ဒိန်ချဉ်မှာ အကျိုးပြု ဘက်တီးရီးယား ပါဝင်နေတာကြောင့် အစာခြေစနစ် ကျန်းမာစေပြီး ကိုယ်ခံအားကို အားဖြည့်ပေးဖို့ အာဟာရ ပြည့်ဝစွာ ထောက်ပံ့ပေးမှာပါ။ တစ်နေ့ကို ပန်းသီး၊ ဘယ်ရီသီး၊ ကီဝီသီး၊ ငှက်ပျောသီး၊ ဖရဲသီး စတာတွေကို အရွယ်တော်လေးတွေ တုံးပြီး ထည့်ပေးပါ။
ဘီတာကယ်လ်ရိုတင်း ကြွယ်ဝပြီး ကိုယ်ခံအားကို အားဖြည့်ပေးနိုင်တဲ့ ဟင်းနုနွယ်ရွက်ကို သေချာလေး သင်ပြီး ရေနွေးဖျော်ပါ။ ပြီးရင် ရေစစ်ထားပြီး ကြက်သွန်ဖြူ ရိတ်ရိတ်လှီးလေးရယ်၊ နှမ်းဆီ နည်းနည်းရယ်၊ နှမ်းစေ့လှော်လေးရယ်၊ သံပုရာရည်၊ ဆား နည်းနည်း တို့ကို အချိုးကျထည့်ပြီး သုပ်ပေးတာကလည်း ခံတွင်းတွေ့စေမယ့် အရန်ဟင်းတစ်မျိုးပါ။
ဒါတွေအပြင် အစေ့အဆန်တွေ၊ အခွံမာသီးတွေကိုလည်း အဆာပြေ အနေနဲ့ ပြင်ပေးလို့ ရသလို သီးစုံပဲဟင်း၊ အသားနှပ်၊ ပဲနှပ် စတာတွေကိုလည်း ပြင်ဆင်ပေးလို့ ရပါတယ်။
အခုပြောခဲ့တဲ့ အစားအစာလေးတွေကို ပြင်ဆင်ပေးရင် တုပ်ကွေးရာသီမှာ ချစ်ရသူတွေကို ကိုယ်ခံအားကောင်းစေဖို့ အကောင်းဆုံး ထောက်ကူပေးလို့ရပါတယ်နော်။ ဒါတွေအပြင် ကိုယ်ခံအား ကောင်းစေဖို့ ရေများများသောက်တာ၊ အိပ်ရေးဝဝအိပ်တာ၊ စိတ်ဖိစီးမှု လျှော့ချတာ၊ ကိုယ်လက်လေ့ကျင့်ခန်း လုပ်တာတွေကိုလည်း လုပ်ဖြစ်အောင် ဂရုစိုက်ပေးဖို့ လိုပါမယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။