၁။ သင့်ဦးနှောက်ကို ပြုပြင်ပြောင်းလဲပါ။
ဒေါက်တာဒါတီလိုရဲ့ အဆိုအရ သင့်ဦးနှောက်ဟာ လိုက်လျောညီထွေနဲ့ ပြုပြင်ပြောင်းလဲနိုင်ပါတယ်။ ဒီအလေ့အကျင့်အတွက် အချိန်တော့ အနည်းငယ်ပေးရပါတယ်။ ထပ်ပြန်တလဲလဲ လေ့ကျင့်ရပါတယ်။ အဓိကကတော့ တွေးခေါ်ပုံကို ပြောင်းလဲပေးဖို့ပါပဲ။ များသောအားဖြင့် အဆိုးမြင်တာများနေသူတွေကို အရင်က သူတို့မတွေးဖူးသေးတဲ့ ရှုထောင့်ကနေပြောင်းလဲပြီး တွေးတောစေတာ ဖြစ်ပါတယ်။ အပြုအမူဟာ အတွေးအကြံကလာပါတယ်။ အဆိုးမြင်စိတ်တွေလျော့သွားပြီး အပြုသဘောဆောင်တဲ့ဖက်ကနေ ပြောင်းလဲတွေးခေါ်ဖို့ အရေးကြီးပါတယ်။ ဒီကိစ္စဟာ အပြောလွယ်ပေမယ့် အသားကျနေတဲ့ အကျင့်ကို ပြုပြင်ယူဖို့ ခက်ခဲပါတယ်။ ဒီအလေ့အကျင့် ကောင်းလာတာနဲ့အမျှ ဦးနှောက်မှာရှိတဲ့ orbitalfrontal cortex လို့ခေါ်တဲ့ အစိတ်အပိုင်းဟာ ပိုမိုဖွံ့ဖြိုးလာပြီး အပြုသဘောဆောင်တဲ့စိတ် ပိုမိုအားကောင်းလာတယ်လို့ ဒေါက်တာဒါတီလိုက ဆိုပါတယ်။ တဖက်မှာလည်း စိုးရိမ်ကြောင့်ကြစိတ် လျော့နည်းသွားနိုင်ပါတယ်။
၂။ အကြောက်တရားကိုချေဖျက်ပါ။
စိုးရိမ်ပူပန်များလွန်းသူများဟာ အမြဲတစေ အပျက်ဖက်ကိုပဲ ဦးစားပေးတွေးတောကြပါတယ်။ ဘယ်ကိစ္စမဆို ကြိုတင်ပြင်ဆင်ခြင်းဟာ ကောင်းတယ်ဆိုပေမယ့် ပုံမှန်ထက်လွန်ကဲပြီး အလွန်အကျွံပြင်ဆင်ထားခြင်း (overpreparation) ဟာ မကောင်းတဲ့လက္ခဏာဖြစ်ပါတယ်။ တခါတရံမှာ မိမိကြောက်ရွံ့နေတဲ့အရာကို လေ့လာခြင်း၊ ရင်ဆိုင်ဖြေရှင်းခြင်းဟာ ရှောင်ပြေးခြင်းထက်စာရင် ပိုမိုကောင်းမွန်ပါတယ်။ မိမိကြောက်ရွံ့နေတဲ့အရာဟာ ကြိုတင်တွေးကြောက်နေသလောက် ခက်ခဲတဲ့အရာမဟုတ်မှန်း သိနားလည်သွားပြီး စိတ်သက်သာရာရစေသလို မိမိကိုယ်ကိုယုံကြည်မှုလည်း တိုးပွားစေနိုင်ပါတယ်။
၃။ မိမိဝန်းကျင်မှာ အပြုသဘောဆောင်သူများကို ဝန်းရံထားပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။