြိုက်ခြိုက် အိပ်ပျော်နိုင်ဖို့

နှစ်နှစ်ခြိုက်ခြိုက် အိပ်ပျော်နိုင်ဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 13, 2020 . 3 mins read
အိပ်မပျော်တာ ဟော်မုန်းကြောင့်များလား

COVID ကာလ အိပ်မပျော်တာ ဟော်မုန်းတစ်ခုခုဖောက်ပြန်နေလို့များလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 16, 2020 . 3 mins read

အရက်သောက်ချင်ပေမယ့် အရက်နာကျတာတော့ မကြိုက်ဘူးဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 2 mins read

ကလေးရှိတဲ့နေအိမ်မှာ အလုပ်လုပ်ရတာ မဖြစ်နိုင်တဲ့ကိစ္စတစ်ခုလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read