backup og meta

ပြင်းထန်တဲ့ပြေးလွှားလေ့ကျင့်ခြင်း အပြီးမှာ ကြွက်သားနာကျင်မှုတွေကို ပျောက်အောင်လုပ်နိုင်တဲ့ နည်းလမ်းများ


Khine Phoo Ngon မှ ရေးသားသည်။ · 12/05/2020 တွင် အသစ်ဖြည့်စွက်ခဲ့သည်။

    ပြင်းထန်တဲ့ပြေးလွှားလေ့ကျင့်ခြင်း အပြီးမှာ ကြွက်သားနာကျင်မှုတွေကို ပျောက်အောင်လုပ်နိုင်တဲ့ နည်းလမ်းများ

    ပြေးလွှားလေ့ကျင့်ခြင်းအပြီးမှာ ကြွက်သားနာကြင်မှုဖြစ်ခြင်း နဲ့ အဲလိုနာကြင်ခြင်းကို ဘယ်လိုပျောက်အောင်လုပ်နိုင်မလဲ?

    အနာခံမှ အသာစံရမယ် ဆိုတဲ့ ဆိုလိုရင်းအတိုင်း စိတ်ပိုင်းဆိုင်ရာ ပဲဖြစ်ဖြစ်၊ ကိုယ်ခန္ဓါပိုင်းဆိုင်ရာပဲဖြစ်ဖြစ် ဘယ်အရာမဆို လုပ်ဆောင်ရာမှာ နာကြင်မှုဆိုတာကတော့ ရှိစမြဲပဲဖြစ်ပါတယ်။ လေ့ကျင့်ခန်းလုပ်ဆောင်ခြင်း၊ (သို့) ကိုယ်ခန္ဓါ ကြံ့ခိုင်ဖို့ လေ့ကျင့်ခြင်းတွေမှာလည်း နာကြင်တာတွေ ရှိမှာပါ။

    ဒါပေမယ့်လည်း ပြေးခြင်းအတွက်ဆိုရင်တော့ အထူးသဖြင့် စစချင်းပြေးသူတွေ(သို့) အကြာကြီးမပြေးဘဲနေပြီး ပြန်ပြေးတဲ့သူတွေ အတွက် ကြွက်သားနာတာဟာ ကောင်းတဲ့အချက်တစ်ချက် ဖြစ်ကောင်း ဖြစ်ပါလိမ့်မယ်။

    လေ့ကျင့်ခန်းတွေလုပ်ဆောင် တဲ့အခါမှာ ကြွက်သားတွေက ဘယ်လို အလုပ်လုပ်တယ်ဆိုတာကို ကျွန်ုပတို့ အားလုံးသိကြပါတယ်။ အဓိက လုပ်ဆောင်ချက်နှစ်ခုကတော့ အကြောလျှော့ခြင်းနဲ့ ကြွက်သားကျုံ့ခြင်း ဖြစ်ပါတယ်။

    ဒါပေမယ့် ဘယ်အရာမဆို မသုံးဘဲ ပစ်ထားတာလတွေ၊ နှစ်တွေ ကြာနေပြီဖြစ်တဲ့ အရာတွေဆိုရင် သံချေးတက်တဲ့ အခါတွေရှိမှာပါ။ ကြွက်သားတွေ အတွက်လည်း ဒီလိုပါပဲ။ ပြေးလွှားပြီးတဲ့အခါ အထူးသဖြင့် ပထမဆုံးအကြိမ်ဆိုရင် သင်ဟာ နောက်ပိုင်း ဖြစ်လာတဲ့ ကြွက်သားနာကြင်ခြင်း (သို့) DOMS ဆိုတဲ့ အခြေအနေကို တွေ့ကြုံခံစားရမှာ ဖြစ်ပါတယ်။

    ပြေးလွှားပြီး ၂၄ နာရီမှ ၄၈ နာရီအတွင်းမှာ ကြွက်သားတွေမှာ နာကြင်တာဟာ တဖြည်းဖြည်းစတင်လာပါမယ်။ တဖြည်းဖြည်းနဲ့ နံနက်တွေမှာ ထနိုင်ဖို့တောင် ခက်ခဲလာနိုင်ပါတယ်။ ဒီလိုဖြစ်တာဟာ သင့်ကြွက်သားတွေက ပုံမှန်လုပ်ဆောင်နေကျ ထက်ပိုပြီး အလေ့အကျင့် ခံလိုက်ရခြင်းကြောင့် ဖြစ်ပါတယ်။

