ကိုယ်ရောစိတ်ပါ အနားရအောင် ဘယ်လိုအနားယူမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 19, 2020 . 2 mins read
Share now

ယနေ့လူမှုအဖွဲ့အစည်းဟာ အပြိုင်အဆိုင်ပိုများပြီး စိတ်ဖိစီးမှုတွေနဲ့ နေ့စဉ်ကြုံတွေ့နေရပါတယ်။ လုပ်ငန်းခွင်မှာဖြစ်စေ၊ ကျောင်းစာသင်ခန်းမှာဖြစ်စေ၊ မိသားစုတွင်းမှာဖြစ်စေ ဖြေရှင်းစရာ တပုံတပင်နဲ့ စိတ်ရောကိုယ်ပါ ပင်ပန်းစရာတွေ များပါတယ်။ တစ်ခါတရံမှာ မိမိကိုယ်တိုင်အတွက်တောင် အချိန်မပေးနိုင်တာ ဖြစ်လာနိုင်ပါတယ်။ ပတ်ဝန်းကျင်မှာ ပါဝင်ဆောင်ရွက်စရာ ကိစ္စတွေ မည်သို့ပင် များနေစေကာမူ မိမိရဲ့ ကိုယ်ကျန်းမာရေး၊ စိတ်ကျန်းမာရေးအတွက်လည်း အချိန်ပေးသင့်ပါတယ်။

အနားယူသင့်တဲ့ အချိန်မှာ အနားမယူဘဲ ဆက်တိုက်အလုပ်လုပ်နေခြင်းဟာ စိတ်ရောကိုယ်ပါ ထိခိုက်စေပါတယ်။ စိတ်ဖိစီးမှုလည်း ပိုများလာနိုင်ပါတယ်။ ကြာလာရင် ပင်ပန်းနွမ်းနယ်လွန်းပြီး ဘာမှဆက်မလုပ်နိုင်တော့တဲ့ အခြေအနေ (burnout)၊ ဦးနှောက်ထိုင်းသွားပြီး တွေးတောဆင်ခြင်ခြင်း၊ အာရုံစူးစိုက်ခြင်း မပြုနိုင်တော့တဲ့ အခြေအနေ (brain fog) တွေ ကြုံလာနိုင်ပါတယ်။

ယခုဆောင်းပါးမှာ ဆက်လက်ဖော်ပြလိုတာကတော့ သင့်အနေနဲ့ ကိုယ်ရောစိတ်ပါ အနားရအောင် ကျင့်သုံးသင့်တဲ့ နည်းလမ်းအချို့ ဖြစ်ပါတယ်။

ဘယ်လို အနားယူမလဲ

သင့်အနေနဲ့ ပင်လယ်ကမ်းခြေ ဒါမှမဟုတ် တောင်ပေါ်အပန်းဖြေစခန်းကိုသွားနိုင်မှ မဟုတ်ပါဘူး။ နေ့စဉ် လှုပ်ရှားသွားလာနေရင်းကလည်း အနားယူချိန်ထားနိုင်ပါတယ်။ အချိန်မရဘူးဆိုရင်တောင် မိနစ်အနည်းငယ်တော့ ယူသင့်ပါတယ်။ နည်းလမ်းတွေကတော့ အောက်ပါအတိုင်းပါပဲ။

အသက်ရှူပါ

အသက်ရှူလေ့ကျင့်ခန်းဟာ အရိုးရှင်းဆုံးလ့ကျင့်ခန်းတွေမှာ ပါဝင်ပေမယ့် သင့်ကို စိတ်ရောကိုယ်ပါ လန်းဆန်းစေမှာ အမှန်ပါပဲ။ ဒီလေ့ကျင့်ခန်းအတွက် ဖြစ်နိုင်ရင် တိတ်ဆိတ်အေးချမ်းတဲ့ နေရာကို ရွေးပါ။ မျက်စိမှိတ်ထားပြီး ထိုင်ခုံမှာ သက်သောင့်သက်သာမှီထိုင်ပါ။ ဒါမှမဟုတ် အိပ်ရာပေါ်၊ ဆိုဖာပေါ်၊ ကြမ်းပြင်ပေါ် လဲလျောင်းပါ။

ဗိုက်ပေါ်ကို လက်နှစ်ဖက်ယှက်တင်ပါ။ သုံးစက္ကန့်လောက် အချိန်ယူပြီး အသက်ကို ဖြည်းဖြည်းချင်း ရှူသွင်းပါ။ ပြီးရင် သုံးစက္ကန့်လောက် အချိန်ယူပြီး အသက်ပြန်ရှူထုတ်ပါ။ အသက်ရှူသွင်းရှူထုတ်လုပ်နေချိန်မှာ ဗိုက်က ဖောင်းလိုက်ပိန်လိုက်ဖြစ်နေတာကို အာရုံပြုပါ။ ရှူသွင်းရှူထုတ်ကို အနည်းဆုံး ၅ကြိမ်ခန့် ပြုလုပ်ပါ။

တင်းကြပ်မှုတွေ ဖြေလျှော့ပါ။

စိတ်ပိုင်းဆိုင်ရာ ဖိစီးမှုတွေ ရှိနေချိန်မှာ ရုပ်ပိုင်းဆိုင်ရာ ဖိစီးတင်းကြပ်မှုတွေလည်း ရှိတတ်ပါတယ်။ ဒါကြောင့် ခေါင်းကိုက်ခြင်း၊ ဇက်ကြောတက်ခြင်းများ ဖြစ်တတ်ပါတယ်။ ဒိအတွက် ဖြေလျော့မှုတွေ ပြုလုပ်ပါ။ ကိုယ်ခန္ဓာရှိ ကြွက်သားတွေကို ဖြေလျှော့ဖို့ သင့်တော်ရာတနေရာမှာ လဲလျောင်းပါ။ ကိုယ်ခန္ဓာရဲ့ အစိတ်အပိုင်းတစ်နေရာရာကို အားယူပြီးတင်းလိုက်ပါ။

ဥပမာ လက်သီးများဆုပ်ပြီး လက်ကို တင်းလိုက်ပါ။ ဒါမှမဟုတ် ခြေထောက်ကြွက်သားများကို တင်းလိုက်ပါ။ ပြီးရင် ဖြည်းဖြည်းချင်း ပြန်လျှော့ပါ။ ခေါင်းကနေ ခြေဖျားထိ ကြွက်သားတွေကို အဆိုပါနည်းနလမ်းနဲ့ တင်းလိုက်၊ ဖြေလျှော့လိုက် ပြုလုပ်ပါ။

သဘာဝတရားနဲ့ နီးစပ်အောင်လုပ်ပါ

ကွန်ပျူတာရှေ့ကနေ ခဏထပါ။ ပတ်ဝန်းကျင်မှာရှိတဲ့ သစ်ပင်ပန်းမာန်တွေကို ကြည့်ရှုပါ။ အပင်ရေလောင်းပါ။ ပန်းပွင့်များကို ကိုင်တွယ်ကြည့်ပါ။ ခြံထဲဆင်းပြီး လမ်းလျှောက်ပါ။ သင်ဟာ တိုက်ခန်းနဲ့ နေသူတစ်ယောက်ဆိုရင်တော့ အခန်းတွင်းမှာ စိုက်နိုင်တဲ့ သစ်ပင်ငယ်လေးတွေ စိုက်ပျိုးထားနိုင်ပါတယ်။ ပတ်ဝန်းကျင်ကလေကို ရှူရှိုက်ပြီး လမ်းလျှောက်ပါ။

သင့်ရဲ့အောင်မြင်မှုတွေ၊ ကောင်းတဲ့အချက်တွေကိုချရေးပါ

လူအများဟာ စိတ်ဖိစီးလာချိန်မှာ အပြုသဘောထက် အပျက်သဘောကို ပိုမိုအာရုံစိုက်မိတတ်ပါတယ်။ သင့်မှာ ဘယ်လိုကျွမ်းကျင်မှုတွေ ရှိနေသလဲ၊ တခြားသူတွေထက် သင်ဘာတွေ ပိုမိုသာလွန်နေသလဲ၊ အဆင်ပြေနေသလဲ ချရေးပါ။ သင်ကူညီလိုက်လို့ တခြားသူတွေ အဆင်ပြေသွားတဲ့ ဖြစ်ရပ်တွေရှိရင်လည်း ချရေးပါ။

စိတ်ကူးယဉ်ပါ

တိတ်ဆိတ်အေးချမ်းတဲ့နေရာမှာ နေပြီး သင့်ကို စိတ်ချမ်းမြေ့မှုပေးနိုင်မယ့် နေရာဒေသများကို ပုံဖော်ပါ။ သင်သွားဖူးတဲ့ ခရီးတွေ၊ နေရာဒေသတွေ ဖြစ်နိုင်သလို ဓာတ်ပုံများ၊ ဗီဒီယိုထဲမှာ မြင်တွေ့ပြီး သင်သွားရောက်လည်ပတ်လိုတဲ့ နေရာတွေလည်း ဖြစ်ချင်ဖြစ်ပါလိမ့်မယ်။ ကမ်းခြေ၊ တောင်ပေါ်စခန်း၊ ပန်းခင်း စသဖြင့် တနေရာရာကို ရောက်ရှိသလို ပုံဖော်ခံစားပါ။ ဒီနည်းလမ်းဟာ သင့်ကို စိတ်ရောကိုယ်ပါ အပန်းပြေစေပါလိမ့်မယ်။

ဝါသနာအတွက် အချိန်ပေးပါ

သင့်အနေနဲ့ လက်ရှိလုပ်ကိုင်နေတဲ့ အလုပ်နဲ့ ဝါသနာအကြား ထပ်တူမကျရင် စိတ်ဖိစီးမှု ပိုများနိုင်ပါတယ်။ တနေ့တာအလုပ်တွေကို ခဏရပ်ပြီး သင့်ဝါသနာအတွက် အချိန်ဖဲ့ပေးပါ။ စာဖတ်ခြင်း၊ ပန်းချီဆွဲခြင်း၊ ခရီးထွက်ခြင်း၊ အပင်စိုက်ခြင်း၊ ဘောလုံးကန်ခြင်း စသဖြင့် သင်ဝါသနာပါတဲ့ အရာတစ်ခုခုကို ပြုလုပ်နေချိန်မှာ သင့်အနေနဲ့ စိတ်အပန်းပြေစေပါလိမ့်မယ်။

အကျိုးကျေးဇူးများ

အထက်ပါနည်းလမ်းတွေကို လုပ်ဆောင်ရတာဟာ ရိုးရှင်းပေမယ့် သင့်ကို စိတ်ရောကိုယ်ပါ ပြေလျော့စေမှာ ဖြစ်ပါတယ်။ ဒီနည်းလမ်းတွေအတွက် အချိန်မပေးချင်တာမျိုး ဖြစ်လာနိုင်ပါတယ်။ ဒါပေမယ့် စိတ်ဒုံးဒုံးချပြီးသာ အနားယူဖြေလျှော့ပါ။ သင့်အနေနဲ့ ပိုမိုရှင်းလင်းစွာ တွေးခေါ်နိုင်ပြီး ဆုံးဖြတ်ချက်တွေချနိုင်ခြင်း၊ နောင်ကြုံလာမယ့် စိတ်ဖိစီးမှုများကို ရင်ဆိုင်နိုင်ခြင်း၊ မိမိနေ့စဉ်ဘဝကို ပိုပြီး အကောင်းမြင်လာခြင်း၊ ကျန်းမာရေးပိုကောင်းလာခြင်း စတဲ့အကျိုးကျေးဇူးတွေနဲ့ ကြုံတွေ့ရပါလိမ့်မယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စိတ်ရောကိုယ်ပါ ကျန်းမာခြင်းကို ပျိုးထောင်ဖို့ ပြီးပြည့်စုံတဲ့ နည်းလမ်း (၁၉)သွယ်

စိတ်ရောကိုယ်ပါကျန်းမာမှပြည့်စုံတဲ့ကျန်းမာမှုတစ်ရပ်လို့ဆိုနိုင်ပါတယ်။   စိတ်ပိုင်းဆိုင်ရာကျန်းမာမှလည်း ရုပ်ပိုင်းဆိုင်ရာကျန်းမာမယ်ဆိုတာကိုမေ့ထားလို့မဖြစ်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အမျိုးသားကျန်းမာရေးအချိန်အခါ နိုဝင်ဘာ

Movember ဆိုတဲ့ပွဲဘယ်ကစဖြစ်လာသလဲ၊ ဘာတွေလုပ်ကြသလဲ၊ ဘယ်လိုကျန်းမာရေး ကိစ္စတွေအတွက် ပြုလုပ်သလဲဆိုတာပြောပြမယ်နော်။ ကိုယ်လက်လေ့ကျင့်ခန်း။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

ဆီးချိုရှိသူအတွက် ပြုစုစောင့်ရှောက်ရသူတစ်ယောက်ရဲ့စိတ်သောကကို လျှော့ချပေးနိုင်မယ့် (၇) ချက်

ဆီးချိုရှိသူ အတွက် ပြုစုစောင့်ရှောက်ရသူ တစ်ယောက် ရဲ့ စိတ်သောက ကို လျှော့ချပေးနိုင်မယ့် အချက်လေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

စိတ်ကျန်းမာရေးအကြောင်း

စိတ်မကျန်းမာခြင်း သို့ စိတ်ဝေဒနာဆိုတာက တစ်စုံတစ်ရာသောသက်ရောက်မှုတွေကြောင့် လူတစ်ယောက်နဲ့ တွေးခေါ်ပုံနဲ့ စိတ်ခံစာချက်တွေကို မူမမှန်တော့ပဲ ရောဂါဝေဒနာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ကိုဗစ်ကပ်ဘေးအတွင်းမှာ ဘယ်သူတွေ အထီးကျန်အဆန်ဆုံးဖြစ်နေလဲ

ကိုဗစ်ကပ်ဘေးကြောင့် ပိုကြီးမားလာတဲ့ နောက်ထပ်ကပ်ဘေးတစ်ခု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 8, 2021 . 3 mins read
အားကစားလုပ်ဖို့ရာမှာ လိုအပ်တဲ့ စိတ်အားထက်သန်မှု motivation

အားကစားလုပ်ဖို့ရာမှာ လိုအပ်တဲ့ စိတ်အားထက်သန်မှု motivation

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 5, 2021 . 3 mins read
စိတ်ကျန်းမာအောင် ဗီဒီယိုဂိမ်း ကစားပေးရမယ်တဲ့

စိတ်ကျန်းမာအောင် ဗီဒီယိုဂိမ်း ကစားပေးရမယ်တဲ့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read
သင့်ရဲ့ စိတ်လေး ကျန်းမာပါစ။

သင့်ရဲ့ စိတ်လေး ကျန်းမာပါစ (သို့မဟုတ်) သင်သိထားဖို့လိုတဲ့ စိတ်ကျန်းမာရေး အချက်ပြလက္ခဏာတွေအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 11, 2020 . 2 mins read