ထန်းလျက် နိုင်နိုင်လေးနဲ့ ကျိုထားတဲ့ ကတွတ်ယိုလေး စားရတာက အရသာရှိသလို ရင်ထဲကို အေးသွားစေပါတယ်။ ကတွတ်ယို ဆိုတာက ကတွတ်သီး မှည့်မှည့်လေးတွေကို ယိုထိုးထားတာပါ။ ငယ်ငယ်က ကျိုက်ထီးရိုးပြန် လက်ဆောင်ဆိုပြီး စားခဲ့ရတဲ့ ယိုတွေထဲက သဘောအကျဆုံး ယိုလေး တစ်မျိုးပေါ့။ ဒီလို စားကောင်းတဲ့ ကတွတ်ယိုလေးက ကျန်းမာရေးကို ဘယ်လို ထောက်ကူပေးလဲဆိုတာ ဆောင်းပါးလေးထဲ ဖတ်ကြည့်လိုက်နော်။
ကတွတ်ယိုမှာပါတဲ့ အာဟာရတွေ
ကတွတ်ယိုလေး စားပေးတာက အခုလို အာဟာရဓာတ်တွေ ပါဝင်နေပါတယ်။
- ကယ်လ်လိုရီ
- ကာဗိုဟိုက်ဒရိတ်
- သကြားဓာတ်
- အမျှင်ဓာတ်
- ပရိုတင်း
- အဆီဓာတ်
- ကယ်လ်ဆီယမ်
- မဂ္ဂနိ့
- ပိုတက်ဆီယမ်
- မဂ္ဂနီဆီယမ်
- ဗီတာမင် K
- ဗီတာမင် C
- ဗီတာမင် E တို့ပါဝင်နေပါတယ်။
ကတွတ်ယိုလေး စားကြရာဝယ်
ကတွတ်ယိုစားတာက ကျန်းမာရေးကို အခုလို ထောက်ကူပေးပါတယ်။
ဝိတ်ကျစေနိုင်တယ်
အရေပြား နဲ့ ဆံသား ကျန်းမာစေနိုင်တယ်
မှတ်ဉာဏ်ကောင်းစေတယ်
ဆီးချို ကာကွယ်ပေးတယ်
ကတွတ်ယိုလေး စားတာက အခုလို ကျန်းမာရေးကို အထောက်အကူပြုပေးပါတယ်။ ဗီတာမင်၊ သတ္တုဓာတ်တွေ ပြည့်ဝသလို ဓာတ်တိုးဆန့်ကျင်ပစ္စည်းတွေလည်း ကြွယ်ဝပါတယ်။ ဓာတ်တိုးဆန့်ကျင်ပစ္စည်း ကြွယ်ဝမှုက ဓာတ်တိုးပစ္စည်းတွေကြောင့် အရွယ်မတိုင်ခင် အိုမင်းတာ အသားအရေ ထိခိုက်ပျက်စီးတာတွေကို ကာကွယ်ပေးပါတယ်။
အမျှင်ဓာတ် ကြွယ်ဝမှုက အူတွေကို ကျန်းမာစေပြီး ဝမ်းချုပ်တာမျိုး မဖြစ်စေဖို့ ကာကွယ်ပေးနိုင်ပါတယ်။ ဗီတာမင် C ကြွယ်ဝမှုက ကိုယ်ခံအား ကောင်းစေသလို ခန္ဓာကိုယ်ရဲ့ သံဓာတ် စုပ်ယူနိုင်စွမ်းကို အားဖြည့်ပေးပါတယ်။ ကယ်လ်ဆီယမ် ပြည့်ဝစေဖို့လည်း ထောက်ကူပေးနိုင်ပါတယ်။
အရိုးတွေ သန်မာစေတယ်
ကတွတ်ယို စားပေးတာက ခန္ဓာကိုယ်အတွက် ကယ်လ်ဆီယမ် ပြည့်ဝစေပြီး အရိုးသိပ်သည်းဆ လျော့ကျတာကို သက်သာစေနိုင်သလို အရိုးပါးတာ၊ အရိုးပွတာမျိုး မဖြစ်စေဖို့ ထောက်ကူပေးပါတယ်။
အရိုးတွေကို သန်မာစေပြီး အရိုးကျိုးလွယ်တာကို ကာကွယ်ပေးပါတယ်။ အရိုးအက်တာမျိုးတွေ မဖြစ်စေဖို့ ကာကွယ်ပေးပါတယ်။
ဝိတ်ကျစေနိုင်တယ်
