ကျန်းမာရေးပညာရှင်များအနေနဲ့ တစ်နေ့တာမှာ ဆိုဒီယမ်ကို ၂၃၀၀ မီလီဂရမ်ထက် ပိုပြီး မစားသုံးဖို့ သတိပေးခဲ့ကြပါတယ်။ ဒါဟာ ဆားတစ်ဇွန်း (ထမင်းစားဇွန်းဖြင့်) ဒါမှမဟုတ် ၆ ဂရမ်နဲ့ ညီမျှပါတယ်။ အကြောင်းကတော့ ဆားကို လိုတာထက် ပိုမိုသုံးစွဲမိရင် သွေးတိုးရောဂါဖြစ်ပြီး နှလုံးရောဂါဖြစ်နိုင်ခြေ၊ လေဖြတ်နိုင်ခြေရှိလို့ ဖြစ်ပါတယ်။
ဆားကို လျှော့စားခြင်းအားဖြင့် သွေးပေါင်ချိန်ကို ထိန်းနိုင်တယ်ဆိုတာ အမှန်ပါပဲ။ အထူးသဖြင့် ဆားအနည်းငယ် စားရုံမျှနဲ့ သွေးတိုးတတ်သူတွေမှာ သိသာပါတယ်။ သုတေသနတစ်ခုမှာ ဖော်ပြချက်အရ ပုံမှန်သွေးပေါင်ချိန်ရှိတဲ့လူတွေမှာ ဆားသုံးစွဲမှုကို လျှော့ချလိုက်ရင် အပေါ်သွေး ၂.၄၂ ကျဆင်းပြီး အောက်သွေးဟာ ၁ ကျဆင်းတယ်လို့ သိရပါတယ်။ ဥပမာ သွေးပေါင်ချိန် 130/75 mmHg ရှိသူဟာ 128/74 mmHg ကို ကျဆင်းသွားခြင်း ဖြစ်ပါတယ်။ ဆားကို လျှော့စားကြဖို့လည်း အချင်းချင်းတိုက်တွန်းပေမယ့် ဘယ်အတိုင်းအတာ သုံးစွဲရမယ်ဆိုတာတော့ သိတဲ့သူရှားပါတယ်။ ဒီတော့ တစ်ရက်ကို ဆား ၆ ဂရမ်ထက် ပိုမစားတာ အကောင်းဆုံးပါပဲ။
ဆားကို စားသုံးတာများရင် အစာအိမ်ကင်ဆာဖြစ်နိုင်ခြေရှိတယ်ဆိုတဲ့ သုတေသနတွေ့ရှိချက်တွေ ရှိပါတယ်။ ဆားကို စားသုံးမှု မြင့်မားသူတွေဟာ ပုံမှန်လောက်ပဲ စားသုံးသူတွေထက် အစာအိမ်ကင်ဆာဖြစ်နိုင်ခြေ ၆၈ ရာခိုင်နှုန်းမြင့်မားတယ်လို့ သိရပါတယ်။ အကြောင်းပြချက်နှစ်ချက် ရှိပါတယ်။ တစ်ချက်ကတော့ ဆိုဒီယမ်များလာခြင်းဟာ အစာအိမ်အနာဖြစ်စေတဲ့ H Pylori ဘက်တီးရီးယားပေါက်ပွားမှုကို တိုးတက်လာစေတယ်လို့ ဆိုပါတယ်။
H Pylori များလာခြင်းဟာ အစာအိမ်ကင်ဆာဖြစ်နိုင်ခြေ များလာစေပါတယ်။ နောက်တစ်ချက်ကတော့ ဆားများခြင်းဟာ အစာအိမ်အနာတွေကို ထိခိုက်ရောင်ရမ်းစေတယ်လို့ ဆိုပါတယ်။ ဒါဟာ ကင်ဆာဖြစ်စေတဲ့ ကာစီနိုဂျင်ပစ္စည်းတွေနဲ့ ထိတွေ့မှုများစေပါတယ်။
ဆားစားသုံးမှုနည်းရင် ဘာဖြစ်နိုင်လဲ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။