    ဥပမာ သင်ဟာကျောင်းကို သွားဖို့ မီတာ ၅၀၀ လောက်လမ်းလျှောက်နေကျ ဖြစ်ပြီး အခုက စပြီး ၂မိုင်လောက်ပြေးတယ်ဆိုတာမျိုးကြောင့်ပါ။ အဲလို ပုံမှန်လုပ်ဆောင်နေကျထက်ပိုပြီး လေ့ကျင့်လုပ်ဆောင် အပြီး နောက်နေ့ နံနက်မှာ ကြွက်သားတွေတင်းနေတာကြောင့် မအီမသာ ဖြစ်တာတွေ များလာနိုင်ပါတယ်။

    ကံကောင်းတာတစ်ခုက အဲလို နာကြင်တာက သင့်ကြွက်သားတွေ အလုပ်ကောင်းကောင်း လုပ်နေသေးတယ်ဆိုတာကို ပြနိုင်တဲ့ လက္ခဏာ တစ်ခုဖြစ်တာပါပဲ။ အဲလိုနာတာက သင့်ရဲ့ နောက်ထပ်လေ့ကျင့်မှုတွေမှာ ပို ကြံ့ခိုင်ပြီး ပိုကောင်းကောင်းလုပ်ဆောင်နိုင်အောင် သင့်ကြွက်သားတွေက လေ့ကျင့်မှုအသစ်ကို လိုက်လျောညီထွေဖြစ်အောင်လုပ်ဆောင်နေတယ်ဆိုတာကို ပြပါတယ်။

    ဒါပေမယ့် ဒီလိုနာတာက သင့်ရဲ့နေ့စဉ် လုပ်ငန်းဆောင်တာတွေကိုပါ လုပ်ဆောင်ဖို့ ခက်ခဲစေလာပြီ ဆိုရင်တော့ သင်ဟာ လေ့ကျင့်မှု အရမ်းများသွားတာ ဖြစ်နိုင်တဲ့အတွက် သင့်ခန္ဓါကိုယ် ပြန်လည်ကောင်းမွန် လာဖို့အတွက် အချိန်လိုအပ်နိုင်ပါတယ်။

    ဘာပဲဖြစ်ဖြစ် ပြေးပြီးနောက်တစ်နေ့မှာ နာကြင်မှုရှိတာဟာ ပုံမှန်ဖြစ်နေကျဖြစ်ပြီး အဲလို မအီမသာ ဖြစ်တာတွေကို လျော့နည်းစေနိုင်မယ့် နည်းလမ်းတစ်ချို့ရှိပါတယ်။

    နားနားနေနေ လုပ်ဆောင်ပါ။

    ကြွက်သားလေ့ကျင့်ခန်း လုပ်ဆောင်ရာမှာ တစ်ခါတည်း အလောတကြီး အများကြီး လုပ်ဆောင်တာထက် နားနားနေနေ လုပ်ဆောင်တာက ပိုပြီး ထိရောက်ကောင်းမွန်တယ်ဆိုတာ သိဖို့က အရေးကြီးပါတယ်။ အဲလိုလုပ်ဆောင်ရာမှာ သင့်ခန္ဓါကိုယ်ကို ကျင့်သားရအောင် ပေါ့ပေါ့ပါးပါး လေ့ကျင့်ခန်းတွေ လုပ်ဆောင်ဖို့ အချိန်ပေးဖို့လည်းပါဝင်ပါတယ်။

    အခြား နည်းလမ်းတစ်ခုကတော့ အကြော လျှော့ခြင်းပါပဲ။ အကြောလျှော့ခြင်းဟာ လေ့ကျင့်ခန်းတွေ လုပ်ဆောင်ရာမှာ အခြေခံကျတဲ့ အစိတ်အပိုင်းတစ်ခု ဖြစ်ပါတယ်။ ဒါပေမယ့် လူတွေက အဲဒါကို အထင်သေးတတ်ကြပါတယ်။

