ကီဝီသီးမှာ အမျှင်ဓာတ်များစွာ ပါဝင်ပြီး အစာချေစနစ်ကို အထောက်အကူဖြစ်စေပါတယ်။ ကီဝီသီးမှာ actinidin လို့ခေါ်တဲ့ အင်ဇိုင်းတစ်မျိုးပါဝင်ပြီး ပရိုတိန်းကို ဖြိုခွဲပေးနိုင်ပါတယ်။ ကီဝီသီးကနေ ထုတ်လုပ်ထားတဲ့ ဖြည့်စွက်ဓာတ်စာဟာလည်း အစာကြေစေနိုင်တဲ့ အာနိသင် ရှိနေပါတယ်။
၃။ ကိုယ်ခံအားစနစ်ကို မြှင့်ပေးခြင်း
ကီဝီသီးမှာ အာဟာရဓာတ် သိပ်သည်းစွာ ပါဝင်ပြီး ဗီတာမင် C လည်း ကြွယ်ဝပါတယ်။ ကီဝီသီးတစ်ခွက်စာမှာ တစ်နေ့တာ ဗီတာမင်C လိုအပ်ချက်ရဲ့ နှစ်ဆလောက်ထိ ပါဝင်ပါတယ်။ ဗီတာမင် C ဟာ မရှိမဖြစ်အရေးကြီးတဲ့ အာဟာရဓာတ်ဖြစ်ပြီး ရောဂါဘယများကို တိုက်ထုတ်ပေးနိုင်ဖို့ ကိုယ်ခံစွမ်းအားကို မြှင့်တင်ပေးပါတယ်။ သုတေသနတစ်ခုမှာ ဖော်ပြချက်အရ ကီဝီသီးဟာ ကိုယ်ခံအားကို ကောင်းစေပြီး အအေးမိခြင်း၊ တုပ်ကွေး စတာတွေကို ကာကွယ်ပေးနိုင်ပါတယ်။ အထူးသဖြင့် လူကြီးပိုင်းနဲ့ ကလေးငယ်တွေလို ရောဂါဖြစ်လွယ်တဲ့ အသက်အရွယ်ပိုင်းတွေအတွက် ဖြစ်ပါတယ်။
၄။ ရောဂါအခြေအနေတချို့ကို ဖြစ်နိုင်ခြေ လျှော့ချပေးခြင်း
ဓာတ်တိုးဖိစီးခြင်းဟာ မျိုးရိုးဗီဇ ဒီအန်အေအပေါ် ထိခိုက်မှုရှိပါတယ်။ ဒါဟာ ကျန်းမာရေးပြဿနာတွေ ဖြစ်ပွားနိုင်ခြင်းကို ဦးတည်စေပါတယ်။ ကီဝီသီးမှာပါတဲ့ ဓာတ်တိုးဆန့်ကျင်ပစ္စည်းများဟာ ဓာတ်တိုးဖိစီးခြင်းကို လျှော့ချခြင်းအားဖြင့် ရောဂါဘယများဖြစ်နိုင်ခြေကို လျော့နည်းစေပါတယ်။ ဥပမာ ဓာတ်တိုးဖိစီးခြင်းကြောင့် ဒီအန်အေထိခိုက်မှုရှိခြင်းဟာ အူမကြီးကင်ဆာဖြစ်ပွားမှုနဲ့ သိသိသာသာ ဆက်စပ်နေပါတယ်။ ကီဝီသီးကို ပုံမှန်စားသုံးပေးခြင်းဟာ ဒီအခြေအနေကို ကာကွယ်ပေးနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။