ရောင်စုံရေဘူးလေးတွေ၊ ဘေးနားမှာ ရေလီတာအမှတ်ပါတဲ့ ရေဘူးလေးတွေ သုံးပါ။ ပြီးတော့ ရေဘူးအကြည်လေးတွေသုံးပါ။ ရေရဲ့ သဘာဝက မြင်နေရရင် ပိုသောက်ချင်ပါတယ်။ ရေလီတာပမာဏကို တွေ့ရတဲ့အတွက် ကိုယ်သောက်တာ နည်းနေလား၊ လုံလောက်ရဲ့လားဆိုတာကို အလွယ်သိနိုင်ပါတယ်။
- လက်လှမ်းမီတဲ့ နေရာမှာ ထားပါ။
ရေဆာမှ သောက်ရေအိုးဆီ သွားမယ်ဆိုရင် ပျင်းတာနဲ့ သောက်ဖြစ်တော့မှာ မဟုတ်ပါဘူး။ ဒီတော့ ဆာတာနဲ့ အလွယ်တကူ သောက်နိုင်အောင် ကိုယ်အနေများတဲ့ အလုပ်စားပွဲ၊ အိပ်ခန်း စတဲ့ နေရာတွေမှာ ရေဘူးလေးတွေ ထားထားပါ။
ရိုးရိုးရေသောက်တာထက်စာရင် ရေအေးအေးလေးက ပိုပြီး သောက်လို့ကောင်းပြီး အပူသက်သာပါတယ်။ ရေခဲရေလိုမျိုးလည်း မသောက်ချင်ဘူးဆိုရင် ရေခဲသေတ္တာထဲမှာ ၁၅မိနစ်လောက် ထည့်အအေးခံပြီး သောက်ပါ။ ရိုးရိုးရေထက် အေးပြီး ရေခဲရေလောက်လည်း အေးခဲနေတာမျိုး မဖြစ်တော့ပါဘူး။
- သောက်ချင်စရာ ကောင်းအောင် ပြင်ဆင်ပါ။
ရိုးရိုးရေသောက်မယ့်အစား ရေထဲကို သံပုရာသီးလေး စိတ်ထည့်တာမျိုး၊ ပူဒီနံအရွက်လေးတွေ ထည့်ပြီး သောက်တာမျိုး လုပ်နိုင်ပါတယ်။ ဒါက Detox water မဟုတ်ပါဘူး။ ရေအရသာ ရှိပြီး သောက်လိုက်ရင် လန်းဆန်းသွားအောင် အရသာ ထည့်ထားတာပဲ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။