    အကြာကြီးပြေးလွှားပြီးနောက်မှာ အကြောလျှော့တာက နာနေတဲ့ ကြွက်သားတွေကို သက်သာစေဖို့ အများကြီးကူညီပေးနိုင်ပါတယ်။ ပန်းခြံထဲမှာ ဒုန်းစိုင်းပြေးပြီးနောက် ဖြစ်တဲ့ ကြွက်သားနာကြင်မှုကို လျော့နည်းစေနိုင်ပါတယ်။

    (သို့မဟုတ်) လေ့ကျင့်ခန်းအပြင်းအထန်လုပ်တဲ့နည်းကို ဆက်တိုက်လုပ်ပြီး ကြိုးစားစမ်းသပ်ကြည့်ပါ။

    ထူးဆန်းစွာနဲ့ပဲ နားနားနေနေ လေ့ကျင့်ခန်းလုပ်တာရဲ့ပြောင်းပြန်ဟာ အကူအညီ ဖြစ်ကောင်း ဖြစ်နိုင်ပါလိမ့်မယ်။ လေ့ကျင့်ခန်းအပြင်းအထန်လုပ်တဲ့နည်းလမ်းဟာ ကြွက်သားတွေဟာ အလွန်အကျွံပျက်စီးနေပြီဆိုရင် ပြန်လည်ကောင်းမွန်တာမြန်ဆန်ပြီး ဒီလို တူညီတဲ့ လေ့ကျင့်မှုတွေကြောင့် ထပ်ပြီး ထိခိုက်နိုင်တာတွေ ကို လည်းကာကွယ်ပေးနိုင် ပါတယ်ဆို တဲ့ အချက်အပေါ် အခြေခံနေပါတယ်။

    DOMS (တစ်ဖြည်းဖြည်းစပြီး နောက်ပိုင်းမှ ဖြစ်လာတဲ့ ကြွက်သားနာကြင်ခြင်း) တွေလည်းဖြစ်လာနိုင်ပါတယ်။ ဒါပေမယ့် ခဏတာပဲ ဖြစ်မှာပါ။ လေ့ကျင့်ခန်းအပြင်းအထန်ဆက်တိုက်လုပ်တာကို စစချင်းလေ့ကျင့်ခန်းလုပ်တဲ့ အကြိမ်အနည်းငယ်တွေမှာ ကြွက်သားအုပ်စု တစ်ခုကို အပြင်းအထန်လေ့ကျင့်ပေးခြင်း ဖြင့် ပြုလုပ်နိုင်ပါတယ်။

    ဥပမာ- သင့်ရဲ့နေ့စဉ် အပြေးလေ့ကျင့်ခန်းမှာ တာတိုပြေးတာမျိုး လုပ်ကြည့်ပါ။ အချိန်အတိုင်းအတာ တစ်ခုကြာသွားတဲ့အခါ သင်အေးအေးဆေးဆေးနဲ့ပိုပြီး ပြေးနိုင်လာပါလိမ့်မယ်။

    နာကြင်ခြင်းကြောင့် စိတ်ညစ်၊စိတ်ရှုပ်စေနိုင်ပါတယ်။ ဒါပေမယ့် အဲလိုနာတာဟာ မလိုအပ်ဘဲ ပြင်းပြင်းထန်ထန် နာတာကလွဲရင် သင့်ကြွက်သားတွေက တကယ်အလုပ်လုပ်နေတယ်လို့ ဆိုလိုပါတယ်။

    အရမ်းပြင်းပြင်းထန်ထန် နာကျင်ခြင်းဖြစ်လာပြီဆိုရင်တော့ ဆရာဝန်နဲ့ တွေ့ဖို့လိုအပ်နေပြီ် သို့မဟုတ် သင်အနားယူဖို့လိုအပ်နေပြီဆိုတာကို ပြတဲ့ လက္ခဏာ ဖြစ်နိုင်ပါတယ်။

    နှစ်ခုစလုံးမှာ ပုံမမှန်တာတွေက ဘာတွေလည်းဆိုတာ၊ ပုံမှန် ကဘာတွေ လည်းဆိုတာ အမြဲရှာဖွေပြီး ဘယ်ဟာက သင့်ခန္ဓါကိုယ်တွက် အကောင်းဆုံးလဲဆိုတာ ဆုံးဖြတ်ရပါမယ်။

     

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။


    Khine Phoo Ngon မှ ရေးသားသည်။ · 12/05/2020 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement