အပူအအေးမမျှတတဲ့ ရာသီဥတုမှာ လေအေးပေးစက် ကို ဘေးကင်းအောင် ဘယ်လိုသုံးကြမလဲ။

အခုခေတ်မှာတော့ ဘယ်နေရာသွားသွား လေအေးပေးစက် နဲ့ သိပ်မကင်းနိုင်ပါဘူး။ အိမ်မှာမတပ်ထားရင် တောင် ရုံးမှာ၊ ကားပေါ်မှာ၊ စျေးဝယ်စင်တာမှာ စသည်ဖြင့် တစ်နေရာရာမှာတော့ ကြုံရမှာပဲ။ လေအေးပေးစက်နဲ့ဆို နေမကောင်းဖြစ်လွယ်တယ်လို့ စိုးရိမ်တတ်ကြတော့ ဘေးအကင်းဆုံး ဖြစ်အောင် ဘယ်လိုသုံးရမလဲ၊ ဘယ်လိုအန္တရာယ်ကင်းအောင် နေရမလဲဆိုတာ သိထားဖို့သင့်ပါတယ်။ အပူအအေးမမျှတတဲ့ ရာသီဥတုမှာ လေအေးပေးစက် ကို ဘေးကင်းအောင် ဘယ်လိုသုံးကြမလဲ။

အပူအအေးမမျှတတဲ့ ရာသီဥတုမှာ လေအေးပေးစက် ကို ဘေးကင်းအောင် ဘယ်လိုသုံးကြမလဲ။

အပူအအေးမမျှတတဲ့ ရာသီဥတုမှာ လေအေးပေးစက်ကို ဘေးကင်းအောင် ဘယ်လိုသုံးကြမလဲ ဆိုတော့

လေအေးပေးစက် သုံးမယ်ဆို ဘာတွေသတိထားသင့်သလဲ

လေအေးပေးစက်ကို အန္တရာယ်ကင်းကင်း သုံးနိုင်ဖို့

လေအေးပေးစက် ကြောင့် အန္တရာယ်ရှိနိုင်တဲ့ အနေအထား ကနေ ကာကွယ်နိုင်စေဖို့ အပြင်ကနေ ပြန်ပြန်လာချင်း လေအေးပေးစက်ကို ချက်ချင်း မဖွင့်ပါနဲ့။ ဖွင့်ခါစမှာ fan-only mode ကိုပဲ စဖွင့်ပြီး အခန်းတွင်း အပူချိန်နဲ့ ပြင်ပအပူချိန် သိပ်မကွာတဲ့ အနေအထားရောက်မှ အပူချိန်ကို ဖြည်းဖြည်းချင်း လျှော့ချပေးပါ။

လေထုညစ်ညမ်းတဲ့ အခန်းထဲမှာ လေအေးပေးစနစ်ကို အမြဲ အသုံးပြုနေတဲ့ အနေအထားက သက်ကြီးရွယ်အိုတွေနဲ့ ကလေးငယ်တွေမှာ အသက်ရှူလမ်းကြောင်း ဆိုင်ရာ ဓာတ်မတည့်မှုတွေကို ဖြစ်ပေါ်ခံစားရစေတဲ့ အရင်းခံ အကြောင်းတရား ဖြစ်ပါတယ်။

ကိုယ့်ရဲ့နေထိုင်မှုပုံစံနဲ့ ပတ်သက်တဲ့ သတိထားစရာလေးတွေကိုလည်း မမေ့သင့်ပါဘူး –

• အပူချိန်အပြောင်းအလဲကို သိပ်မမြန်ပါစေနဲ့။

ပြင်ပအပူချိန်နဲ့ အဝင်အထွက်မှာ ချက်ချင်းကြီး ပူလိုက်အေးလိုက် မဖြစ်စေဖို့ ဂရုစိုက်ပါ။

• မျက်လုံးကို ခဏအနားပေးပါ။

အဲကွန်းက ထွက်တဲ့လေက ခြောက်တာကြောင့် အသုံးပြုတာများလွန်းရင် မျက်လုံးခြောက်သွေ့ခြင်းဖြစ်လာနိုင်ပါတယ်။ ဒါကြောင့် မျက်လုံးကို အနားပေးတာ၊ မျက်ရည်တုမျက်စဉ်းခပ်တာ လုပ်နိုင်ပါတယ်။

• အဲယားကွန်းခန်းထဲမှာ တစ်ချိန်လုံး မနေပါနဲ့။

ပြင်ပလေထုနဲ့ အပူချိန်မှာလည်း အချိန် အတိုင်းအတာ တစ်ခုလောက် နေပါ။ အိမ်မှာလည်း အဲယားကွန်းခန်းထဲက မထွက်၊ ကားပေါ် အဲယားကွန်း၊ တခြားနေရာသွားလည်း အဲယားကွန်း ဖြစ်နေသူတွေဟာ ပြင်ပ အပူချိန်ကို မခံနိုင်ဘဲ ရုတ်တရက် အပြောင်းအလဲမှာ အန္တရာယ်ရှိတတ်ပါတယ်။

• ရေဓာတ်များတဲ့ အသီးအနှံများများစားပါ။

အသီးတွေထဲမှာ ပါဝင်တဲ့ ဗီတာမင်တွေနဲ့ ရေဓာတ်တွေက ခန္ဓာကိုယ်ကို ရေဓာတ်ဖြည့်တင်းပေးပြီး အသားခြောက်ခြင်းကို ကာကွယ်ပေးမှာဖြစ်ပါတယ်။

• အစိုဓာတ်ထိန်းခရင် တစ်မျိုးမျိုးလိမ်းပါ။

ဒါမှ လေအေးပေးစက်ကြောင့် အသားအရေခြောက်သွေ့တာ၊ ပျက်စီးတာမျိုး မဖြစ်စေမှာပါ။

ခေတ်မီလူမှုဘဝမှာ သက်သောင့်သက်သာနေထိုင်ဖို့ အသုံးဝင်တဲ့ လေအေးပေးစက် ကို ဉာဏ်ရှိသလို အသုံးချနိုင်ရင် ဘေးလည်းကင်း၊ အဆင်လည်းပြေပါလိမ့်မယ်။ အပေါ်မှာအကြံပြုပေးခဲ့တဲ့ အချက်လေးတွေကို ဂရုစိုက်မယ်ဆိုရင် ရာသီဥတုအပူဒဏ်ကို ဘေးကင်းကင်းနဲ့ အံတုနိုင်မှာသေချာပါတယ်။