အမျှင်ဓာတ် ကြွယ်ဝမှုက အဆာခံစေနိုင်ပြီး ဝိတ်ကျစေဖို့ ထောက်ကူပေးနိုင်ပါတယ်။ အမျှင်ဓာတ် ကြွယ်ဝမှုက သွေးတွင်းကိုလက်စထရောကို ကျဆင်းစေပြီး နှလုံးရောဂါနဲ့ ဆီးချိုရောဂါ မဖြစ်စေဖို့ ကာကွယ်ပေးနိုင်ပါတယ်။
အဆီကျစေပြီး ကြွက်သားတက်စေဖို့လည်း ထောက်ကူပေးနိုင်ပါတယ်။ ခန္ဓာကိုယ် ကြွက်သားတက်အောင် လေ့ကျင့်နေသူတွေလည်း စားပေးလို့ ရပါတယ်။
အရေပြားနဲ့ ဆံသား ကျန်းမာစေနိုင်တယ်
ဆံသား၊ အရေပြား နဲ့ လက်သည်ခြေသည်းလေးတွေ ကျန်းမာသန်စွမ်းစေဖို့လည်း ကတွတ်ယို စားပေးလို့ ရပါတယ်။ ဓာတ်တိုးဆန့်ကျင်ပစ္စည်း ကြွယ်ဝမှုနဲ့ ဗီတာမင် C ပါဝင်မှုက အသားအရေကို ကျန်းမာစေပြီး ဆံသားကို သန်စွမ်းစေဖို့ ထောက်ကူပေးပါတယ်။ ကော်လာဂျင် ထွက်ရှိမှုကို လှုံ့ဆော်ပေးပြီး ခြေသည်းလက်သည်းတွေ ကျိုးပဲ့တာမျိုး မဖြစ်စေဖို့ ကာကွယ်ပေးပါတယ်။
ဆံပင်ကျွတ်တာကို သက်သာစေနိုင်ပါတယ်။ ဓာတ်တိုးပစ္စည်းတွေကြောင့် အရွယ်မတိုင်ခင် အိုမင်းတာမျိုး မဖြစ်စေဖို့ ကာကွယ်ပေးသလို နာတာရှည်ရောဂါတွေ မဖြစ်စေဖို့လည်း ကာကွယ်ပေးပါတယ်။
မှတ်ဉာဏ် ကောင်းစေနိုင်တယ်
ကတွတ်ယိုရဲ့ နောက်ထပ် ကျန်းမာရေး အာနိသင်က ဓာတ်တိုးဆန့်ကျင်အာနိသင်ကြွယ်ဝတာကြောင့် မှတ်ဉာဏ်တိုးတက်စေဖို့ ထောက်ကူပေးပါတယ်။ ဓာတ်တိုးပစ္စည်းတွေကြောင့် မှတ်မိနိုင်စွမ်းကျတာကို ကာကွယ်ပေးပါတယ်။ အာရုံကြောတွေကို ကျန်းမာစေပြီး အယ်လ်ဇိုင်းမားရောဂါ မဖြစ်အောင် ကာကွယ်ပေးသလို အသက်အရွယ်ကြောင့် မှတ်မိနိုင်စွမ်း ကျလာတာကို သက်သာစေနိုင်ပါတယ်။
ဆီးချိုကာကွယ်ပေးတယ်
ကတွတ်ယို အထူးသဖြင့် အချိုလျှော့နိုင်သမျှ လျှော့ပြီး ထိုးထားတဲ့ ကတွတ်ယိုလေး စားသုံးပေးတာက ဆီးချို ကာကွယ်ပေးနိုင်ပါတယ်။ အကြောင်းကတော့ ကတွတ်ယိုမှာ ဗီတာမင် E၊ sterols၊ coumarins၊ tannins နဲ့ အခြားသော bioactive compoundsတွေ ပါဝင်နေတာကြောင့် ဆီးချို ကာကွယ်ပေးနိုင်ပါတယ်။
အမျှင်ဓာတ် ပါဝင်နေမှုက အစားစားပြီးချိန်မှာ ရုတ်တရက် သွေးတွင်းသကြားဓာတ် မြင့်တက်တာမျိုး မဖြစ်အောင် ကာကွယ်ပေးနိုင်ပါတယ်။
ကဲ ….. ငယ်ငယ်က နှစ်နှစ်ခြိုက်ခြိုက် စားခဲ့တဲ့ ကတွတ်ယိုလေး က အခုလို ကျန်းမာရေး အကျိုးကျေးဇူးတွေ ရရှိစေနိုင်ပါတယ်။
[embed-health-tool-bmr]
