ကျောက်ကပ်ဝေဒနာရှင်တွေ မတည့်ပေမယ့် ဆေးဖက်ဝင်တဲ့ စောင်းလျားသီး

ဒါပေမယ့် ဟိုးအရင်ကအိမ်ရှေ့တွေမှာ စိုက်ထားတတ်တဲ့စောင်းလျားပင်လေးတွေက အခုတော့ရှားပါးနေပါပြီ။ အပင်ရှိနေသေးတဲ့အိမ်တွေမှာဆိုလည်း တန်ဖိုးမစား၊ သိပ်မစားကြတော့ လမ်းပေါ်မှာပြန့်ကျဲ။ တကယ်တော့ တန်ဖိုးမကြီးတဲ့ သဘာဝအသီးအနှံ၊အပင်လေးတွေကဆေးဖက်ဝင်တာ လူသိနည်းကြပါတယ်။ ဥပမာ ငယ်ငယ်ကဆော့ကြ၊စားကြတဲ့ဗောက်သီးကဆေးဖက်ဝင်မှန်းသိလာတဲ့အခါ နိုင်ငံခြားမျိုးတွေကိုဈေးကြီးပေးပြီးမှာယူကြတယ်။ အခုလို တန်ဖိုးမထားကြတဲ့ သဘာဝဆေးဖက်ဝင်အသီးလေးတွေကို တန်ဖိုးသိလာတဲ့အခါ လွယ်လွယ်နဲ့ရှာဝယ်လို့မရနိုင်တော့ဘူး၊ဈေးကြီးပေးပြီးလိုက်ဝယ်ရတော့တာပါပဲ။ ခုတော့ အရမ်းမရှားသေးခင် တန်ဖိုးထားပေးလိုက်ပါ။စောင်းလျားသီးက ဘယ်လိုအဖိုးတန်လဲဆိုတော့ …

ကင်ဆာကာကွယ်တယ်

ဓါတ်တိုးဆန့်ကျင်ပစ္စည်းတွေကြွယ်ဝလို့ ခန္ဓါကိုယ်ထဲကfree radicals အဆိပ်အတောက်တွေကို ပျက်ပြယ်သန့်စင်ပေးနိုင်ပါတယ်။ အမျှင်ဓါတ်ပါဝင်မှုလည်းများလို့ အူမကြီးမှာ ကျန်ရစ်နေတဲ့ အဆိပ်အတောက်တွေကို သန့်စင်ပေးနိုင်ပြီး အူမကြီးကင်ဆာဖြစ်နိုင်ခြေကိုလျော့နည်းစေပါတယ်။

အရောင်ကျစေနိုင်တယ်

ဓါတ်တိုးဆန့်ကျင်ပစ္စည်းတွေနဲ့ရောင်ရမ်းမှုလျော့ကျစေနိုင်တဲ့flavonoidsတွေပါဝင်လို့ တစ်ရှူးတွေပျက်စီးစေနိုင်တဲ့ free radicals တွေကို ဟန့်တားနိုင်ပါတယ်။

နို့ထွက်များစေတယ်

နို့တိုက်မိခင်တွေအတွက်က ကလေးအတွက် နို့ရည်အလုံအလောက်ထွက်ရှိနိုင်ဖို့ အရေးကြီးဆုံးပါ။ တခြားအာဟာရတွေလည်း စားလို့ရပေမယ့် တခါတလေချင့်ချိန်စားသုံးရင် နို့ထွက်များအောင် အထောက်အကူပေးနိုင်တဲ့အာနိသင်ရှိပါတယ်။ အရေးကြီးတာက သိပ်လည်းမစိမ်း၊ အမှည့်မလွန်ခင် စားဖို့ပါ။

နှလုံးအတွက်ကောင်းတယ်

စောင်းလျားသီးမှာပါတဲ့ ပိုတက်ဆီယမ်နဲ့ ဆိုဒီယမ်တွေဟာelectrolyte မှာပါဝင်တဲ့အရေးကြီးဓါတ်တွေဖြစ်ပြီးသွေးဖိအားကိုထိန်းညှိဖို့ အရေးပါတဲ့အရာတွေပါ။ နှလုံးကြွက်သားအပါအဝင် ခန္ဓါကိုယ်ရဲ့ကြွက်သားလုပ်ဆောင်ချက်တွေကို ထိန်းညှိပေးတဲ့ မဂ္ဂနီဆီယမ်ကြောင့် ဆိုဒီယမ်ကိုလည်း ထိန်းနိုင်တယ်။ ကိုလက်စထရောကိုလည်း ကျစေလို့ နှလုံးအတွက်ဆေးတစ်လက်ဖြစ်နေတာပါ။

ကိုယ်ခံအားကောင်းစေတယ်

စောင်းလျားသီးမှာ ဗီတာမင် C ကြွယ်ဝတာကြောင့် ကိုယ်ခံအားစနစ်ကိုမြှင့်တင်ပေးပြီး အအေးမိတုပ်ကွေးနဲ့တခြားရောဂါပိုးတွေကိုလည်း ကာကွယ်နိုင်တယ်။

အသားအရေလှစေတယ်

ဗီတာမင် C လို ဓါတ်တိုးဆန့်ကျင်ပစ္စည်းတွေကြောင့် အဆိပ်အတောက်တွေမှန်သမျှ ကူညီဖယ်ရှားပေးနေတော့ ဆိုင်မှာသွားပြီး အဆိပ်ထုတ်စရာမလိုတော့ပါဘူး။ အသားအရေပိုလှပြီး ဝက်ခြံကင်းဖို့၊ရေဓါတ်ဖြည့်တင်းပြီးချောမွတ်စေဖို့၊ အရေးအကြောင်းတွေလျော့စေဖို့စောင်းလျားသီးက ကူညီပေးမှာပါ။

အဆီကျစေတယ်

ချဉ်စော်ကားသီးခြောက်တို့ ဘာတို့ကို တကူးတကဝယ်ပြီးရေစိမ်သောက်ကြမယ့်အစားဈေးမကြီးတဲ့စောင်းလျားသီးကို မသုံးချင်ကြဘူးလား။ သတ္တုဓါတ်နဲ့အမျှင်ဓါတ်တွေကြွယ်ဝနေတော့ အဆီချအစီအစဉ်လုံးပမ်းနေသူတွေအတွက် ကွက်တိပါပဲ။ရေဓါတ်လည်းဖြည့်ဆည်းပေးနိုင်လို့ အားကစားလုပ်တဲ့အချိန်မှာဆို အဆင်ပြေတယ်၊electrolytesတွေထိန်းညှိပေးနိုင်မယ့်သတ္တုဓါတ်တွေရောနှောပါဝင်လို့ အသုံးဝင်ပါတယ်။