တချို့ Gym ကစားနေကြတဲ့ အမျိုးသားတွေ လုပ်တတ်တဲ့ အမှားတစ်ခုပါ။ ကိုယ်က အလေးကို နိုင်လာပြီဆိုရင် အလေးတိုးဖို့မစဉ်းစားဘဲ အကြိမ်ရေကို တိုးလုပ်ဖို့ပဲ တွေးမိတတ်ကြပါတယ်။ အဲ့တော့ ကိုယ်ခန္ဓာမှာ ရှိတဲ့ ကြွက်သားက ဒီအလေးနဲ့ပဲ အံဝင်ခွင်ကျဖြစ်သွားတဲ့အခါ အကြိမ်ရေများများတိုးလုပ်လို့လည်း ကြွက်သားထုတက်မလာနိုင်တော့ပါဘူး။
နောက်တစ်ချက်က ကိုယ်က အလေးနိုင်တယ်၊ အကြိမ်ရေတိုးလုပ်တယ်၊ အဲ့တော့ မြန်မြန်ပြီးဖို့ကို စိတ်ကူးရင်း အလေးမြန်မြန်မလိုက်တယ်၊ အဲ့ဒီနောက်မှာ ကိုယ့်ရဲ့ ကြွက်သားတွေက ထိခိုက်ဒဏ်ရာရသွားနိုင်ပါတယ်။ ဒါကြောင့် ဘယ်လိုလေ့ကျင့်ခန်းကိုမဆို လုပ်တော့မယ်ဆိုရင် ဖြည်းဖြည်းနဲ့ အသက်ရှူပါ။ ဘယ်လိုနည်းမှန်လမ်းမှန် ကစားရမလဲဆိုတာ လေ့လာပါ၊ မသိရင် နည်းပြဆရာကို မေးပါ။ အကြိမ်ရေကို သိပ်အလေးမထားပါနဲ့။ အလေးတိုးဖို့ကိုပဲ အာရုံစိုက်ပြီး ဖြည်းဖြည်းချင်း ကစားပါ။
၆။ နေထိုင်မှုပုံစံကို ဂရုစိုက်ပါ။
ဒီခေါင်းစဉ်နဲ့ပတ်သက်ပြီး ပြောရမယ်ဆိုရင် အိပ်ချိန်ကို အရင်ဆုံးပြောပြသင့်တယ်လို့ ထင်ပါတယ်။ ပိန်နေတဲ့သူတွေ ဘာကြောင့်ကြွက်သားမတက်ရတာလဲဆိုတဲ့ နောက်ကွယ်မှာ အိပ်ချိန်အပြည့်အဝမရခြင်း၊ အိပ်ရမယ့်အချိန်မှာ မအိပ်ဘဲ ဖုန်းသုံးနေတာ၊ ရုပ်ရှင်ကြည့်တာ၊ နေ့နဲ့ ညမှားအိပ်တာတွေက အဓိကတရားခံပါပဲ။ ဒါကြောင့် ညအိပ်ချိန်ကို ၁၂နာရီမထိုးခင် အချိန်တစ်ခု သေချာသတ်မှတ်ပြီး အိပ်ပါ။ အိပ်ကျင့်ရှိသွားရင် နောက်ပိုင်း ဒီအချိန် မအိပ်ရမနေနိုင်လောက်အောင် မျက်လုံးက လေးလံလာပါလိမ့်မယ်။ ပြီးတော့ Gym ကစားတဲ့အခါ ခန္ဓာကိုယ်က အားအင်အများအပြား ကုန်ဆုံးသလို ကြွက်သားတွေကိုလည်း အားပြန်ဖြည့်ဖို့၊ အသစ်ပြန်တည်ဆောက်ဖို့ အိပ်ချိန်ပြည့်နေဖို့ လိုပါတယ်။
နောက်တစ်ခုက Gym ကို နေ့တိုင်းသွားဖို့ မလိုပါဘူး။ လေ့ကျင့်ခန်းလုပ်တဲ့အခါ နဂိုရှိတဲ့ ကြွက်သားတစ်သျှူးတွေကို ချေဖျက်လိုက်ပြီး နောက်ကြွက်သားအသစ်တွေ ထပ်ဖြစ်လာဖို့ လေ့ကျင့်ပေးသလို ဖြစ်သွားပါတယ်။ အထူးသဖြင့် ပိန်တဲ့သူတွေက ဝတဲ့သူတွေနဲ့ ယှဉ်လိုက်ရင် ကြွက်သားထုနည်းတဲ့အတွက် ပိုပြီး ကိုယ်ခန္ဓာကို အနားပေးဖို့ လိုအပ်ပါတယ်။ ဒါကြောင့် Gym ကို တစ်ပတ် ၄-၅ ရက်လောက်ပဲ သွားပါ။ ကျန်တဲ့နေ့တွေမှာ အိမ်မှာ ကောင်းကောင်းစားပြီး ကောင်းကောင်းအနားယူကြပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။